చిట్కాలు

 

1. బియ్యంలో మట్టిగడ్డలు ఎక్కువగా ఉంటే చారెడు ఉప్పు వేసి 10 నిమిషాలు
నాననిస్తే మట్టిగడ్డలు నీళ్ళలో కరిగిపోతాయి.

2. కూరలు తరిగేటప్పుడు కత్తిపీట క్రింద పాత పేపరు వేసుకుంటే, తరిగిన తొక్కలను
అలాగే పేపరుతో ఎత్తి బైట పారేయవచ్చు. లేకపోతే అనంతరం ఊడ్చుకోవడం
శ్రమ, టైం వేస్టూనూ.

3. కాయగూరల్ని ముందుగా నీటిలో శుభ్రంగా కడిగి, ఆ తరువాతనే తరగాలి.
అంతేగాని ముందుగా తరిగేసి,తరువాత కడగకూడదు. 

4. ముందుగా కడిగినా కూడా అరటికాయ మొదలైనవాటిని తరిగి నీళ్ళలోనే
వేయాలి. ఇటువంటి కూరలు రెండుసార్లు శుభ్రపడవలసిందే.

5. కూరగాయముక్కల్ని పసుపు కలిపిన నీటిలో ఉంచితే ఏవైనా క్రిములు ఉంటే
అవి పైకి తేలిపోతాయి.

6. కూరలను మరీ సన్నగాను నాజూకుగానూ తరగకూడదు. అందువల్ల వాటిలోని
పోషకాంశాలు నశించే ప్రమాదముంది.

7. కొన్ని కూరలు తరిగేటప్పుడు చేతులు బంకగానో, పొరలు గానో వచ్చేస్తూనో
ఉంటాయి అరటి పనస వంటి కూరలు.తరిగేముందు చేతులకు కొంచెం నూనె
రాసుకుని తరిగితే ఆ విధంగా జరగదు.

8. కంద పెండలం వంటివి తరిగేటప్పుడు చేతుల్ని చింతపండు రసంలో
తడుపుకుంటే దురదలు పుట్టవు.

9. తరిగిన కాకరకాయ ముక్కలను కొంచెం ఉప్పు వేసి నలిపితే చేదు తగ్గుతుంది.

10. బంగాళాదుంపలు మెత్తబడినట్లయితే తరగబోయేముందు వాటిని ఒక అర
గంట ఐస్ వాటర్లో ఉంచితే గట్టిపడతాయి.

12. వంకాయలు, అరటికాయలు తరిగేటప్పుడు కొంచెం పెరుగు కలిపిన నీళ్ళలోకి
తరిగితే కనరెక్కకుండా ఉంటాయి.

13. వంకాయ ముక్కల్ని బియ్యం కడిగిన నీళ్ళలోకాని, ఉప్పు వేసిన నీళ్ళలో వేస్తే
కనరెక్కకుండాను, నల్లబడకుండానూ ఉంటాయి.

14. అరటిపువ్వును దంపేటప్పుడు పసుపు వేసి దంపితే నల్లబడదు.

15. ఉల్లిపాయలను ఒక అరగంట సేపు నీళ్ళలో నాననిచ్చి, ఆ తర్వాత తరిగితే
కళ్ళమ్మట నీళ్ళు రావు.లేదా ఫ్రిజ్లో పెట్టి తీసినా సరే.

16. కాలిఫ్లవర్ ను ఎప్పుడుగానీ చిన్న ముక్కలుగా తరిగి ఉప్పు వేసిన గోరువెచ్చటి
నీళ్ళలో వేసి కొద్ది సేపు తర్వాత తీసి వండుకోవాలి. ఇలా చేస్తే అందులోని
క్రిములు చచ్చిపోతాయి.

17. ఉల్లిపాయ తరిగేటప్పుడు రెండువైపులా కోసి మధ్యకి తరిగితే పైనున్న పొర
త్వరగా వచ్చేస్తుంది.

18. వెల్లుల్లికి కొద్దిగా నూనె రాసి కొద్దిసేపు ఎండలో బెడితే పొట్టు తేలిగ్గా వస్తుంది.

19. నిమ్మకాయను నేలమీద పెట్టి అరచేత్తో అదిమి కాస్త మెత్తబడ్డాక కోస్తే రసం
పిండటం తేలికగా ఉంటుంది ఎక్కువ వస్తుంది కూడా.

20. పగిలిన గ్రుడ్డును కొంచెం వెనిగర్ కలిపిన నీళ్ళలో ఉడకబెడితె లోపలి ద్రవం
బైటకు రాకుండా బాగా ఉడుకుతుంది.

21. గ్రుడ్లను ఉడకబెట్టిన తర్వాత వెంటనే చన్నీళ్ళలో ఉంచితే పైపెంకు
ఒలవడం తేలికవుతుంది.

22. ఉడికిన గ్రుడ్లను చన్నీళ్ళలో ముంచిన కత్తితో కోస్తే బాగా తెగుతాయి.

23. కోడిగ్రుడ్లను అల్యూమినియం, లేదా వెండిపాత్రలలో పగలగొడితే
అందులోని సల్ఫర్ కారణంగా పాత్రలు నల్లబడతాయి. 

24. తడిగా ఉన్న పాత్రలలోకి పగలగొడితే గ్రుడ్డులోని పసుపు భాగం పాత్రకు
అంటుకోకుండా ఉంటుంది.

25. ఆమ్లెట్లు వేసేముందు గిన్నెలో ఉప్పు కారం మసాలా అన్నీకలిపి కొద్దిగ
నీరుపోసి కలిపిన తర్వాత గ్రుడ్లను కొట్టి కలిపితే అవి సమానంగా కలుస్తాయి.

పాలకులంటే ఇలా ఉండాలి,,,,,,,,,,,,,దైవాలజీ

 

 

హజ్రత్ ఉమర్ (ర) గొప్పనాయకుడు. ప్రజారంజక పాలకుడు. పరిపాలనా దక్షుడు. ప్రతిక్షణం ప్రజాసంక్షేమం కోసమే ఆలోచించే ప్రభువు. పగలంతా పాలనావ్యవహారాల్లో తలమునకలై ఉన్నా, రాత్రుళ్లు కూడా సరిగా నిద్రపోయేవారు కారు. తన పాలనలో ప్రజలెలా ఉన్నారోనన్న ఆలోచన ఆయన్ను అనుక్షణం వెంటాడేది. ఈ ఆలోచనే ఆయన్ను గస్తీలు తిరిగి ప్రజల యోగక్షేమాలు తెలుసుకునేలా ప్రేరేపించేది. ఖలీఫా హజ్రత్ ఉమర్ తరచుగా మారువేషంలో గస్తీ తిరిగి ప్రజల కష్టసుఖాలు తెలుసుకునేవారు. ఒకరోజు హజ్రత్ ఉమర్ యథాప్రకారం గస్తీ తిరుగుతూ ఓ మారుమూల ప్రాంతానికి చేరుకున్నారు. అక్కడ ఒక చిన్న పూరిపాకలో ఓ వితంతువు నివసిస్తోంది. కూలినాలి చేస్తూ తన ముగ్గురు పిల్లల్ని పోషించుకుంటోంది. ఓసారి ఆరోగ్యం సహకరించక ఆమె మూడురోజుల నుండీ పనికి వెళ్లకపోవడంతో పస్తులుండాల్సిన పరిస్థితి ఏర్పడింది. క్షుద్బాధకు తట్టుకోలేక పిల్లలు ఏడుస్తూనే ఉన్నారు. ఎంత సర్దిచెప్పినా లాభం లేకపోయేసరికి ఆమె ఓ ఉపాయం ఆలోచించింది. ‘‘ఇక ఏడవకండి, కాసేపు ఓపిక పట్టండి. వెంటనే అన్నం వడ్డిస్తాను’’ అంటూ పొయ్యి రాజేసింది. ఓ గిన్నెలో నీళ్లు పోసి ఎసరు పెట్టింది. గరిటెతో మాటిమాటికీ తిప్పుతూ, ‘‘కాసేపట్లో ఉడికిపోతుంది, మీరలా కొద్దిసేపు నిద్రపోండి. అన్నం ఉడకగానే లేపి తినిపిస్తాను’’ అంటూ పిల్లలకు ఆశ కల్పించింది. ఏడ్చి ఏడ్చి అలసిపోయి ఉన్న ఆ అమాయక పసిపిల్లలు తల్లి మాటలతో ఊరట చెంది, పొయ్యి చుట్టూ తలా ఒకవైపు మేను వాల్చారు. కొద్దిదూరంలో నిలబడి ఇదంతా ఆసక్తిగా గమనిస్తున్న ఖలీఫా హజ్రత్ ఉమర్ ఆమెను సమీపించారు. ‘‘అమ్మా! పిల్లలు ఎందుకలా ఏడుస్తున్నారు? ఏమిటీ విషయం?’’ అంటూ ఆరా తీశారు, ఏం మాట్లాడాలో ఆమెకు అర్థం కాలేదు. పొంగుకొస్తున్న దుఃఖాన్ని పంటికింద బిగబట్టుకుని, ‘‘అది... అది కాదండీ... నిజానికి ఈ గిన్నెలో ఏమీ లేవు. పిల్లల్ని ఓదార్చడానికి కాసిని నీళ్లు, నాలుగు రాళ్లు పోసి వారిని నమ్మిస్తున్నాను, ఇంతకంటే ఇంకేమీ చేయలేని నిస్సహాయురాలిని’’ అన్నదామె కొంగుతో కళ్లు తుడుచుకుంటూ. పసిపిల్లల ఆకలిబాధను కళ్లారా చూసిన ఖలీఫాకు కూడా అప్రయత్నంగానే కళ్లవెంట నీళ్లు జలజలా రాలాయి. ‘‘అమ్మా! ఈ విషయం ఖలీఫాకు (పాలకుడు) చెప్పలేదా? పాలకుల దృష్టికి తీసుకెళితే నీకేమైనా సహాయం అందేదేమో!’’ అన్నారు ఉమర్. ‘‘అయ్యా! పేదవితంతువును. పాలకుల వద్దకు వెళ్లగలనా? అయినా తన రాజ్యంలో ప్రజలు ఎలా ఉన్నారో తెలుసుకోవాల్సిన బాధ్యత పాలకులకు లేదా? ప్రజాసంక్షేమం పట్టనివారు, కనీస ధర్మం నెరవేర్చలేని వారు పాలకులుగా ఎలా ఉంటారు?’’ అన్నదామె ఒకింత ఆవేదనతో. బాధ, నిస్సహాయతల్లోంచి ఆవేశంగా దూసుకొచ్చిన ఈ మాటలు ఖలీఫా ఉమర్ గుండెకు తూటాల్లా తగిలాయి. మారుమాట్లాడకుండా శరవేగంతో వెనుదిరిగిన ఉమర్ కోశాగారానికి చేరుకున్నారు. ఆ కుటుంబానికి కావలసిన వస్తువులన్నీ గోనెసంచిలో నింపుకుని స్వయంగా తన భుజాలపై మోసుకొచ్చి ఆమెకు అందజేశారు. స్వహస్తాలతో వండి పిల్లలకు తినిపించారు. ఈ ఆప్యాయతకు, ఇంతటి సహాయానికి కృతజ్ఞతలు ఎలా తెలుపుకోవాలో తెలియని ఆ స్త్రీ ‘‘అయ్యా... పాలకుడిగా (ఖలీఫాగా) ఉండాల్సింది నిజంగా మీరే. ఆ ఉమర్ కానేకాదు. పాలకుడికి ఉండాల్సిన లక్షణాలన్నీ మీలో ఉన్నాయి’’ అంటూ కృతజ్ఞతగా తెలిపిందామె. పశ్చాత్తాప భావంతో కుమిలిపోతున్న ఉమర్ ‘‘అమ్మా! ఇప్పటివరకు మీ కష్టసుఖాలు తెలుసుకోలేకపోయిన ఉమర్‌ను నేనేనమ్మా! నన్ను మన్నించండి. నా వల్ల పెద్ద పొరబాటే జరిగిపోయింది. ఇకముందు అలా జరగకుండా చూసుకుంటాను’’ అంటూ ఆ కుటుంబానికి ఆర్థిక సహాయం అందించి, పింఛను కూడా మంజూరుచేశారు. ఇంతటి జవాబుదారీతనం, బాధ్యతాభావం ఉండబట్టే ఖలీఫా హజ్రత్ ఉమర్ పాలనా కాలాన్ని చరిత్రకారులు సువర్ణాక్షరాలతో లిఖించారు. ఇందులో కనీసం వందోవంతైనా నేటి పాలకులు ఆచరించగలిగితే బాగుండు.

 

మంచి మాట

దైవాన్ని మెచ్చుకునే భజనలు కట్టిపెట్టు - దైవం మెచ్చుకునే పనులు మొదలెట్టు

 పెళ్లి అంటే మంచి జీవిత భాగస్వామిని ఎంచుకోవడం కాదు, మంచి జీవిత భాగస్వామివి కావడం. -:

నొప్పిలేకుండా రూట్‌కెనాల్ చేయవచ్చు...డెంటిస్ట్

పుచ్చు అనేది పంటికి ఎలా వ్యాపిస్తుంది? దానికి కారణాలు ఏమిటి?
దీనికి అనేక కారణాలు ఉంటాయి. 1) వంశపారంపర్యంగా 2) బ్రషింగ్ సరైన పద్ధతిలో చేయకపోవడం వల్ల 3) మన ఆహారపు అలవాట్ల వల్ల. పైన పేర్కొన్న పద్ధతుల ద్వారా పుచ్చు వ్యాప్తి చెందుతుంది.

పుచ్చు అనేది మొదటి దశలో పంటి మీద ఒక నల్లటి మచ్చలాగా ఏర్పడుతుంది. ఈ దశలో మనకి అసలు నొప్పి ఉండదు. తర్వాత గుంట లాగా ఏర్పడుతుంది. అప్పుడు మనం తీసుకునే పదార్థం దానిలో ఇరుక్కుంటుంది. ఈ క్రమం ఇలాగే కొనసాగినట్లయితే అది మెల్లగా పంటి మూడో పొర అనగా పల్ప్‌కి వ్యాపిస్తుంది. అప్పుడు పంటిలో నొప్పి మొదలయి పంటి వేరుకి వ్యాపిస్తుంది.

పుచ్చుపళ్ళకి ట్రీట్‌మెంట్ ఏవిధంగా ఉంటుంది?
1. మొదటి దశలో పుచ్చుకి ట్రీట్‌మెంట్ - నల్లగా మచ్చగా ఏర్పడిన ప్రాంతాన్ని శుభ్రపరచి సిమెంట్‌తో నింపుతారు. పంటి పల్ప్‌కి గనుక ఇన్‌ఫెక్ట్ అయితే రూట్ కెనాల్ ట్రీట్‌మెంట్ చేయాలి.

రూట్‌కెనాల్ ట్రీట్‌మెంట్ పద్ధతి ఏమిటి? అది ఎలా చేస్తారు?
ఇందుకు ముందుగా పంటిలో ఇన్‌ఫెక్ట్ అయిన నరాన్ని మొత్తం తొలగించాలి. ఆ తర్వాత ఇన్‌ఫెక్షన్ అంతా పోయిందని నిర్థారించుకుని ఆ భాగాన్ని మెడికేటెడ్ పదార్థంతో నింపుతారు. ఆ తర్వాత పంటిపైన క్యాప్ అమర్చుతారు.

రూట్ కెనాల్ ట్రీట్‌మెంట్‌లో ఆధునిక పద్ధతులు ఏమిటి?
1) రోటరీ రూట్‌కెనాల్ ట్రీట్‌మెంట్ 2) లేజర్ ద్వారా రూట్‌కెనాల్ ట్రీట్‌మెంట్.

ఆధునిక రూట్‌కెనాల్ పద్ధతుల ద్వారా ఉపయోగాలు ఏమిటి?
వీటి ద్వారా ఇన్‌ఫెక్షన్‌ని తక్కువ సమయంలో తొలగించవచ్చు. దీనిద్వారా ట్రీట్‌మెంట్ చాలా తక్కువ సమయంలో ఏ ఇబ్బందీ లేకుండా పూర్తి అవుతుంది.

 

గర్భవతులకు వచ్చే నడుమునొప్పి... తగ్గేదెలా? - గైనిక్ కౌన్సెలింగ్

నేను గర్భవతిని. ప్రస్తుతం ఏడోనెల నడుస్తోంది. ఈ మధ్య నాకు నడుమునొప్పి విపరీతంగా వస్తోంది. దీని నుంచి విముక్తి ఎలా? ఈ విషయంలో నేను పాటించవలసిన, పాటించకూడని వాటిగురించి చెప్పండి.
- రమ, విశాఖపట్నం

గర్భవతుల్లో నడుమునొప్పి రావడం సాధారణం. ఇది జబ్బు ఎంతమాత్రం కాదు. దీని గురించి ఆందోళన పడవలసిన అవసరం లేదు. గర్భం దాల్చాక మహిళలు 10 కిలోల వరకు బరువు పెరుగుతారు. దానికి తోడు పొట్ట ముందుకు పెరుగుతుంది. సహజంగానే మహిళల గరిమనాభి (సెంటర్ ఆఫ్ గ్రావిటీ) లో మార్పు వస్తుంది. దీనికి తగినట్లుగా శరీరం వంగడం వల్ల నడుము మీద ఒత్తిడి పడి నొప్పి రావడం చాలా సాధారణం. దీనికి తోడు నెలలు నిండుతున్నకొద్దీ ప్రసవాన్ని సులభతరం చేసేందుకు ఓవరీస్ నుంచి ‘రిలాక్సిన్’ అనే హార్మోన్ విడుదల అవుతుంది. ఇది కేవలం ప్రసవం జరిగే మార్గంలోని కండరాలను, ఎముకలనే గాక మన వెన్నెముకలోని వాటినీ రిలాక్స్ చేస్తుంది. ఫలితంగా ఇది వెన్నుపై ఒక రకంగా తన ‘సైడ్‌ఎఫెక్ట్’ను చూపుతుందన్నమాట. గర్భవతుల్లో నడుమునొప్పి రావడానికి దోహదపడే వాటిలో ఇదీ ఒక అంశమే. ఇక దీనికి తోడు ఉమ్మనీరు ఎక్కువగా ఉన్నవారిలో, గర్భంలో కవలలు ఉన్నవారిలో నడుమునొప్పి ఎక్కువగా వస్తుంటుంది.

జాగ్రత్తలు: నడుమునొప్పి ఎక్కువగా ఉన్న మహిళలు తాము నిల్చున్నప్పుడు, కూర్చున్నప్పుడు, పడుకునే సమయంలో నడుముపై ఒత్తిడి పడని విధంగా ఉండే భంగిమ (బాడీ పోశ్చర్)ను పాటించాలి. ఉదాహరణకు నడిచే సమయంలో వెన్నును వీలైనంత నిటారుగా ఉంచాలి. కూర్చున్నప్పుడు మోకాలిపై మరో మోకాలు వేసి ఎక్కువసేపు కూర్చోకూడదు. పాదరక్షల విషయంలో హైహీల్స్ పూర్తిగా మానేయాలి. అలాగే పూర్తిగా ఫ్లాట్‌గా ఉండే చెప్పులనూ వేసుకోకూడదు. దీనికి బదులు మన పాదంలో సహజంగా ఉండే ఆర్చ్‌లాంటి వంపునకు సపోర్ట్ ఇచ్చేలా కొద్దిపాటి హీల్ ఉండే చెప్పులను వేసుకోవాలి. బరువులు ఎత్తే సమయంలో వంగకూడదు. దీనికి బదులు కూర్చుని బరువులు ఎత్తాలి. ఇక పడుకుని టీవీ చూస్తున్నప్పుడు ఎడమవైపునకు ఒరిగి చూడాలి. పడుకునే సమయంలోనూ ఎడమవైపునకు తిరిగి పడుకోవడం మంచిది.

మందుల విషయానికి వస్తే... నడుమునొప్పి తగ్గడం కోసం ఎలాంటి నొప్పి నివారణ మందులూ వేసుకోకూడదు. నొప్పి నివారణ మందులు ఏవైనా సరే... పుట్టబోయే బిడ్డకు మంచిది కాదని గుర్తుంచుకోవాలి. ముఖ్యంగా బిడ్డ కిడ్నీలపై ఇవి దుష్ర్పభావం చూపుతాయి. ఒక్కోసారి నొప్పి నివారణ మందులు పిండంపై చూపే దుష్ర్పభావంతో ఉమ్మనీరు తగ్గిపోయి, అది కడుపులోనే చనిపోయే ప్రమాదమూ ఉంది. అందుకే డాక్టర్ సలహా లేకుండా ఎలాంటి నొప్పి నివారణ మందులూ వాడకూడదు. నొప్పి నివారణ కోసం వాడే పైపూత మందులను సైతం వాడకూడదు.

ఒకవేళ నొప్పి మరీ ఎక్కువగా ఉంటే వేడినీళ్లతో కాపడం లేదా చన్నీళ్ల కాపడం (హాట్ వాటర్ ప్యాక్, కోల్డ్ వాటర్ ప్యాక్) పెట్టుకోవచ్చు. టాబ్లెట్ వేసుకుంటేగానీ తగ్గదనిపిస్తే సాధారణ పారాసిటమాల్ మాత్రను పరిమితంగా వాడవచ్చు. నొప్పి మరీ భరించలేకుండా ఉన్నప్పుడు ఒకసారి మీ డాక్టర్‌ను సంప్రదించి తగు సలహా, చికిత్స తీసుకోండి. ఇది గర్భధారణకు సంబంధించిన (ప్రెగ్నెన్సీ రిలేటెడ్) నొప్పి కాదని నిర్ధారణ అయితే అప్పుడు ఫిజియోథెరపిస్ట్‌ను సంప్రదించి, వారి సలహా మేరకు ‘లో బ్యాక్ స్ట్రెచ్’ వ్యాయామాలు చేయాలి. వీటితో మంచి ఉపశమనం ఉంటుంది.

 

ఆపరేషన్ తర్వాత ఈ అవస్థలేమిటి?

 

జెంటిల్‌మెన్ కౌన్సెలింగ్

నాకు 29 ఏళ్లు. నా కిడ్నీలో రాయి ఉందని చెప్పి మూత్రనాళం ద్వారా దాన్ని తొలగించారు. ఆపరేషన్ చేసినప్పటి నుంచి మూత్రంలో మంట, సెక్స్ చేసేటప్పుడు విపరీతమైన నొప్పి, అప్పుడప్పుడు మూత్రంలో కొంచెం రక్తం పడటం జరుగుతోంది. ఆపరేషన్ సమయంలో మూత్రనాళంలోని రక్తనాళాలు ఏమైనా చిట్లాయేమోనని భయంగా ఉంది. నా సమస్యకు తగిన పరిష్కారం చెప్పండి. - ధనరాజ్, ఏలూరు జ: కిడ్నీలో రాళ్లను ఆపరేషన్ లేకుండా మూత్రనాళం ద్వారా తొలగించడం అన్నది చాలా సాధారణమైన ప్రక్రియ. ఇందువల్ల సాధారణంగా ఏ సమస్యా ఉండదు. కాకపోతే కొద్దిమందిలో మాత్రం యూరినరీ ఇన్ఫెక్షన్ వచ్చి, ఆ సమస్యకు తగిన యాంటీబయాటిక్స్ వాడకపోవడం వల్లగానీ కొన్నిరాళ్లు లోపలే మిగిలిపోవడం వల్లగానీ మీరు చెప్పిన సమస్యలు రావచ్చు. మీరు యూరిన్ కల్చర్ పరీక్ష చేయించుకుని సరైన యాంటీబయాటిక్స్ వాడితే ఇది పూర్తిగా నయమవుతుంది. ఇక ముఖ్యమైన అంశం ఏమిటంటే... ఈ తరహా సర్జరీ (ఎండోస్కోపీ)లో కిడ్నీలో ఒక స్టెంట్ కూడా ఉంచుతారు. దాన్ని ఒక నెల తర్వాత తీయించుకోవాల్సి ఉంటుంది. ఒకవేళ మరచిపోయి అలా తీయించుకోకపోతే కూడా ఇన్ఫెక్షన్ సమస్యలు వస్తాయి. దీనికి పెద్దగా భయపడాల్సిన అవసరం లేదు. మీకు ఆపరేషన్ చేసిన డాక్టర్‌ను మరోమారు సంప్రదించండి.

 

పురుషులో జుట్టురాలడం అరికట్టేందుకు పరిష్కారం..!

నేటి ఉరుకుల, పరుగుల జీవితంలో మన గురించి మనం పట్టించుకునే తీరిక సమయాన్ని కేటాయించుకుంటూ చివరికి మరచిపోతున్నది మాత్రం మన ఆరోగ్యాన్నే. ఒడిదుడుకుల మధ్య సాగుతూ మరింత ఫ్యాషన్ గా కనపడడానికి జుట్టుకు రంగులు, డైలు వాడుతున్నారు. ఆధునిక జీవితంలో పని ఒత్తిడి, వాతావరణ కాలుష్యం ప్రభావంతో జుట్టు నిర్జీవంగా మారుతోంది.

అలాంటి జుట్టుపై ట్రిమ్మింగ్, ఫర్మింగ్, కలరింగ్ డై చేయించడం మూలంగా కుదుళ్లు కూడా బలహీనపడుతున్నాయి. ఇలాగే కొనసాగితే కొంత కాలనికి బట్టతల వచ్చేస్తుంది.జుట్టు రాలడానికి మరొక ప్రధాన కారణం ఒత్తిడి. జుట్టు రాలడానికి ప్రధానంగా శరీర తత్వం, అనారోగ్యం, ఆపరేషన్లు, విటమిన్ల లోపం, థైరాయిడ్ సమస్యలు, హార్మోన్ల అసమానత, మందుల సైడ్ ఎఫెక్ట్స్ కారణాలుగా ఉంటాయి. సాధారణంగా పురుషుల్లో ఈ సమస్య వంశపారంపర్యంగా వస్తుంది. ఒక వయసు దాటాక పురుషుల్లో స్త్రీల కంటే ఎక్కువగా వెంట్రుకలు రాలిపోతుంటాయి. కుటుంబంలో ఎవరికైనా బట్టతల ఉంటే అది పురుషులకు వస్తుంది.

ఇలాంటి వారికి జుట్టు ఎక్కువగా రాలుతుంది. దీన్నే ‘మ్యాన్ ప్యాటర్నల్ బాల్డ్ నెస్' అంటారు. పురుషుల్లో ‘ఆండ్రోజన్' హార్మోన్ ఎక్కువైనా జుట్టు రాలిపోతుంది. ఇది జుట్టు కుదుళ్లను బలహీనపరుస్తుంది. ఇలా రాలిన జుట్టు తిరిగి రావడం కష్టం తరచుగా చుండ్రు, ఫంగల్ ఇన్ ఫెక్షన్ వస్తూ ఉంటే జుట్టు వేగంగా రాలిపోతుంది. ఫలితంగా బట్టతల వచ్చేస్తుంది..కాబట్టి బట్టతల రాకముందే అసలు జాగ్రత్తలు పాటించండి...కొన్ని పరిష్కార మార్గాలు మీకోసం...

ప్రతిరోజూ తేలికపాటి షాంపూతో మీ జుట్టును కడగండి : మీ జుట్టును, తలను శుభ్రంగా ఉంచుకోవడం ద్వారా ప్రతిరోజూ తలస్నానం చేయడం అనేది జుట్టురాలడాన్ని నిరోధించడంలో ఒక భాగం. ఇలా చేయడం వల్ల, జుట్టు రాలడం, జుట్టు విరగడం వంటి సమస్యలకు దారితీసే అ౦టువ్యాధులను, చుండ్రు సమస్యలను తగ్గిస్తుంది. అంతేకాక శుభ్రంగా ఉన్నజుట్టు ఎక్కువ పరిమాణంలో ఉన్న అనుభూతిని ఇస్తుంది.

 

జుట్టు రాలినపుడు విటమిన్లు : విటమిన్లు ఆరోగ్యంగా ఉండడానికే కాకుండా మీ జుట్టుకి కూడా చాలా మంచిది. విటమిన్ ఎ, మీ తలమీది సిబం ఆరోగ్యకర నిర్మాణానికి ప్రోత్సహిస్తుంది. విటమిన్ ఇ, మీ తలమీద రక్తప్రసరణ సరిగా ఉండేటట్లు చేసి కోల్పోయిన జుట్టును తిరిగి పొందడానికి సహాయపడుతుంది. విటమిన్ బి మీ జుట్టు ఆరోగ్యకరమైన రంగుతో ఉండడానికి సహాయపడుతుంది.

ప్రోటీన్లతో సంపన్న ఆహరం : శుష్క మాంసాలు, చేపలు, సోయా లేదా ఇతర ప్రోటీన్లను తీసుకోవడం వల్ల జుట్టు ఆరోగ్యంగా ఉండడమే కాకుండా జుట్టు రాలడాన్ని కూడా అరికడుతుంది.

హెడ్ మసాజ్: జుట్టు రాలుతున్న వారు కొన్ని నిముషాలు సుగంధ తైలాలతో తలపై కొంత సమయం పాటు మర్దనా చేసుకోవడం తపానిసరి. ఇది మీ జుట్టుకుదుళ్ళను ఉత్సాహభరితం చేయడానికి సహాయపడుతుంది. మీరు బాదాం లేదా సేసమే నూనెలో లవేండర్ ని కలపవచ్చు.

తడి జుట్టును దువ్వకండి : జుట్టు తడిగా ఉన్నపుడు, చాలా బలహీనమైన స్థితిలో ఉంటుంది. అందువల్ల తడి జుట్టును దువ్వితే జుట్టురాలే అవకాసం ఎక్కువగా ఉంటుంది. కానీ తడి జుట్టును దువ్వవలసి వస్తే, వెడల్పు పళ్ళ దువ్వేనను ఉపయోగించండి. అదేవిధంగా తరచుగా జుట్టును దువ్వడం మానండి దీనివల్ల జుట్టు దెబ్బతిని ఎక్కువగా రాలుతుంది. చిక్కుబడ్డ వెంట్రుకలకు మీ వేళ్ళను ఉపయోగించండి, దువ్వెన లేదా బ్రష్ వాడకండి

వెల్లి రసం, ఉల్లి రసం లేదా అల్లం రసం

మీ తలపై ఏదోఒక రసాన్ని రుద్దండి, రాత్రంతా ఉంచి పొద్దున్న కడిగేయండి. ఒక వారంపాటు ఇలా చేయండి, ఫలితాన్ని మీరే గుర్తిస్తారు.

మిమ్మల్ని మీరు ఆర్ద్రీకరణ స్థితిలో ఉంచుకోండి : జుట్టు కుదుళ్ళు పావువంతు నీటిని కలిగిఉంటాయి అందువల్ల మీరు రోజులో కనీసం నలుగు నుండి ఎనుమిది కప్పుల నీరు తీసుకొని ఆర్ద్రీకరణ తో ఉండాలి, దీనివల్ల ఆరోగ్యకరమైన జుట్టు పెరుగుతుంది.

 

మీ జుట్టుకు గ్రీన్ టీ ని పట్టించండి : గ్రీన్ టీ ని జుట్టుకు పట్టించడం వల్ల జుట్టు రాలే సమస్య తగ్గుతుందని అధ్యయనాలు తెలియచేస్తున్నాయి. మీరు చేయవలసినదల్లా ఒక కప్పు నీటిలో రెండు బాగ్ ల గ్రీన్ టీ ని కాయండి, చల్లబడిన తరువాత, మీ జుట్టుకు అప్ప్లై చేయండి. ఒక గంట తరువాత మీ జుట్టును పూర్తిగా శుభ్రం చేయండి. ఇలా ఒక వారం నిండి పదిరోజులు చేసి, ఫలితాన్ని చూడండి.

జుట్టుకు చేడు ఏమిటో తెలుసుకోండి : మీరు మీ ఆరోగ్యంగా ఉంచుకోవాలి అనుకుంటే, ఏమేం జాగ్రత్తలు తీసుకోవాలో తప్పక తెలుసుకోవాలి. టవలుతో పొడి జుట్టును రుద్దకూడదు, అలాకాకుండా జుట్టు సహజంగా ఆరనివ్వాలి.

మద్య పానీయాలను తగ్గించండి : మీకు జుట్టు రాలుతుంటే మద్యపానం తగ్గించండి ఎందుకంటే మద్యపానం జుట్టు పెరుగుదలను అరికడుతుంది. అందువల్ల మీరు మీ జుట్టు పెరుగుదలను చూడాలి అంటే మద్యపానం తగ్గించని లేదా మానేయండి.

 

పొగత్రాగడం మానేయండి : సిగరెట్లు తాగడం వల్ల తలలో తగినంత రక్తప్రసరణ జరగదు ఇందువల్ల జుట్టు ఎదుగుదల తగ్గిపోతుంది.

 

శారీరక శ్రమ : ప్రతిరోజూ శారీరక శ్రమకు కొంత సమయం కేటాయించండి. నడక, ఈత లేదా బైక్ సవారీ ప్రతి రోజూ 30 నిముషాలు చేయడం వల్ల హార్మోన్ల స్థితి సరిగా ఉండడం, ఒత్తిడి స్థాయిని తగ్గించి జుట్టు రాలడం తగ్గడానికి సహాయపడుతుంది.

 

ఒత్తిడి లేకుండా ఉండడం : జుట్టు రాలడానికి ఒత్తిడి తో సంబంధం ఉన్నట్లు వైద్య పరిశోధన అధ్యయనాలు కనుగొన్నాయి. మిమ్మల్ని మీరు ఒత్తిడికి గురుకాకుండా చూసుకోండి; ప్రాణాయామం నేర్చుకోవడం ఒక మార్గం. ప్రాణాయామం, యోగా వంటివి కేవలం ఒత్తిడిని తగ్గించడమే కాకుండా హార్మోన్ల స్థితిని పునరుత్పత్తి చేస్తాయి.

 

ఎప్పుడూ వేడిగా & పొడిగా ఉంచకండి : మీరు తరచుగా మీ జుట్టును వేడిగా, పొడిగా ఉంచడం మానుకోండి. వేడి జుట్టు ప్రోటీన్లను నీరసింప చేస్తాయి, ఎపుడూ వేడిగా, పొడిగా ఉంచడం వల్ల బలహీనంగాం ,పెళుసుగా అయ్యి జుట్టు తాలుతుంది.

మీ తలలో చెమట లేకుండా చూసుకోండి : ఆయిలీ జుట్టు గల పురుషులు, వేసవిలో చెమటవల్ల చుండ్రుకి గురౌతారు, జుట్టురాలే ప్రమాదం కూడా ఉంది. కలబంద, నిమ్మ ఉన్న షాంపూలు మీ తలను చల్లగా ఉంచి, చుండ్రును నివారిస్తాయి. అంతేకాకుండా, హెల్మెట్ ధరించే పురుషులు వేసవిలో జుట్టురాలడం ప్రధాన సమస్య. చెమట రంధ్రాలలో పేరుకుని జుట్టు కుడుల్లను బలహీన పరచి పురుషులలో జుట్టురలడం సంభవిస్తుంది. అందువల్ల మీ జుట్టుకి స్కార్ఫ్/చేతి రుమాలు లేదా టెర్రీ క్లాత్ హెడ్ బాండ్ ధరించడం వల్ల జుట్టురాలడాన్ని నివారిస్తుంది.

 

మీ జుట్టు శైలిని మార్చుకోవడం (పొడవు జుట్టు గల పురుషులు): మీరు మీ జుట్టును ఇప్పటివరకు కోల్పోకుండా ఉంటె, జుట్టును లూజుగా వదిలేయండి. పోనీటైల్, బ్రైడ్, కృత్రిమ కేశాలంకరణ, జుట్టు మోడళ్ళు లాగి కట్టడం వంటివి బట్టతలకు దారితీస్తాయి.

మీ ఆరోగ్యంపై శ్రద్ధ వహించండి : ఆరోగ్య సమస్యలు జుట్టురాలడానికి దోహదపడతాయి. మీరు దీర్ఘకాల వ్యాధితో, అధిక జ్వరంతో, అంటువ్యాధులను సరిగా సమర్ధించుకుంటే మీ జుట్టు ఆరోగ్యంగా ఉన్నట్లు నిర్ధారించుకోవచ్చు.

మందుల విషయంలో శ్రద్ధ వహించాలి : కొన్ని మందులు దుష్ఫలితాలను కలిగిఉండడం వల్ల జుట్టు రాలవచ్చు. వైద్యుడిని సంప్రదించి మీరు మీ పరిస్థితిని తెలియచేయండి. మందుల వల్ల జుట్టు రాలుతుందేమో తెలుసుకోండి, అదే కారణమైతే మందులు మార్చమని అడగండి.

రసాయనాలను దూరంగా ఉంచండి : గాఢమైన రసాయనాలు, శాశ్వత జుట్టు రంగులు జుట్టు ఆరోగ్యాన్ని దెబ్బతీస్తాయి. మీకు జుట్టు రాలుతుంటే, మీ జుట్టుకు రంగు వేయవద్దని సూచన.

 

 

ఆరోగ్యంతో పాటు, రుచి, సుగంధ పరిమళమించే మీ గార్డెన్ మొక్కలు.!

ఇండియన్ కుషన్స్ లో సుగంధ ద్రవ్యాలు (మసాలా దినుసులు ) అధిక ప్రాధాన్యతను సంతరించుకున్నాయి. ఇవి లేకుండా చేసే వంటలు చాలా సింపుల్ గా ఉంటాయి. వీటిని ఆహారాల్లో చేర్చడం అటుంచితే. వీటిలో అత్యద్భుతమైన ఔషధగుణాలు పుష్కలంగా ఉన్నాయి. చాలా మంది ఇటువంటి మసాలా దినుసులను తమ తమ గార్డెన్లో పెంచుకోవాలని అనుకుంటారు.

కానీ అన్ని మసాలా దినుసులను మన హోం గార్డెన్ లో పెంచుకోవడానికి సాధ్యం కాదు. అందుకు వివిధ కారణాలున్నాయి. పరిసర ప్రాంతాలు మరియు వాతావరణ పరిస్థితులు అనుకూలంగా ఉండాలి. హోం గార్డెన్ లో స్పైసీలు(మసాలాదినుసుల మొక్కలు లేదా దుంపలను)పెంచుకోవాలనుకుంటే.. మీకు నచ్చిన కొన్ని స్పైసీల ఎంపిక చేసే మీ హోం గార్డెన్ లో పెంచుకోండి. అయితే వాతావరణ పరిస్థితులను మాత్రం మరవకండి. ఎటువంటి మొక్కలకైనా వాతావరణం ముఖ్యం.

మన ఇంటి గార్డెన్ లో సులభంగా పెంచుకొనే అనేక స్పైసీ మొక్కల్లో రెండు రకాల ప్రయోజనాలున్నాయి. ఔషధగుణాలతో పాటు కులినరీ బెనిఫిట్స్ పుష్కలంగా ఉన్నాయి. అంటువంటి స్పైసీ మొక్కలు మీ హోంగార్డెన్ లో సులభంగా పెంచుకొనే మొక్కలు మీకోసం కొన్ని..

తులసి: వెచ్చని వాతావరణంలో సంవత్సరం పొడవునా ఈ తులసి మొక్కను మన ఇంటి ఆవరణంలో లేదా గార్డెన్ లో పెంచుకోవచ్చు. ఇది వేడి వాతావరణంలో, ఎండ వేడిలో పెరుగుతుంది నీళ్ళు మరియు మొక్క పెరగడానికి అనుకూలమైన ప్రదేశం వేళ్ళు పాకడానికి వీలుగా .. విశాలంగా ఉండే ప్రదేశం ఉండాలి. అందుకు కొంచెం పెద్దగా ఉండే కుంపటి(పాట్)ను ఎంపిక చేసుకోవడం మంచిది.

 

పచ్చిమిర్చి: పచ్చిమిర్చి మొక్కలు చిన్నగా మరియు మీడియం సైజ్ మొక్కలుగా పెరుగుతాయి. అర మీటర్ నుండి రెండు మీటర్ల పొడవుంటాయి. పచ్చిమిర్చి విత్తనాలు మొలకెత్తడానికి20డిగ్రీల ఉష్ణోగ్రత అవసరం. మొక్క పెరిగి కాయ కాయడానికి లేదా పండుకావడానికి 30సెంటీగ్రేడ్ ల ఉష్ణోగ్రత అవసరం. ఇక ఈ మొక్కలకు రాత్రి ఉష్ణోగ్రత 15డిగ్రీ సెంటీగ్రేడ్ కు తగ్గకుండా చూసుకోవాలి.

అల్లం : ఇది మొక్క కాదు. కానీ భూమిలోపల పెరుగుతుంది. దీనికి సన్నని సూర్యరశ్మి మరియు వెచ్చని వాతావరణం మరియు మంచి మంటి ఉంటే చాలు అద్భుతంగా పెరుగుతుంది. అల్లం పెంచుకోవడానికి వింటర్/వింటర్ వదిలి వసంత కాలంలోనికి ప్రవేశించినా సరే అల్లం బాగా పెరుగుతుంది.

రోస్మెరీ: రోస్మెరీ పెరినైల్, ఇది రెండు నుండి మూడేళ్ళ పాటు పెరుగుతుంది. దీనికి మంచి డ్రైనేజ్ ఉండాలి. అలాగే ఎయిర్ సర్క్యులేషన్ మరియు ఎక్కువగా సన్ లైట్ ఉండాలి. చిన్నమొక్క తీసుకొని మట్టి కుండీలో పూడ్చాలి. కుండీలో మట్టి మరియు కాక్టస్ సాండ్ వేసి అందులో అర్ధ మొక్క వరాకూ మంట్టిలోనికి పూడ్చాలి. దీనికి ఎక్కవ నీరు పట్టాల్సిన అవసరం లేదు. మట్టి ఎప్పుడైతే ఎండినట్టు అనిపిస్తుందో అప్పుడు నీరు పడితే సరిపోతుంది.



మరువం : ఈ మొక్కను చాలా ఇల్లలో ఎక్కువగా పెంచుకుంటారు. వేళ్ళు పాకడానికి వీలుగా .. విశాలంగా ఉండే ప్రదేశం ఉండాలి.  దీనికి అప్పుడప్పడూ నీరు పడుతుంటే చాలు.  ఇది సువాసనకు మాత్రమే కాదు,ఔషధగుణాలు కూడా పుష్కలమే.

కరివేపాకు: ఈ మొక్కను చాలా ఇల్లలో ఎక్కువగా పెంచుకుంటారు. ఇది 26-37డిగ్రీ సెంటీగ్రేడ్ లో బాగా పెరుగుతుంది. ఇది ట్రోపికల్ క్లైమెట్ లో బాగా పెరుగుతుంది.

కొత్తిమీర: ధనియాలకు ఎక్కువ జాగ్రత్తతీసుకోవల్సిన పనిలేదు. దీనికి నీరు ఒక్కటుంటే చాలు. బాగా పెరుగుతుంది. పువ్వులు రావడం గమనిస్తే చాలు. ఈ మొక్క 4-6వారాలు పెరగడానికి సమయం పడుతుంది. అదే చల్లని వాతావరణంలో అయితే ఎక్కువ నెలలు పడుతుంది. దీనికి అప్పుడప్పడూ నీరు పడుతుంటే చాలు.

 

సోంపు: సోంపును వంటల్లో సువాసనకు మాత్రమే కాదు, తిన్న ఆహారం సులభంగా జీర్ణం అవ్వడానికి కూడా బాగా ఉపయోగపడుతుంది. దీనికి బాగా ఎండిన ప్రదేశం కావాలి. దాంతో పాటు, అధిక సూర్య రశ్మి కూడా అవసరం.

పుదీనా: పుదీనా వేర్లు మంటి కుంపట్లో లేదా భూమిలో పాతి పెడితే చాలు. వేర్లు బాగా అల్లుకుంటాయి. తగినంత సూర్యరశ్మిలో ప్రతి రోజూ ఒక్కసారి నీళ్ళు చిలకరిస్తే చాలు బాగా పెరుగుతంది. ఇది వంటల సువాసనకు మరియు రుచికి మాత్రమే కాదు, ఔషధగుణాలు కూడా పుష్కలమే.

మెంతులు: మెంతులు తడి పొడిగా ఉన్న వాతావరణంలో బాగా పెరగుతుంది. పొడిగాఉన్న నేలమీద మెంతులు చల్లి, ప్రతి రోజూ నీరు పడితే నెలరోజుల్లో మెంతి మొక్కలు బాగా మొలుస్తాయి. వీటిని వంట రుచికి మాత్రమే వాడరు. మెంతి ఆకుల్లో అనేక ఔషధ గుణాలున్నాయి.

 

వాము మొక్క :దీని  వేర్లు బాగా అల్లుకుంటాయి. తగినంత సూర్యరశ్మిలో ప్రతి రోజూ ఒక్కసారి నీళ్ళు చిలకరిస్తే చాలు బాగా పెరుగుతంది. ఇది వంటల సువాసనకు మరియు రుచికి మాత్రమే కాదు, ఔషధగుణాలు కూడా పుష్కలమే.
పిల్లలకి అజిర్తికి చక్కని ఔషదం.  దీనికి అప్పుడప్పడూ నీరు పడుతుంటే చాలు.



తమలపాకు: ఇది చూడటానికి మనీ ప్లాoట్ లా  ఉoటుoది. ఇందులో ఔషధగుణాలు కూడా ఎక్కువె,దీనిని ఇంట్లో కూడ పెంచుకొవచ్చు . దీనికి అప్పుడప్పడూ నీరు పడుతుంటే చాలు.

పిల్లల ఆరోగ్యానికి హెల్తీ సమ్మర్ ఫుడ్స్...!

ఇది మీరు అనుకునే నీళ్లు నమలడం కాదు... నీళ్లు నిండుగా ఉండే పుచ్చకాయ, టొమాటో లాంటివి నమలడం, లస్సీ, మజ్జిగలను చప్పరించడం. పండ్లు తినడం అన్నమాట. ఈ సీజన్‌లో నీళ్లు ఎక్కువగా తాగుతాం. అది అవసరం కూడా.


 కానీ... పిల్లలు ఎండలో ఆడుకుంటూ ఆ విషయమే మర్చిపోతారు. కొందరు పనులపై బయటికి వెళ్లినప్పుడు కుదరక నీళ్లు తాగలేరు. అప్పుడు డీహైడ్రేషన్ సమస్య బాధిస్తుంది. వేసవిలో ఎలాంటి ఆహారం తీసుకోవాలో తెలుసుకుంటే ఈ సమస్యను అధిగమించవచ్చు. ఈ నీళ్లు నమలడం పొరబాటు కానే కాదు. దీన్ని నిక్షేపంగా చేయవచ్చు.

అదే... ఈ వారం ముందుజాగ్రత్త.ఒక సీజను నుండి మరొక సీజనులోనికి అడుగుపెట్టేటప్పుడు వాతావరణ మార్పులవలన చలికాలం నుండి వేసవికాలంలో క్యాజువల్ ఎలర్జీ కండిషన్స్ ఎక్కువగా వస్తాయి. అంటే ధూళి, దుమ్ము, జలుబు, జ్వరం, ఫ్లూవ్యాధులు చిన్నపిల్లలు గాలి పీల్చేటప్పుడు వస్తాయి. ఇవికాక పిల్లల్ని నీరసపెట్టే విరోచనాలు వస్తాయి. మరీ ఎక్కువైతే డీలాపడిపోయిన సందర్భాలలో సెలైన్ బాటిల్స్ ఎక్కించాలి. డీహైడ్రేషన్ రాకుండా జాగ్రత్తలు పడాలి.

వేసవి అంటే పిల్లలు ఇంటిదగ్గర గడిపే రోజులు, ప్రయాణాలు చేసేరోజులు, లేదా సమ్మర్ క్యాంపులతో బిజీగా ఉండే రోజులు. విపరీతంగా ఆడుతూండటం వల్ల వారిలోని శక్తి సన్నగిల్లుతూంటుంది. శరీరంలో ఉన్న నీటి శాతం తగ్గిపోతుంటుంది. అందువల్ల పిల్లలకు పోషకాహారాన్ని అందించాలి.

వేసవిలో... కాలానికి అనుగుణంగా తీసుకునే ఆహారం శరీరాన్ని పదిలంగా, ఆరోగ్యంగా ఉంచుతుంది. ఈ సీజన్‌లో తేలికగా జీర్ణమయ్యే ఆహారం తీసుకోవాలి. అది నీరు కావ‌చ్చు, పండ్ల ర‌సాలు కావచ్చు, దీనివ‌ల‌న శరీరంలో నీటి శాతం కోల్పోకుండా ఉంటుంది.

పాల ఉత్పత్తులు - లస్సీ, మజ్జిగ, ఫ్లేవర్డ్ మిల్క్, ఫ్రూట్ మిల్క్ షేక్‌లు (మ్యాంగో మిల్క్ షేక్) వంటివి పిల్లల శరీరానికి అవసరమయిన శక్తిని, ప్రొటీన్లను, క్యాల్షియమ్‌ను, ఫ్లూయిడ్లను అందిస్తాయి.

తాజా పండ్లు, చల్లగా ఉండే పండ్ల రసాలు వంటివి కూడా పిల్లల శరీరంలోని నీటి శాతం తగ్గిపోకుండా కాపాడతాయి.

పిజ్జాలు, శాండ్‌విచ్ వంటివి పనీర్, తాజాకూరగాయలతో తీసుకుంటే పరవాలేదు కాని, ఎక్కువగా చీజ్ ఉపయోగించినవి మాత్రం మంచిది కాదు.

వెజిటబుల్స్‌ను పనీర్‌తో కలిపి ఇవ్వవచ్చు. లేదా పనీర్ రోల్స్ కూడా ఇవ్వవచ్చు.

ఇంట్లో తయారుచేసిన ఐస్‌క్రీమ్‌లు, ఫ్రూట్ కస్టర్డ్స్, పుడింగ్స్, స్మూతీస్, ఐస్ గోల్స్... వంటివి పిల్లలకి పెట్టవచ్చు.

పుచ్చకాయ:
ఇందులో 80 శాతం కంటె ఎక్కువ నీరు ఉంటుంది. అందువల్ల ఇది దాహాన్ని తీర్చి, డీహైడ్రేషన్ నుంచి కాపాడుతుంది.

గ్రిల్డ్ వెజిటబుల్స్: ఉల్లిపాయ, క్యారట్, బీన్స్, వెల్లుల్లి వంటి వాటిని... ఎండలో నుంచి ఇంట్లోకి రాగానే తినాలి. వీటిలోని యాంటీ ఆక్సిడెంట్లు ఎండతో వచ్చే చర్మవ్యాధులనుంచి రక్షిస్తాయి.సలాడ్స్: వేసవిలో కూరగాయలతో రకరకాల సలాడ్స్ తయారుచేసుకోవచ్చు.

గ్రిల్డ్ వెజిటబుల్స్, గ్రిల్డ్ వెజిటబుల్ పాస్తా, నూడుల్స్, గ్రిల్డ్ వెజిటబుల్ పనీర్ సలాడ్స్ వంటివి చేసుకోవచ్చు.

 

చిలకడ దుంప చేసే మేలు అంతా..ఇంతా కాదు..

చిలగడ దుంపలను చాలామంది పెద్దగా పట్టించుకోరు గానీ వీటిల్లో పోషకాలు దండిగా ఉంటాయి. ఉడికించుకునో, ఆవిరిపై ఉడికించో, కాల్చుకునో, కూరగా వండుకునో.. రకరకాలుగా వీటిని తినొచ్చు. సలాడ్లకూ ఇవి మరింత రుచిని తెచ్చిపెడతాయి. కాబట్టి వీటిని వారానికి కనీసం రెండు సార్లయినా తినటం మేలని నిపుణులు సూచిస్తున్నారు.

శరీరానికి కావల్సిన పోషకపదార్థాలను అందించడంలోనే కాదు వివిధ రకాలుగా శరీరంలో చేరిన విషపదార్థాలను తొలగించడంలో చిలుగడ దుంపలకు ప్రత్యేక స్థానం ఉంది. అనేక ఖనిజ లవణాలతో పాటు దుంపలలో పిండి పదార్థాలు(కార్బోహైడ్రేటులు), విటమిన్‌లు(బి,సి,ఇ) ఉన్నాయి. ఇక చిలుగడదుంపలో కార్టినాయిడ్స్‌ మరియు పాలీఫినాల్స్‌ వంటి ఫైటో రసాయనాలు ఉన్నాయి. దుంపలో లభించే పోషక పదార్ధాల వినియోగం దానిని ఉడకపెట్టే విధానంపై ఆధారపడి ఉంటుంది . ఎదిగే పిల్లలకు స్వీట్‌ పొటాటోను ఉడికించి తినిపించడం వల్ల శరీరంలో ఉన్న విషరసాయనాలు సులభంగా బయటకు పంపిస్తుంది. మరి పెద్దల్లో ఈ స్వీట్ పొటాటో తినడం వల్ల కలిగే ప్రయోజనాలు ఒకసారి చూద్దాం..

 

పీచు(జీర్ణవ్యవస్థకు): బంగాళాదుంప, కందగడ్డల్లో కన్నా చిలగడదుంపల్లో పీచు మోతాదు చాలా ఎక్కువ. దీంతో నెమ్మదిగా జీర్ణమవుతూ ఎక్కువసేపు కేలరీలు విడులయ్యేలా చేస్తాయి. ఇందులో ఉండే కార్బోహైడ్రేట్స్ రక్తంలోని షుగర్ లెవల్స్ ను తగ్గిస్తుంది

 

విటమిన్‌ బీ6(గుండె ఆరోగ్యానికి): చిలగడదుంపల్లో విటమిన్‌ బీ6 దండిగా ఉంటుంది. రక్తనాళాలు బలంగా ఉండేందుకు తోడ్పడే హోమోసిస్టీన్‌ను విటమిన్‌ బీ6 విడగొడుతుంది. అందువల్ల వీటితో గుండె, రక్తనాళాల సమస్యలు దూరంగా ఉంటాయి.

 

పొటాషియం(అధిక రక్తపోటు): ఒంట్లో ఎక్కువగా ఉన్న ఉప్పును తొలగించి, నీటి మోతాదును నియంత్రిస్తూ అధిక రక్తపోటును తగ్గించటంలో పొటాషియం కీలకపాత్ర పోషిస్తుంది. చిలగడదుంపల్లో పొటాషియం మోతాదూ అధికంగానే ఉంటుంది.

 

విటమిన్‌ ఏ(కళ్ళు ఆరోగ్యానికి): చిలగడదుంపల్లో విటమిన్‌ ఏ లేదా బీటా కెరటిన్‌ ఎక్కువ. ఇది ఎండకు చర్మం దెబ్బతినకుండా కాపాడుతుంది. చూపు తగ్గిపోకుండా చూస్తుంది.


 

మాంగనీసు(ఎముకల బలానికి): పిండి పదార్థాల జీవక్రియల్లో చాలా కీలమైన మాంగనీసు కూడా వీటిల్లో అధికం. అందువల్ల ఇవి రక్తంలో గ్లూకోజు మోతాదులు సాధారణ స్థాయిలో ఉండేలా తోడ్పడతాయి. మ్యాంగనీస్ ఎముకల బలానికి బాగా సహాయపడుతుంది

 

విటమిన్‌ సి (పళ్ళు మరియు గమ్స్ హెల్త్): వీటిల్లోని విటమిన్‌ సి రోగనిరోధకశక్తిని పెంచుతుంది. అంతే కాదు పళ్ళు బలంగా ఉండేలా చేస్తుంది మరియు పళ్ళనుండి రక్తం కారడాన్ని అరికడుతుంది.


 

విటమిన్ ఇ(చర్మ సౌందర్యానికి): విటమిన్‌ ఈ మన చర్మం ఆరోగ్యంగా, నిగనిగలాడేందుకు తోడ్పడుతుంది. వయస్సు మీద పడనియ్యకుండా చేసి, ముడతలను అడ్డుకుంటుంది.

 

మెగ్నీషియం( సహజ చక్కెరలు/మధుమేహానికి): చిలగడదుంపల్లో దండిగా ఉండే సహజ చక్కెరలు రక్తంలో నెమ్మదిగా కలుస్తాయి. అందువల్ల రక్తంలో ఒకేసారి చక్కెర మోతాదు పెరగకుండా చూస్తాయి. ఇలా బరువు పెరగకుండా, నిస్సత్తువ రాకుండా కాపాడతాయి.


 

రోగనిరోధక శక్తి: శరీరంలోకి ఇన్‌ఫెక్షన్లు, వైరస్ వంటి క్రిములు ప్రవేశించకుండా రోగ నిరోధక శక్తిని పెంపొందించడంలో విటమిన్ ఎ కీలకపాత్ర పోషిస్తుంది. విటమిన్ ఎ కొరవడితే ఇన్‌ఫెక్షన్లు, వైరస్‌లు శరీరంపై దాడి చేసి అనారోగ్యం పాల్జేస్తాయి.

 

కేన్సర్: కేన్సర్ కణాలను అణచివేయడంలో కూడా విటమిన్ ఎ చురుకైన పాత్ర పోషిస్తుంది.



 

ఒత్తిడి తగ్గిస్తుంది: ఇందులో ఉండే పాంథోనిక్ యాసిడ్ ఒత్తిడిని తగ్గిస్తుంది. ఇందులో ఉండి విటమిన్ బి శరీరానికి కావల్సిన శక్తి సామార్థ్యాలను అంధిస్తుంది.

 

కండర పుష్టికి: శరీరానికి అవసరమయ్యే న్యూటియంట్స్, కార్బోహైడ్రేట్స్ ఇందులో పుష్కలంగా ఉన్నాయి. ఇవి మజిల్ గ్రోత్ కు బాగా సహాయపడుతాయి. కాబట్టి ఈ రుచికరమైన, శక్తినందించే స్వీట్ పొటాటోను మీ డైలీ డయట్ లో చేర్చుకోండి.