కొత్త తల్లిలో సమృద్ధిగా పాలు పడేలా చేసే సూపర్ ఫుడ్స్

తల్లిపాలు శిశువుకు అమృతంలాంటివి. తల్లిపాలు శ్రేష్టం, ఎంతో ముఖ్యమైన సంపూర్ణ పౌష్టిక ఆహారం. తల్లికి బిడ్డకు ఆరోగ్యవంతమైనది. ఇద్దరి మధ్య మంచి అనుబంధాన్ని పెంచుతంది. చాలా మంది తల్లులు తమ పిల్లలకు సరిపోయేన్ని పాలు ఇవ్వలేకపోతున్నామని మధన పడిపోతుంటారు. పోతపాలకు అలవాటు చేస్తుంటారు. వారికి పోతపాలు పట్టక పడే ఇబ్బందులు చాలా ఇళ్ళలో నిత్యకృత్యాలే. ఇలాంటి సమయంలో పాలిచ్చే తల్లులు కొన్ని జాగ్రత్తలు తీసుకుంటే సమృద్ధిగా పాలు పడతాయి. చిన్న పిల్లల తల్లులలో పాల ఉత్పత్తికి మెంతులు చాలా ఉపయోగపడుతాయి.



వెజిటేబుల్స్: కొన్నరకాల వెజిటెబుల్స్ అంటే కాకర కాయ, బీరకాయ వంటివి తల్లిలో పాలు పడేందుకు బాగా ఉపయోగడుతాయి. ఈ కూరగాయల్లో అధికంగా విటమిన్స్ మరియు మినిరల్స్ ఉంటాయి. కాబట్టి వీటిని ప్రతి రోజూ బాగా ఉండికించి కారం లేకుండా తల్లి తీసుకొన్నట్లైతే బిడ్డకు సరిపడా పాలు పెరుగుతాయి.



పాలు: పాల ఉత్పత్తిని పెంచేందుకు మరిన్ని మార్గాలున్నాయి. ఆవుపాలు, నెయ్యి, బట్టర్, వంటి వాటితో పాలు ఉత్పత్తి అధికంగా ఉంటుంది. అయితే వీటిని పచ్చిగా అలా తీసుకోవడం కంటే వాటిని కర్రీస్ లో చేర్చి అందించడం మంచిది. కర్బూజాపండు, పాలకూర, జీలకర్ర. బార్లీజావ, బొబ్బర్లు, తెలకపిండితో చేసిన కూర, ములగాకు కూరలు చాలా మేలు చేస్తాయి.



నట్స్: బాదం, జీడిపప్పు, వంటివి బ్రెస్ట్ మిల్క్ ను పెంచడంలో చాలా అద్భుతంగా పాత్ర వహిస్తాయి. ఎందుకంటే వీటిలో ప్రోటీన్స్, విటమిన్స్, మరియు మినిరల్స్ అధిక శాతంలో ఉంటాయి. ఇవి ఆరోగ్యకరమైన చిరుతిండి.



ఫైబర్ ఫుడ్స్/జ్యూసులు: గ్రీన్ వెజిటేబుల్స్ మరియు రెడ్ వెజిటేబుల్స్ లో ఎక్కువ శాతం ఫైబర్ కలిగి ఉంటుంది. ఆకుకూ0రలు, బీన్స్, స్వీట్ పొటాటో మరియు దుంపలు బ్రెస్ట్ మిల్క్ ను పెంచడంలో చాలా ఉపయోగపడుతాయి. కాబట్టి వీటిలో ఏదో ఒకటి ప్రతి రోజూ తీసుకోవడం చాలా ఆరోగ్యకరం. లేదా వీటిని జ్యూసుల రూపంలో తీసుకోవడం చాలా ఆరోగ్యకరం శిశువుకు కావల్సినన్ని పాలను ఉత్పత్తి చేయడంలో బాగా ఉపయోగపడుతుంది.



వెల్లుల్లి: వెల్లుల్లి పురాతన కాలం నుండి బాలింతలకు ఎక్కువగా తినిపిస్తుంటారు. వెల్లుల్లిని పచ్చిగా తినడం కంటే పొడులతో చేర్చి లేదా కర్రీస్, మటన్, వెజిటేబుల్స్, తో చేర్చి ఇవ్వొచ్చు. ఇది రెగ్యులర్ గా తిన్నా ప్రమాదం ఉండదు.



మొంతులు: చిన్న పిల్లల తల్లులలో పాల ఉత్పత్తికి మెంతులు చాలా ఉపయోగపడుతాయి. బాలింతలకు మెంతుల కషాయం, మెంతి కూర పప్పు ఎక్కువగా తినిపిస్తే పాలు ఉత్పత్తి పెరుగుతుంది. తల్లిపాలు తాగే ఎవరైనా సరే ఆరోగ్యంగా పెరుగుతారు. బాలింతలకు మెంతులతో తయారు చేసిన పదార్థాలను తినిపించడం ఆరోగ్యకరం. ఉత్తర భారతదేశంలో బాలింతలకు మెంతి హల్వా పెడతారు. మెంతులను నేతిలో వేయించి, మెత్తగా చూర్ణంచేసి, దానికి సమానంగా గోధుమ పిండిని కలిపి, తగినంత పంచదార వేసి హల్వా తయారు చేస్తారు




తులసి: తులసిలో ఔషదగుణాలు మాత్రమే కాదు, తల్లిలో పాల ఉత్పత్తి పెంచే గుణం కూడా కలిగి ఉన్నది. తులసిలో ఉన్న విటమిన్ కె పాలఉత్పత్తులను బాగా పెంచుతుంది. కాబట్టి తులసి ఆకులను సూపులతో చేర్చి ఇవ్వడం లేదా అలాగే పచ్చి ఆకులను, తేనెతో కలిపి తినడం వల్ల కూడా తల్లిలో పాలు బాగా పడుతాయి.



బొప్పాయి: బాలింతలకు బొప్పాయి కల్పతరువులాంటిది. బొప్పాయి దోరగా ఉన్నదాన్ని కొబ్బరి కోరులా చేసి కూరవండుకుని తిన్నట్లయితే స్తన్యవృద్ధి కలుగుతుంది. తన పాలు దోషయుక్తంగా ఉండి బిడ్డకు వికారం, విరేచనాలు కల్గిస్తున్నప్పుడు, బొప్పాయి కాయనుగానీ పండునిగానీ తీసుకోవడం మంచిది.



వాము: బాలింతలకు వాము కషాయం రోజూ తేనెతో తీసుకుంటే చక్కని పాలు పడతాయి. అంతే కాదు గర్భాశయం త్వరగా కుంచించుకుంటుంది. గర్భాశయంలో నొప్పి తగ్గుతుంది. మైల త్వరగా పడిపోతుంది. శనగలను మొలకలొచ్చేదాకా నాన బెట్టాలి. ఎండించి, పొట్టు తీసి, దోరగా వేయించి, అప్పుడు కట్టులా కాచుకుని తాగితే బలాన్నిచ్చి మంచి ఔషధంగా పనిచేస్తాయి.మంచి రక్తాన్ని పుటిస్తాయి. పాలిచ్చే తల్లులకు ఇస్తే పాలు పెరుగుతాయి.



కాకరకాయ: కాకరకాయలు కొంచెము చేదుగా ఉన్ననూ ఉడికించిననూ, పులుసును పెట్టిననూ, బెల్లమును పెట్టి కూరగా చేసినను మంచి రుచికరముగా ఉండును. శరీరానికి అత్యావశ్యక పోషకాలైన ఫొలేట్‌, మెగ్నీషియం, పొటాషియం, జింక్‌ కూడా సమృద్ధిగా లభిస్తాయి, జీర్ణ శక్తిని వృద్దిచేస్తుంది. స్త్రీ గర్భిణీగా ఉన్నప్పుడు కాకరకాయను ఎటువంటి రూపంలోనూ తీసుకోకూడదు. అయితే ప్రసవం తర్వాత కాకరకాయను తీసుకోవడం వల్ల శిశువుకు
సరిపడా పాలు పడుతాయి.

తల్లిపాల పెంచడానికి చాలా పద్దతులు ఉన్నాయి. అందుకు రసాయనాలతో కూడిన మందులు మాత్రలు మింగడం కంటే, కొన్ని ఆరోగ్యకరమైన ఆహారం తీసుకొంటే చాలా తల్లి పాలు సంవద్దిగా పడుతాయి. ఎటువంటి సైడ్ ఎఫెక్ట్ ఉండవు. కాబట్టి ప్రతి రోజూ మీరు తీసుకొనే ఆహారంతో పాటు అటువంటి ఆహారాన్ని చేర్చుడం కూడా చాలా మంచిది.