మంచి ప్రవర్తనకు ప్రోత్సాహం ఇలా...

ప్రోత్సాహపు మాటలకు ప్రత్యేక భాష, పదజాలం ఉంది. పిల్లలు వారి వారి కార్యక్రమాలను సక్రమంగా నెరవేరుస్తున్నప్పుడు మీ తీర్పులను ఎంతో జాగ్రత్తగా వెలువరించాలి. వారు చేసిన ఘనకార్యాల గురించి అట్టే పొగడకూడదు. అనేక సందర్భాలలో మనం వారిని అతిగా ప్రశంసిస్తూ ఉంటాం. మనం చేసే ప్రశంసలు ప్రోత్సాహకరంగా ఉండాలి. కాని వారి స్వాతిశయాన్ని పెంచరాదు. ప్రోత్సాహకరపు మాటలు ఇలా ఉంటాయి. నీకు ఈ పని బాగా నచ్చిందనుకుంటాను. చాలా బాగుంది. నువ్వు కొత్త విషయాలను నేర్చుకుంట్నూవు. నీకది ఏవిధంగా అనిపిస్తూ ఉంది? ఆత్మవిశ్వాసాన్ని పెంచే మాటలు ఇవే. నీ సంగతి నాకు బాగా తెలిసే నీకు ఈపనిని అప్పగించాను. నువ్వీ పని బ్రహ్మండంగా చేస్తావు. అది కొంచెం కష్టమైన పని అయినా నువ్వు తప్పక చేయగలవు. ప్రశంసాపాత్రమైన మాటలు: థాంక్యూ నువ్వు చేసిన పని నిజంగా బాగుంది. నా పనిని తేలిక చేసింది. నీ సలహాలు నాకెంతో ఉపయోగపడ్డాయి. నీ అవసరం నాకెంతో ఉంది. నీ సహాయం నాకెప్పటికీ అవసరమే.