మీకు క్యాన్సర్ను నిరోధించుకోవాలని ఉందా...? అయితే కాలీఫ్లవర్ను మీ రెగ్యులర్ డైట్లో భాగం చేసుకోండి. ఎందుకంటే... ఇందులో ఉండే సల్ఫోరాఫేన్, ఇండోల్-3-కార్బినాల్ అనే రెండు ప్రధాన పోషకాలు క్యాన్సర్ను నిరోధిస్తాయి. ఈ క్యాన్సర్ నిరోధం కూడా ఒక చర్యలో కాకుండా... రెండు రకాలుగా జరుగుతుంది. మొదటిది... ఈ పోషకాలు క్యాన్సర్ వచ్చేందుకు దోహదపడే కారకాలను నిరోధిస్తాయి.
రెండోది శరీరంలోని విషపదార్థాల (టాక్సిన్స్)ను, క్యాన్సర్కు కారణమయ్యే పదార్థాల (కార్సినోజెన్స్)ను తొలగించడానికి దోహదపడే ఎంజైములను ఎక్కువగా స్రవింపజేస్తాయి. పైగా కార్సినోజెన్స్ను కణంలోకి ప్రవేశించకముందే వాటిని ఎదుర్కొంటాయి. కాబట్టి క్యాన్సర్నుంచి రక్షణ పొందాలని భావించే అందరూ కాలీఫ్లవర్ను తమ భోజనంలో ఎక్కువగా ఉండేలా చూసుకోవడం మంచిదంటున్నారు ఆహార నిపుణులు. కాలీఫ్లవర్ ఎక్కువగా తినేవారిలో రొమ్ము, ప్రోస్టేట్ క్యాన్సర్లు తక్కువ.
No comments:
Post a Comment