ఆలూ పూరీ- టేస్టీ ఇండియన్ బ్రేక్ ఫాస్ట్ రిసిపి

భారతీయ వంటకాల్లో పూరీ కూడా ఓ చక్కటి బ్రేక్ ఫాస్ట్ వంటకం. భారతీయుల్లో చాలా మంది ఉదయం బ్రేక్ ఫాస్ట్ లో పూరీ, బంగాళదుంప కర్రీ, చట్నీతో లాగించేస్తుంటారు. అయితే కొంచె వెరైటీ గా ఆలూ స్టఫ్ చేసి తయారు చేసే ఆ ఆలూ పూరీ చాలా రుచికరంగా ఉంటుంది. దీన్ని ఈవెనింగ్ స్నాక్ గా కూడా తీనవచ్చు. ఆలూ పూరీ తయారు చేయడం చాలా సులభం. మరయు తక్కువ సమయం పడుతుంది. ఆలూ పూరీని ఇంట్లో అందరూ ఇష్టంగా తింటారు కాబట్టి ఈ వెరైటీ ఆలూ పూరీ తయారు చేసి సర్వ్ చేయండి...

కావలసిన పదార్థాలు:
బంగాళదుంపలు: 5-6(ఉడికించి పొట్టుతీసి పెట్టుకోవాలి)
జీలకర్ర: 2tsp
మైదా: 5-6cups
పచ్చిమిర్చి: 4-6(చిన్న ముక్కలుగా కట్ చేసుకోవాలి)
కొత్తిమీర తరుగు: 1/2cup
కారం: 1tsp
బ్లాక్ పెప్పర్(మిరియాలు: 1/2tsp
నూనె: 2-3cups
నెయ్యి: 1-2tbsp
ఉప్పు: రుచికి సరిపడా
తయారు చేయు విధానం:
1. ముందుగా ఉడికించిన, పొట్టు తీసిర పెట్టుకొన్న బంగాళాదుంపల్ని ఒక బౌల్లోనికి తీసుకొని బాగా చిదిమి పెట్టుకోవాలి.
2. తర్వాత ఫ్రైయింగ్ పాన్ తీసుకొని, స్టౌ మీద పెట్టి అందులో జీలకర్ వేసి వేయించి, పక్కన తీసి పెట్టుకోవాలి.
3. తర్వాత ఒక గిన్నెలో మైదా పిండి వేసి అందులో ఉడికించి, చిదిమి పెట్టుకొన్న బంగాళదుంపను, వేయించి పెట్టుకొన్న జీలకర, పచ్చిమిర్చి ముక్కలు, కొత్తిమీర తరుగు, కారం, బ్లాక్ పెప్పర్ మరియు ఉప్పు వేసి బాగా మిక్స్ చేసి పూరిల పిండిలా కలిపి పక్కన పెట్టుకోవాలి.
4. తర్వాత ఈ పిండిలో కొద్దికొద్దిగా పిండిని తీసుకొని బాల్స్ లా చేసి చపాతీలా వత్తి పక్కన పెట్టుకోవాలి.
5. ఇప్పుడు స్టౌ మీద పాన్ పెట్టి అందులో నూనె, నెయ్యి పోసి బాగా కాగనివ్వాలి. నూనె బాగా కాగిన తర్వాత అందులో వత్తిపెట్టుకొన్న పూరీలను వేసి బ్రౌన్ కలర్ వచ్చేంత వరకూ వేయించి తీసి సర్వింగ్ బౌల్ పెట్టుకోవాలి. అంతే ఆలూ పూరీ రెడీ. దీన్ని ఆలూ కర్రీతో వేడి వేడిగా సర్వింగ్ బౌల్ పెట్టుకోవాలి. అంతే ఆలూ పూరీ రెడీ. దీన్ని ఆలూ కర్రీతో వేడి వేడిగా సర్వ్ చేయాలి.  

 

 

 

 

ఫేవరెట్ ఈవెనింగ్ టీ స్నాక్ ఆలూ బోండా

బోండా లేదా పకోడా వంటివి నూనెలో ఫ్రైచేసి ఈవెనింగ్ స్నాక్స్ గా తినేటటువంటి చిరుతిండ్లు. దక్షిణ భారత దేశంలో(కర్ణాటక, ఆంధ్ర) వీటి పేర్లు కూడా చాలా ఫేమస్. బోండాను చాలా రకాలుగా వండుతారు. ఆకు కూరలు, కూరగాయలు, లేదా ఉల్లిపాయలు, వంకాయలు, బీరకాయలు, పచ్చిమర్చి, బంగాళదుంప ఇలా చాలా రకాలు...
ఇండియన్ ఫ్రైయిడ్ స్నాక్స్ లో ఆలూ బోండా చాలా ఫేమస్ వంటకం. వీటిని సాయంత్ర సమయంలో టీ, కాఫీ లేదా టమోటో కెచప్ తో వేడివేడిగా తినవచ్చు. అంతే కాదు ఇంటికి వచ్చే అథితులకు కూడా అతి సులభంగా, అతి త్వరగా తయారు చేసి వండించేయెచ్చు . ఈ ఫేవరెట్ ఈవెనింగ్ టీ స్నాక్ ఆలూ బోండా ఎలా తయారు చేయాలో చూద్దాం....

కావలసిన పదార్థాలు:
ఉడికించిన బంగాళదుంపలు(ఆలూ): 2-4(ఉడికించి చిదిమి పెట్టుకోవాలి)
పచ్చిమిర్చి: 4-6
శెనగపిండి: 1cup
కారం: 1tsp
గరం మసాలా: 1/4tsp
కొత్తిమీర తరుగు: 1tbsp
ఉప్పు : రుచికి సరిపడా
నూనె: వేయించడానికి సరిపడా
తయారు చేయు విధానం:
1. ముందుగా ఒక మిక్సింగ్ బౌల్ తీసుకొని అందులో ఉడికించి చిదిమి పెట్టుకొన్న బంగాళదుంప, మరియు ఉప్పు, పచ్చిమిర్చి, గరం మసాలా, కొత్తిమీర, మరియు పచ్చిమిర్చి వేసి బాగా కలగలుపుకోవాలి.
2. తర్వాత మరో బౌల్ తీసుకొని అందులో ఒక కప్పు శెనగపిండి తీసుకొని, దానికి కొద్దిగా ఉప్పు, కారం వేసి తగినన్ని నీళ్ళు పోసి బోండా పిండిలా కలుపుకోవాలి. (చిక్కగాను లేదా కొద్దిగా పలుచగా కూడా కలుపుకోవచ్చు)
3. ఇప్పుడు ఆలూ మిశ్రమాన్ని కొద్దిగా చేతిలోనికి తీసుకొని చిన్న చిన్న బాల్స్ లో చేసుకోవాలి. ఇలా కొన్ని బాల్స్ చేసుకొన్న తర్వాత ఒక ప్లేట్ పెట్టి పక్కన పెట్టుకోవాలి.
4. అంతలోపు, ఫ్రైయింగ్ పాన్ లో నూనె పోసి, బాగా కాగిన తర్వాత మంట మీడియంగా పెట్టి ఆలూ బాల్స్ శెనగ పిండి మిశ్రమంలో వేసి, ముంచి కాగుతున్న నూనెలో వేసి బ్రౌన్ కలర్ వచ్చేంత వరకూ వేయించి ఒక ప్లేట్ లోనికి తీసుకొని వేడి వేడిగా చట్నీ లేదా టమోటో కెచప్ తో సర్వ్ చేయాలి. అలాగే ఉడికించిన బోండాను రెండుగా కట్ చేసి మధ్యలో ఉల్లిపాయ ముక్కలు, కొత్తిమీర తరుగు, నిమ్మరసం కొద్దిగా చిలకరించి సర్వ్ చేయొచ్చు.

 

మళ్ళీ మళ్లీ తినాలనిపించే వెజిటేబుల్ సమోసా

ప్రస్తుతం వర్షాకాలం మొదలైంది. వర్షాకాలంలో వాతావరణం చాలా చల్లగా.. చల్లగా కాదు చలిచలిగా ఉండి.. వేడి వేడిగా ఏవైనా స్నాక్స్ తినాలనిపిస్తుంటుంది. లేదా వేడి వేడి మసాల ఛాయ్ తాగాలనిపిస్తుంది. వర్షకాలంలో ఇటువంటి ఆలోచనలు రావడం సహజం అంతే కాదు వీటిని తీసుకొని వర్షాకాలంలో బద్దకాన్ని వదిలి రిలాక్స్ అవ్వాలనిపిస్తుంది.

ముఖ్యంగా వర్షాకాలంలో వేడి వేడిగా తయారు చేసుకొనేవి, సమోసాలు లేదా పకోడా. మరి ఈ వర్షాకాలంలో ఒక స్పెషల్ సమోసా తినాలిపిస్తుంటే.. ఈ వెరైటీ వెజిటేబుల్ సమోసా తయారు చేసి తింటూ వర్షంలో ఎంజాయ్ చేయండి...
కావలసిన పదార్థాలు:
బంగాళదుంప: 3-4(ఉడికించి పొట్టుతీసి, చిదిమి పెట్టుకోవాలి)
క్యాబేజ్: 1cup(చిన్న తరిగి ఉడికించుకోవాలి)
పన్నీర్: 50grms(చిన్న ముక్కలుగా కట్ చేసుకోవాలి)
క్యాప్సికమ్: 1/2cup(చిన్న ముక్కలుగా కట్ చేసి ఉడికించినవి)
పచ్చిబఠానీ: 1/2cup(ఉడికించినవి)
పచ్చిమిర్చి: 6-8(చిన్నగా కట్ చేసినవి)
జీడిపప్పు: 5-6
గరం మసాలా: 1tsp
ఆంచూర్(డ్రై మ్యాంగో పౌడర్): 1/2sp
ఉప్పు: రుచికి సరిపడా
పిండి కలుపుకోవడానికి:
మైదా: 2cups
నూనె: 3cups
ఉప్పు: చిటికెడు
జవైన్: 1/2tsp(అవసరమైతేనే)
నీళ్ళు: 2cups
తయారు చేయు విధానం:
1. ముందుగా పెద్ద బౌల్ తీసుకొని అందులో పిండకి తీసుకొన్న పదార్థాలన్నింటినీ వేసి, నీళ్ళు చేర్చి చపాతీ పిండిలా మృధువుగా కలిపి పెట్టుకోవాలి. కలిపిన తర్వాత పిండి మీద తడి వస్త్రం కప్పి అరగంట పాటు పక్కన పెట్టుకోవాలి.
2. తర్వాత ఒక మిక్సింగ్ బౌల్ తీసుకొని అందులో పొటాటో, క్యాప్సికమ్, క్యాబేజ్, పచ్చిబఠానీ, మరియు పచ్చిమిర్చి వేసి బాగా మెత్తగా కలుసుకోవాలి.
3. అందులోనే రుచికి సరిపడా ఉప్పును కూడా చిలకరించి, గరం మసాలా, ఆంచూర్ అన్ని వేసి మరికొంచెం మృదువుగా కలుపుకోవాలి. స్టఫింగ్ మసాలా మరికొద్దిగా కారంగా ఉండాలనుకొంటే అందులోనే కారం పొడిని వేసి మిక్స్ చేసుకోవచ్చు.
4. తర్వాత ముందుగా కలిపి పెట్టుకొన్న చపాతీ పిండిని కొద్దికొద్దిగా తీసుకొని చిన్న చిన్న ఉండలుగా చపాతీలా వత్తకొని మద్యకు కట్ చేసి డైమండ్ షేప్ లో మడచుకోవాలి.
5. తర్వాత అందులో ముందుగా తయారు చేసుకొన్ని స్టఫింగ్ మసాలా ఒకటి లేదా ఒకటిన్న చెంచా పెట్టి అంచులను మడిచి నూనె లేదా నీటితో అంచులను పూర్తిగా కవర్ అయ్యేలా వత్తుకోవాలి. లేదంటా లోపల ఉన్న మిశ్రమం బటకు వచ్చి నూనె అంతా పాడవుతుంది. ఇలా అన్ని తయారు చేసుకొని ఒక ప్లేట్ లో పెట్టుకోవాలి.
6. తర్వాత ఫ్రైయింగ్ పాన్ స్టౌమీద పెట్టి అందులో సరిపడా నూనె వేసి బాగా కాగిన తర్వాత మంట తగ్గించి అందులో చుట్టిపెట్టుకొన్న సమోసాను ఒక్కొక్కటే నూనెలోకి విడవాలి. నూనెలో బాగే బ్రౌన్ కలర్ వచ్చేంత వరకూ వేయించి సర్వింగ్ ప్లేట్ లోనికి తీసుకొని సర్వ్ చేయాలి. అంతే వెజిటేబుల్ సమోసా రెడీ. దీన్ని టమోటో కెచప్ లేదా చిల్లీ సాస్ తో ఒక కప్పు టీ లేదా కాఫీతో సర్వ్ చేయండి కూల్ కూల్ ఈవెనింగ్ ను ఎంజాయ్ చేయండి..

శెనగల స్పెషల్ గ్రేవీ-పన్నీర్ చన్నా మసాలా...

శెనగలు రెండు మూడు రకాలు ఉన్నాయి. శెనగలతో తయారు చేసే వంటకాలు చాలా పాపులర్ ఫుడ్స్. రుచితో పాటు ఆరోగ్యాన్ని కూడా అందించే శెనగలు ప్రోటీనులను అధికంగా కలిగి ఉంటాయి కాబట్టి రోజూ తీసుకొనే ఆహారంలో వీటిని కూడా చేర్చడం మంచిది. శెనగలకు పన్నీర్ చేర్చి కొన్నిఇండియన్ మసాలను దండించి చేయడం వల్ల అటు వెజిటేరియన్ ప్రియులకు, ఇటు నాన్ వేజిటేరియన్ ప్రియులకు అమితంగా ఇష్టం అవుతుంది. ముఖ్యంగా శెనగలు(చెన్నా)పన్నీర్ పంజాబీలకు అత్యంత ఇష్టమైన ఆహారం. వారి చేసే వంటకాన్నే మనకు రుచికి తగిన విధంగా వండకోవడంతో ఓ కొత్త రుచిని మనం కూడా రుచి చూడవచ్చు. దీన్ని రోటీ లేదా చపాతీ లేదా అన్నంతో తినడానికి మంచి కాంబినేషన్. మరి చెన్నాపన్నీర్ ను ఎలా తయారు చేయాలా చూద్దాం...

కావలసిన పదార్థాలు:
చెన్నా(పచ్చిశెనగలు): 3-4cups
టీబ్యాగ్స్: 2
ఉల్లిపాయలు: 2-3(కట్ చేసుకోవాలి)
అల్లం వెల్లుల్లి పేస్ట్ : 2tbsp
పచ్చిమిర్చి 4-6(కట్ చేసుకోవాలి)
టమోటో: 2(చిన్న ముక్కలుగా కట్ చేసుకోవాలి)
కారం: 1tbsp
కాశ్మిరీ మిర్చి పౌడర్: 1tbsp(బయట మార్కెట్లో దొరుకుతుంది)
పసుపు: చిటికెడు
పంచదార: 1tsp
పన్నీర్: 2cups(కావలసిన సైజ్ లో ముక్కలుగా కట్ చేసుకోవాలి)
గరం మసాలా: 1tbsp
ఉప్పు: రుచికి తగినంత
నూనె: సరిపడా
తయారు చేయు విధానం:
1. ముందుగా చెన్నా(పచ్చి శెనగలను)రాత్రంతా నీటిలో నానబెట్టుకోవాలి. శెనగలు నానబెట్టే నీటిలో టీ బ్యాగ్ వేయాలి.(టీ బ్యాగ్ వేయడం వల్ల శెనగలు మంచి కలర్ (బ్రౌన్ కలర్)గా ఉంటాయి.
2. మరుసటి రోజు శెనగలలోని నీరు వంపేసి శుభ్రం చేసి, కుక్కర్ లో వేసి ఒకటి లేదా రెండు విజిల్స్ వచ్చేంత వరకూ ఉడికించుకోవాలి.( శెనగలను ఉడికించేటప్పుడు కూడా టీబ్యాగ్ ను వేయవచ్చు). కుక్కర్ మూత తీసి ఒక గిన్నెలోనికి తీసి పక్కన పెట్టుకోవాలి.
3. ఇప్పుడు ఫ్రైయింగ్ పాన్ ను స్టౌ మీద పెట్టి అందులో నూనె వేసి, అందులో ఉల్లిపాయ ముక్కలను వేసి బ్రౌన్ కలర్ వచ్చేంత వరకూ వేయించుకోవాలి.
4. తర్వాత పచ్చిమిర్చి ముక్కలు, అల్లం వెల్లుల్లిపేస్ట్ , వేసి వేయించిన తర్వాత టమోటో ముక్కలను కూడా వేసి, కొద్దిగాఉప్పు చేర్చి మెత్తగా అయ్యేంత వరకూ వేయించాలి.
5. టమోటో కొద్దిగా మెత్తగా అయిన తర్వాత అందులో కారం, కాశ్మిరీ చిల్లి పౌడర్, పసుపు మరియు పంచదార కలుపుకొని మరికొద్దిసేపు వేయించాలి.
6. మసాలా అంతా పచ్చివాసన పోయేంత వరకూ వేయించిన తర్వాత అందులో పన్నీర్ ముక్కలను కూడా వేసి తక్కువ మంట మీద వేయించుకోవాలి.
7. ఇప్పుడు ముందుగా ఉడికించి పెట్టుకొన్న చెన్నా(శెనగలును) కూడా చేర్చి బాగా కలగలిపి మీడియం మంటమీద ఐదు నిముషాల పాటు ఉడికించుకోవాలి.
8. తర్వాత రెండు కప్పుల నీటిని చేర్చి ఎక్కువ మంట పెట్టి పది నిముషాల పాటు బాగా ఉడకనివ్వాలి. నీరంత ఇమిరిపోయి గ్రేవీ చిక్కబడేటప్పుడు గరం మసాలా, కొత్తమీర తరుగు చల్లుకొని రెండు నిముషాల తర్వాత క్రిందికి దింపుకోవాలి. అంతే పంజాబీ వంటకం చెన్నా పన్నీర్ గ్రేవీ రెడీ.. అన్నం, రోటీ, చపాతీలతో తినడమే ఆలస్యం...

 

వింటర్ స్పెషల్ - మట్టర్ పన్నీర్ సమోసా

చలికాలం వచ్చేసింది. ఓ ప్రక్క చలి.. మరో ప్రక్క మంచు. శరీరాన్ని గజగజా వనికిస్తుంటే ముఖ్యంగా ఆహారం మీద ఆసక్తిని తగ్గిస్తుంది. వేడి వేడిగా ఏదైనా తినాలి, ఏదైనా తాగాలి అనిపస్తుంటుంది. అయితే సరిగ్గా ఆహారం తీసుకోక పోవటం వల్ల శరీరానికి తగిన పోషకాలు అందక, అనారోగ్యానికి గురయ్యే అవకాశం ఉంది. దీనికో చక్కని పరిష్కారం ఆరోగ్యకరమైన స్నాక్స్ తింటే శరీరానికి కావలసిన పోషకాలూ అందుతాయి. హెల్తీ స్నాక్స్ తినడం వల్ల ఒత్తిడిని తొగించి హృదయాన్ని తేలికపరుస్తుంది. మరి ఎలా తయారు చేయాలో చూద్దాం...
కావలసిన పదార్థాలు:
మైదా: 1/2kg
డాల్డా లేదా నెయ్యి: 50grms
ఉప్పు: చిటికెడు
పనీర్ తురుము: 2cups
పచ్చిబఠాణీలు లేదా నానబెట్టిన బఠాణీలు: 1cup
పచ్చిమిర్చి: 6-8
ఆవాలు: 1/2tsp
జీలకర్ర: 1/2tsp
ఉప్పు: రుచికి తగినంత
మిరియాల పొడి: 1/2tsp
నూనె: సరిపడా


తయారు చేయు విధానం:
1. ముందుగా మైదాను జల్లించి ఒక మిక్సింగ్ బౌల్ వేసి అందులో చిటికెడు ఉప్పు, డాల్డా వేసి బాగా కలపాలి, తర్వాత నీరు పోసి చపాతీ పిండిలా కలిపి, మూత పెట్టి పక్కన పెట్టుకోవాలి.
2. తర్వాత పాన్ లో కొద్దిగా నూనె వేసి, వేడయ్యాక అందులో ఆవాలు, జీలకర్ర వేసి చిటపటలాడాక పచ్చిమిర్చి తరుగు వేసి కొద్దిగా వేయించాలి.
3. అలాగే బఠాణీలకు కూడా వేసి తడిపోయే వరకూ వేయించాక, పన్నీర్ తురుము, తగినంత ఉప్పు, మిరియాల పొడి వేసి బాగా కలిపి మరో ఐదు నిముషాలు వేయించాలి.
4. ఇప్పుడు ముందుగా కలిపి పెట్టుకొన్న మైదాలో నుంచి కొంత బాగం తీసుకొని చిన్న చిన్న ఉండలుగా చేసి పూరీల్లా ఒత్తుకోవాలి.
5. ఇలా వత్తుకొన్న తర్వాత చాకుతో రెండు భాగాలుగా కట్ చేయాలి. ఒక భాగం తీసుకుని అంచులు తడిచేసి కోన్ లా మడిచి చెంచా నిండుగా ఫ్రై చేసుకొన్న పనీర్ మిశ్రమాన్నిపెట్టి అంచులు విడిపోకుండా ఒత్తి వేడి నూనెలో బంగారు రంగు వచ్చే వరకూ వేయించాలి. అంతే మట్టర్ పన్నీర్ సమోసా రెడీ..

దొండకాయ-గరంమసాలా రైస్

కావలసిన పదార్థాలు:అన్నం: 2cups
దొండకాయ ముక్కుల: 1cup(దొండకాయలను రెండు ముక్కలుగా కట్ చేసుకోవాలి)
ఉల్లిపాయ: 1(సన్నగా తరిగిపెట్టుకోవాలి)
క్యారెట్: 2 లేదా 3 ((సన్నగా తరిగిపెట్టుకోవాలి)
పచ్చిబఠాణీ: 1/4cup
పచ్చిమిర్చి: 4-8(సన్నగా తరిగిపెట్టుకోవాలి)
అల్లంవెల్లుల్లి పేస్ట్ : 1tsp
జీలకర్ర: 1tsp
నూనెలో వేయించడానికి గరం మసాలా: (లవంగాలు:4, చెక్క, చిన్న ముక్క, యాలకలు: 1 లేదా 2, బిర్యాని ఆకు 1)
ధనియాల పొడి: 2tsp
గరం మసాలా పొడి: 1/4tsp
పసుపు: 1/4tsp
కొత్తిమీర తరుగు: 2tbsp
ఉప్పు: రుచికి తగినంత
నిమ్మరసం: 1tsp



తయారు చేయు విధానం:
1. ముందుగా స్టౌ మీద పాన్ పెట్టి నూనె వేసి వేడయ్యాక అందులో జీలకర్ర, గరం మాసాలా పదార్థాలు, చెక్క, లవంగం, యాలకులు, బిర్యాని ఆకు అన్నింటిని వేసి వేయించుకోవాలి.
2. తర్వాత అందులోనే ఉల్లిపాయ ముక్కలు వేసి మరో ఐదు నిమిషాల పాటు తక్కువ మంట మీద వేయించాలి.
3. ఐదు నిమిషాల తర్వాత అందులోనే అల్లం వెల్లుల్లి పేస్ట్ వేసి మూడు నిముషాల పాటు వేగనించి, అందులో పుదీనా తరుగును వేసి రెండు నిమిషాలు వేగనివ్వాలి.
4. ఇప్పుడు దొండకాయ ముక్కలను, క్యారెట్, పచ్చిబఠాణీలను కూడా చేర్చి మరో పదిహేను నిముషాల పాటు మీడియం మంట మీద బాగా వేగనివ్వాలి.
5. తర్వాత అందులో పసుపు, ఉప్పు, ధనియాలపొడి, కారం, వేసి బాగా మిక్స్ చేయాలి.
6. వేపుడు పదార్ధాలన్నీ బాగా వేగిన తర్వాత అందులో ముందగా తయారు చేసుకొన్న రెండు కప్పుల అన్నం చేర్చి బాగా మిక్స్ చేయాలి.
7. చివరగా నిమ్మరసం చల్లి బాగా మిక్స్ చేయాలి. కొత్తిమీర తరుగును గార్నిష్ చేసి వేడి వేడిగా సర్వ్ చేయాలి. అంతే దొండకాయ రైస్ రెడీ..

  

స్వీట్ : స్పైసీ టర్కిష్ పులావ్

ప్రపంచంలో చాలా దేశాల్లో రైస్ ను ఆహారంగా తీసుకొంటారు. ఆయా దేశాల్లో రైస్ ను వివిధ రకాలు, వైరీటీగా వండుకొని తింటారు. మన భారత దేశంలో రైస్ ప్రాధాన ఆహారం. ఒక్క రోజులో రైస్ తినకపోతే ఆ భోజనం అసంపూర్తిగా అనిపిస్తుంది. టర్కిష్ రైస్ చాలా డిఫరెంట్ గా కారంగా కొద్దిగా తియ్యగా ఉంటుంది. అయితే తినడానికి మాత్రం చాలా టేస్టీగా ఉంటుంది. టర్కిష్ రైస్ ఏదైనా చట్నీ లేదా మంచూరియన్ సాస్ మంచి కాంబినేషన్. రైస్ ఐటమ్స్ లో మీరేదైనా కొత్తగా తయారు చేయాలనుకొనేవారు. ఇలా చేసి చూడండి.

కావలసిన పదార్థాలు:
బాస్మతి రైస్: 1cup
క్యారెట్, బీన్స్: 1cup
ఉల్లిపాయలు: 2(chopped)
పచ్చిమిర్చి: 6(chopped)
టమోటో: 1(chopped)
బెల్లం తురుము: 3-4tsp
వేరుశెనగలు: 5-8 pieces
జీడిపప్పు: 8-10 pieces
పసుపు: 1tsp
కారం: 2tsp
గరం మసాలా: ½tsp
జీలకర్ర: 1tsp
ఉప్పు: రుచికి సరిపడా
నూనె: తగినంత
నీళ్ళు: 1.5 cups

తయారు చేయు విధానం:
1. ముందుగా క్యారెట్, బీన్స్ ను శుభ్రం చేసి చిన్న చిన్న ముక్కలుగా కట్ చేసి పక్కన పెట్టుకోవాలి.
2. తర్వాత బాస్మతి రైస్ ను కూడా శుభ్రం చేసి పక్కన పెట్టుకోవాలి.
3. తర్వాత ఒక బౌల్ తీసుకొని అందులో టమోటో, బెల్లం తురుము, గరం మసాలా, పసుపు, కారం, ఉప్పు, క్యారెట్, బీన్స్ ముక్కలు అన్నీ వేసి బాగా మిక్స్ చేసి 5-10నిముషాల పాటు పక్కన పెట్టుకోవాలి.
4. ఇప్పుడు స్టౌ మీద ప్రెజర్ కుక్కర్ ను పెట్టి నూనె వేసి వేడి చేయాలి. నూనె వేడి అయ్యాక అందులో జీలకర్ర వేసి చిటపటలాడాక అందులోపచ్చిమిర్చి, ఉల్లిపాయ ముక్కలు, వేసి బ్రౌన్ కలర్ వచ్చేవరకూ వేయించుకోవాలి.
5. ఉల్లిపాయలు వేగిన తర్వాత అందులో వేరుశనగపప్పు, జీడిపప్పు పలుకులు వేసి మరో కొద్దినిముషాల పాటు తక్కువ మంట మీద వేయించుకోవాలి.
6. ఇప్పుడు టమోటో, క్యారెట్, బీన్స్ మ్యారినేట్ చేసి మసాలా మిశ్రమాన్ని కూడా అందులో వేసి మరో రెండు నిముషాలు వేయించాలి.
7. టమోటో మెత్తబడ్డాక అందులో కడిగి పెట్టుకొన్న బాస్మతి రైస్ ను వేసి బాగా మిక్స్ చేయాలి. ఒక నిముషం అలా బియ్యాన్ని కూడా వేయించిన తర్వాత అందులో రుచికి సరిపడా ఉప్పు వేసి కుక్కర్ మూత పెట్టి రెండు, మూడు విజిల్స్ వచ్చాక స్టౌ ఆఫ్ చేసి దింపుకోవాలి. (రైస్ బాగా పలుగా రావాలంటే ఒక విజిల్ వచ్చిన వెంటనే మంటను మీడియంగా పెట్టుకోవాలి) అంతే స్వీట్ అండ్ స్పైసీ టర్కిష్ పులావ్ రెడీ..

 

వెరైటీ టేస్ట్ తో కార్న్ మసాలా దోసె

సాధారణంగా ఉదయం చేసుకొనే అల్పాహారాల్లో ఎక్కువగా దోసెను వండుతుంటారు. దోసెల్లో కూడా చాలా రకాలుగా వెరైటీలను చేస్తుంటారు. మనం బయట వెళ్ళినప్పుడు రెస్టారెంట్స్, హోటల్స్, స్ట్రీట్ స్టాల్స్ ఫుడ్ జాయింట్స్ మరియు ఇళ్ళలో కూడా రకరకాల వెరైటీ దోసెలను చేస్తుంటారు. మసాలా దోస, ప్లెయిన్ దోస, ఆనియన్ దోస, క్యారెట్ దోస, ఎగ్ దోస, కారం దోసె ఇలా...దోసెను ఒక రకంగా హెల్తీ బ్రేక్ ఫాస్ట్ అనే చెప్పవచ్చు. ఎందుకంటే దోసెకు అతి తక్కువ నూనెను ఉపయోగించే చేస్తారు కాబట్టి. దోసెలోనే మరొక వెరైటీ కార్న్ దోస. కార్న్ స్టఫ్ చేయడంతో వెరైటీ రుచితో పాటు ఆరోగ్యం కూడా.. ముఖ్యంగా మొక్కజొన్న డయాబెటిక్ పేషంట్స్ కు మరింత ఆరోగ్యకరం. ఎందుకంటే దీనిలో ఫైబర్ ఎక్కువగా ఉండా చెడు కొలెస్ట్రాల్ ను తగ్గిస్తుంది. కాబట్టి ఈ కార్న్ మసాలా దోసెను ఎలా తయారు చేయాలో చూద్దాం...

కావలసిన పదార్థాలు:
బేబీ కార్న్(మొక్కజొన్నగింజలు): 1/2cup(ఉడికించినవి)
బియ్యం: 2cups
ఉల్లిపాయలు: 2(చిన్న ముక్కలుగా కట్ చేసినవి)
పచ్చిమిర్చి: 4-6
టమోటో: 2(కట్ చేసుకోవాలి)
ఉప్పు: రుచికి సరిపడా
నూనె: 1cup
తయారు చేయు విధానం:
1. ముందుగా బియ్యాన్ని మంచినీళ్ళతో శుభ్రం చేసి, రెండు గంటల పాటు నానబెట్టుకోవాలి.
2. రెండు గంటల తర్వాత బియ్యంలో నీటిని వంపేసి బియ్యాన్ని మిక్సీలో వేసి, కొద్దిగా ఉప్పు చేర్చి దోసెపిండిలా గ్రైడ్ చేసుకొని, మరొ గంట లేదా అరగంట పాటు పక్కన పెట్టుకోవాలి.
3. తర్వాత మిక్సింగ్ బౌల్ తీసుకొని అందులో ఉడికించి పెట్టుకొన్న మొక్కజొన్న గింజలు, టమోటో మరియు పచ్చిమిర్చి ముక్కలు, కొద్దిగా ఉప్పు అన్నింటిని వేసి బాగా కలుపుకొని, పక్కన పెట్టుకోవాలి.
4. ఇప్పుడు స్టౌ మీద దోస పాన్ పెట్టి వేడయ్యాక నూనె వేసి వేడయ్యాక దోస పిండితో దోసెను వేయాలి. దోసె మీద దోసె చివర్లలలో కూడా నూనెను వేయాలి.
5. వెంటనే దోసె స్టఫింగ్ కోసం రెడీ చేసి పెట్టుకొన్న మొక్కజొన్న మిశ్రమాన్ని ఒక టేబుల్ స్పూన్ తీసుకొని, దోసె మద్య భాగంలో పెట్టి దోసె మొత్తానికి స్పూన్ తో స్ప్రెడ్ చేయాలి. అంతే దోసె లైట్ బ్రౌన్ కలర్ రాగానే, కార్న్ మసాలా దోసెను రౌండ్ గా మడిచి సర్వింగ్ ప్లేట్ లోనికి సర్వ్ చేసి వేడి వేడిగా అందించాలి. (అవసరమైతే మొక్కజొన్న మిశ్రమానికి కొబ్బరి తురుమును కూడా చల్లుకోవచ్చు).

కడుపు నిండుగా ఉంచే సెట్ దోసె

దక్షిణాది వారి ఆడపడుచు ఇడ్లీ లాగా దోసె, మినపట్టు, పెసరట్టు, ఉల్లి అట్టు, రవ్వ అట్టు ఇలా ఎన్నో ఉన్నాయి. కర్ణాటకలో మసాలాదోసె, సెట్ దోసె, నీరు దోసె, వెన్నదోసె అని ఏవేవో వచ్చాయి. కేరళకు వెడితే ఊతప్పం నోరూరిస్తుంది. ఇదీ దోసెలాంటిదే. తమిళనాడులో ఇడ్లి, పొంగల్ తర్వాతి స్థానం దోసెదే. ఇంతటి పాపులారిటీ ఉంది దోసెకు. మరి దోసెలో వెరైటీ దోసె సెట్ దోసె ఎలా తయారు చేయాలో చూద్దాం...

మినప్పప్పు: 1cup
బియ్యం: 3cups
మెంతులు: 1tbsp
బెంగాళ్ గ్రామ్(శెనగపప్పు): 1tbsp
అటుకులు: 1cup
ఉప్పు: రుచికి తగినంత
పంచదార: 2tsp
కరివేపాకు: 2 రెబ్బలు
నూనె: సరిపడా
తయారు చేయు విధానం:
1. ముందుగా మినప్పప్పు, బియ్యం, అటుకులు, మెంతులు, బెంగాల్ గ్రామ్ కలిపి ఆరుగంటలు నానబెట్టాలి.
2. బియ్యం మిశ్రం రుబ్బుకొనే పది నిముషాల ముందు అటుకులను నానబెట్టుకోవాలి.
3. తర్వాత బియ్యం, పప్పుల మిశ్రమాన్ని మెత్తగా రుబ్బుకోవాలి. పిండి రుబ్బుకొన్న తర్వాత 6-8గంటల పాటు పిండి నానాలి అప్పుడే దోసె మెత్తగా వస్తుంది.
4. పిండిలో తగినంత ఉప్పు, పంచదార కలిపి పక్కన పెట్టుకోవాలి.
5. పిండి బాగా పులిసిన తర్వాత చిన్న పరిమాణములో కాస్త మందంగా(కనీసం ఒక ఇంచ్ )దోసెలు చేసుకుని
పైన తరిగిన కరివేపాకు వేసి కొబ్బరి చట్నీ, వెజిటేబుల్ ఖుర్మాతో వడ్డించాలి. ఈ దోసెలకు కాస్త నూనె ఎక్కువగా ఉంటేనే బావుంటుంది.

హెల్తీ బ్రేక్ ఫాస్ట్ బిర్యాని-క్యాలీఫ్లవర్ బిర్యానీ

సాధారణంగా బిర్యానీ రకరకాలుగా చేస్తుంటారు. కొంచెం వెరైటీగా వెజిటేరియన్ ఆహారాలతో కూడా బిర్యానీ చేస్తే రుచి, ఆరోగ్యం కూడా. క్యాలీప్లవర్ లో విటమిన్ సి అధికంగా ుంటుంది. విటమిన్ సి'ని తక్కువగా తీసుకుంటే డోపమైన్ తయారీని తగ్గిస్తుంది. ఆరోగ్య భావనలను కలిగిస్తుంది. క్యాలీఫ్లవర్ లో ఉత్పాత స్ఫూర్తిని పెంచే విటమిన్లు ఎక్కువగా ఉంటాయి. కాబట్టి కాలీఫ్లవర్ ను ఉదయం బ్రేక్ ఫాస్ట్ లేదా మధ్యాహ్న భోజనంతో తీసుకోవడం చాలా ఆరోగ్యకరం....

కావలసిన పదార్థాలు:
బాస్మతి బియ్యం: 2cups
మీడియం సైజ్ క్యాలీఫ్లవర్: 1
నీరు: 3cups
ఒక ఉల్లిపాయ, రెండు పచ్చిమిర్చి: ఈ రెండిటినీ మెత్తగా పేస్ట్ చేయాలి
టొమాటో గుజ్జు: 1/2cup
పచ్చిబఠాణీ: 1/4cup
నెయ్యి లేదా నూనె: 1tbsp
ఉప్పు: రుచికి తగినంత
కొత్తిమీర: కొద్దిగా
మసాలాకోసం
జీలకర్ర: 1/2tsp
ధనియాల పొడి: 1tsp
ఏలకులపొడి: 1/4tsp
పసుపు: చిటికెడు
అల్లం వెల్లుల్లి పేస్ట్: 1tbsp
బిరియానీ మసాలా: 1tbsp
తయారు చేయు విధానం:
1. ముందుగా మూడు కప్పుల నీటిలో బాస్మతి బియ్యాన్ని ఉడికించాలి. ఉడుకుతుండగా కొద్దిగా ఉప్పు వేసి ఉడికిన అన్నాన్ని పక్కన ఉంచుకోవాలి.
2. తర్వాత పాన్ లో కొద్దిగా నెయ్యి వేసి, వేడిఅయ్యాక అందులో ఉల్లి, పచ్చిమిర్చి పేస్ట్‌ ను వేసి గోధుమరంగు వచ్చేవరకు వేయించాలి. తరవాత మసాలాదినుసులు వేసి, ఘుమ ఘుమలాడే వాసన వచ్చేవరకు వేయించాలి.
3. తరవాత టొమాటో గుజ్జు, పచ్చిబఠాణీ, క్యాలీఫ్లవర్ తరుగు వేసి కలపాలి. ఈ పదార్థాలన్నీ మెత్తబడేవరకు మీడియం మంట మీద ఉడికించాలి. అవసరమనుకుంటే కొద్దిగా నీరు చిలకరించాలి.
4. తరవాత ఉడికించుకున్న అన్నంలో ఈ పదార్థాలను కలపాలి. చివరగా కొత్తిమీర తరుగుతో గార్నిష్ చేయాలి. అంతే క్యాలీఫ్లవర్ బిర్యానీ రెడీ.

పెళ్ళికి ముందు వీటికి దూరం..ఆరోగ్యానికెంతో క్షేమం..!

కార్తీక మాసంతో పెళ్ళిళ్ళ సీజన్ మొదలైంది. పెళ్ళిలో అందంగా కనబడటం కోసం ఇటు పెళ్ళి కుమార్తె, అటు పెళ్ళి కుమారుడు ఇద్దరూ పడరాని పాట్లు పడుతుంటారు. డైయట్ చేయడం మొదలుకొని జిమ్, వ్యాయామం, బ్యూటీ టిప్స్ ఒక్కటేంటి అన్ని పెళ్ళి కొద్ది రోజులుందనంగా మెదలెట్టాస్తారు. పెళ్ళి అనేది ఎవరి జీవితంలోనైనా మరపురాని మధురమైరన ఘట్టం. అలాటి పెళ్ళి వేడుకలో పెళ్ళి కుమార్తె, పెళ్లి కుమారుడు అందంగా, ఆనందంగా కనిపించడం చాలా ముఖ్యం. ఆధునిక పోకడలను సంతరించుకున్న ఈ రోజుల్లో ఫ్యాషన్‌గా కనిపించడం సర్వసాధారణం. పైగా పెళ్లి దృశ్యాలను కెమెరాలో బంధించి పదికాలాలపాటు పదిలంగా దాచుకుంటాం.. చూసుకుంటాం కూడా..


జంక్ ఫుడ్: ముఖ్యంగా జంక్ ఫుడ్స్ లో బర్గర్లకు మరియు ఫ్రెంచ్ ఫ్రైస్ కు బైబై చెప్పండి. వీటిలో ఎక్కువ శాతం క్యాలరీ ఉండటమే కాకుండా అతి త్వరగా బరువు పెరగడానికి దోహదం చేస్తాయి.



సోడా: పెళ్ళి సమయంలో షాపింగ్ చేసి చేసి అలసిపోయినప్పుడు షోడా లేదా చల్లచల్లా ఏదైనా కూల్ డ్రింక్ తాగాలనిపిస్తుంది. కాబట్టి ఇటువంటి వాటికి దూరంగా ఉండి. సహజమైన పండ్ల రసాలను తాగడం వల్ల డయట్ కు ఉపయోగపడటమే కాకుండా శరీరానికి కావల్సిన శక్తినందిస్తుంది.



డైరీ ప్రొడక్ట్స్: పాలు మరియు వెన్న వంటివి జీర్ణం అవ్వడానికి కొంచెం కష్టం. వీటి వల్ల గ్యాస్ సమస్య కూడా ఏర్పడుతుంది. అంతే కాదు వెన్న, పెరుగు వంటివి బరువు పెరగడానికి దోహదం చేస్తాయి కాబట్టి వీటికి దూరంగా ఉండాలి. మీగడ తీసిన పాలు, లోఫ్యాట్ చీజ్ ఆరోగ్యానికి మంచిది.

తీపి పదార్థాలు: లవ్ క్యాండీస్ మరియు చూయింగ్ గమ్స్?వంటివి మీ పళ్ళను ఆనారోగ్యానికి గురి చేస్తాయి. నోటి దుర్వాసనకు దారితీస్తుంది. వీటికి బదులు దంతాలను తెల్లగా మార్చే క్యాండీస్ ను తీసుకోవడం మంచిది.

  కెఫిన్: ఒక కప్పు కాఫీ తాగడం వల్ల ఉత్సాహంగా ఉంటుంది. అయితే కాఫీలో ఉన్న కెఫిన్ శరీరంలోని నీటిశాతాన్ని తగ్గిస్తుంది. కాబట్టి పెళ్ళికి ముందు డైయట్ ఆచరిస్తుంటే కెఫిన్ కలిగినటువంటి డ్రింక్స్ ను తాగకపోవడమే మంచిది. దీనికి బదులు ఎక్కువ నీరు మరియు పండ్ల రసాలను తీసుకోవడం ఆరోగ్యం.

ఉప్పు: ఆహారంలో ఎక్కువగా ఉప్పు చేర్చుకోవడాన్ని పూర్తిగా తగ్గించాలి. ఎక్కువ ఉప్పు ఉన్న ఆహారాలు తినడం వల్ల బ్లడ్ ప్రెజర్ పెరిగేలా చేస్తాయి. ఇంకా డీహైడ్రేషన్ కు దారితీస్తుంది. కాబట్టి ఉప్పును తగిన మోతాదులో మాత్రమే తగ్గించాలి.



బీన్స్: సాధారణంగా బీన్స్ ఆరోగ్యకరమే. అయితే వీటిని తీసుకోవడం వల్ల పొట్టలో అధికంగా గ్యాస్ ఉత్పత్తి అవుతుంది. దాంతో కడుపు ఉబ్బరం మెదలవుతుంది. ఇంకా ఇందులో ఉన్న చెక్కర స్థాయి జీర్ణవ్యవస్థ సరిగా పనిచేయనివ్వదు. కాబట్టి పెళ్ళికి ముందు వీటిని అవాయిడ్ చేయడం చాలా మంచిది.


షాపేన్(వైట్ గ్రేప్ వైన్): ఇది కార్బోహైడ్రేట్ డ్రింక్. దీన్ని తాగడం వల్ల జీర్ణవ్యవస్థనకు భంగం కలిగిస్తుంది. ఇంకా గ్యాస్ ను ఏర్పడటానికి దారితీస్తుంది.



పాస్తా: దీని టేస్ట్ చాలా రుచిగా ఉంటుంది. అయితే వీటిని తినడం వల్ల కడుపులో గ్యాస్ ఏర్పడటానికి దారితీస్తుంది. కడుపు ఉబ్బరాన్ని పెంచుతుంది అందువల్ల గ్యాస్ ఉత్ప్రేరకాలైన పిండి పదార్థాలకు అంటే పాస్తా, బియ్యం, మరియు బంగాళదుంపలు వంటి వాటికి దూరంగా ఉండటం ఉత్తమం.



డిజర్ట్స్: పిండి వంటలు మరియు ఆర్టిఫిషియల్ స్వీట్ వంటి వాటికి దూరంగా ఉండకపోతే అతి త్వరగా బరువు పెరిగే చాన్సెస్ ఎక్కువ.

పెళ్లంటే నూరేళ్ల పంట అని పెద్దలు అంటుంటారు. పెళ్లికి కొంతమంది చేసే హడావిడి అంతాఇంతా కాదు. అలాంటి అపురూప క్షణాల్లో పెళ్ళికి వచ్చిన బంధు మిత్రుల సపరివారానికి నవ వధూవరులు అందంగా, ఆనందంగా కన్పించడం చాలా అవసరం. అమ్మాయిలు కూడా పెళ్లి కుదిరిన సంబరంలో ఒక్కసారిగా కొవ్వు పదార్థాలు అధికశాతంలో ఉన్న ఆహారం తీసుకుని మరీ లావెక్కిపోతారు. ఎప్పుడో ఎంగేజ్మెంట్లో మల్లెతీగలా కనిపించిన పెళ్లి కూతురు ఒక్కసారిగా పదికిలోలు పెరిగి పెళ్లికూతురుగా బొద్దుగా కనిపించేసరికి పెళ్లికొడుకు అతని తాలూకు బంధువులు అవాక్కయిపోతారు. మరికొందరు పెళ్లి కుదిరిందని మరింత అందంగా కనిపించాలని ఉపవాసాలతో మరీ డైటింగ్ చేసి పెళ్లి సమయానికి నీరస పడిపోవడమో లేక పేషెంట్లానో తయారవుతుంటారు. పెళ్లిలో తప్పనిసరిగా తీసే వీడియో, కెమెరాలలో పెళ్లి కూతుళ్లు అందవిహీనంగా కనిపిస్తుంటారు. మరి ఆ ఫొటోలు, వీడియోలు జీవితాంతం చూసుకోవాల్సిన తీపిగుర్తులు. ఒకరి కోసం కాకపోయినా మనకోసమైనా జాగ్రత్తపడాలి.
పెళ్ళికి ముందు ఎటువంటి ఆహారం తీసుకోవాలి. ఎటువంటి వాటికి దూరంగా ఉండాలి అనేదాని మీద అవగాహాన కల్పించుకోండి. కాబట్టి కాబోయే పెళ్ళిజంట కోసం కొన్ని డైయట్ ఫ్లాన్ టిప్స్...ప్రతి రోజూ తినే ఆహారంతో పాటు ఆకుకూరలు, పండ్లు తప్పనిసరిగా తీసుకోవాలి. విటమిన్స్, ప్రోటీన్స్, క్యాల్షియం, మినరల్స్ మొదలైనవి మెండుగా ఉండేట్లు చూసుకోవాలి. ఇందులో మీకు డైటీషియల్ సపోర్ట్ తప్పనిసరిగా అవసరం అవుతుంది. ప్రతిరోజూ రాత్రి పడుకోబోయే ముందు గోరువెచ్చని పాలను తాగితే మంచి నిద్ర వస్తుంది. సరైన నిద్ర లేకుంటే కంటి చుట్టూ నల్లని వలయాలు ఏర్పడి చూడటానికి అసహ్యంగా తయారవుతారు. ఇదిలా ఉంచితే మరి ముఖ్యంగా ఎటువంటి ఆహారానికి దూరంగా ఉండాలో చూద్దాం...

నట్స్ తో ఆరోగ్య ప్రయోజనాలు తెలుసుకోండి...

అక్టోబర్ 22 తేదిన అనగా ఈ రోజ ప్రపంచంలోని చాలా దేశాలు నేషనల్ నట్స్ డే గా సెలబ్రేట్ చేసుకొంటారు.
ఈ నట్స్ డే ఎకె లో లాంచ్ చేయబడింది మరియు యుఎస్ లో సాంప్రదాయంగా సెలబ్రేట్ చేసుకొంటారు.
మనందరికీ తెలుసు నట్స్ మనం రోజూ తీసుకొనే ఆహారంలో ఎంతటి ప్రాధాన్యత కలిగినవో. మన శరీరానికి కావలసిన న్యూట్రీషియన్స్ ను పుష్కలంగా అందించడంలో నట్స్ బాగా ఉపయోగపడుతాయి.
నిజానికి ఎండు ఫలాలు డ్రైప్రూట్స్ అంటే మనకు తెలిసినవి ఎండు ద్రాక్ష, ఖర్జూరాలే. కాని ఇప్పుడు అన్ని రకాల పండ్లు డ్రైప్రూట్స్‌గా దొరుకుతున్నాయి.
జీడిపప్పు, బాదం, పిస్తా వంటివి పోషకాల పరంగా ఎండిన పండ్లను పోలి ఉండటంతో ఇవీ డ్రైప్రూట్స్ డబ్బాలో చేరిపోయాయి.

బాదం పప్పులు - ప్రతిరోజూ బాదం పప్పులు తినటం గుండెకు చాలా ప్రయోజనం కలిగిస్తుంది. కొల్లెస్టరాల్ నియంత్రణలో వుంటుంది. వ్యాధి నిరోధకత పెరుగుతుంది. ప్రతిరోజూ ఒక గుప్పెడు బాదం పప్పులు ఆరోగ్యాన్నిస్తాయి.





జీడిపప్పులు - ప్రతిరోజూ జీడిపప్పులు తింటే....డాక్టర్ అవసరమే వుండదనేది సామెతగా వస్తోంది. జీడిపప్పులో ఓలెక్ యాసిడ్ వుంటుంది ఇది గుండెకు మంచి కొవ్వు. వీటిలో జింక్, కాపర్ మెగ్నీషియం, ఐరన్ మొదలైనవి వుండి ఎర్రరక్త కణాలను, గుండె కండరాలను బలపరుస్తాయి.



పెకాన్స్ - వీటిలో విటమిన్లు అదికంగా వుండి రక్త నాళాలలో కొవ్వు డిపాజిట్లను కరిగిస్తుంది. గుండెకవసరమైన 15 రకాల విటమిన్లు వుంటాయి. విటమిన్లు ఎ,బి మరియు ఇ ఫోలిక్ యాసిడ్, మినరల్స్, కాల్షియం, పొటాషియం కూడా వుంటాయి. వీటిలో వుండే మెగ్నీషియం, జింక్ లు గుండెకు మాత్రమే కాక ఎముకలను, కండరాలను కూడా బలపరుస్తాయి.



పిస్తా: వీటిలో కావలసినంత పీచుపదార్ధముంటుంది. గుండెకు చాలా మంచిది. అధిక కొవ్వు కరిగిస్తుంది. కేన్సర్ ను నిరోధిస్తుంది. ప్రొటీన్లు వుండటం వలన మంచి ఎనర్జీ లభిస్తుంది.



వాల్ నట్స్ - వీటిలో పోషక పదార్ధాలు పుష్కలంగా వుంటాయి. విటమిన్ బి 1,2,3,6 మరియు ఇ, మినరల్స్ అయిన కాపర్, జింక్, కాల్షియం, మేంగనీస్, ఐరన్ వంటివి కూడా వుండి బ్లడ్ షుగర్ స్ధాయిలను నియంత్రిస్తాయి. ఒమేగా 3 ఫ్యాటీ యాసిడ్లు అధిక కొల్లెస్టరాల్ ను నియంత్రించి ఆరోగ్యాన్ని మెరుగుపరుస్తాయి. వాల్ నట్ ను ఉదయం వేళ ఖాళీ కడుపుతో తీసుకుంటే మంచి ఫలితం వుంటుంది.



అంజీర(ఫిగ్): రక్తహీనత (అనీమియా)ను నివారించాలంటే సాధారణంగా మాంసాహారమైన కాలేయం, గుడ్లు తీసుకోవాలని డాక్టర్లు సూచిస్తుంటారు. ఇది శాకాహారులకు ఒకింత ఇబ్బంది కలిగించే అంశం. కేవలం శాకాహారం తీసుకోవడం ద్వారానే మాంసాహారం తిన్న ఫలితాలను పొందాలంటే ఎండిన ఫిగ్స్‌పై ఆధారపడండి. దీనిలోని ఐరన్, విటమిన్-సి వల్ల రక్తహీనత తగ్గడంతో పాటు వ్యాధినిరోధక శక్తి కూడా పెంపొందుతుంది.


ఎండు ద్రాక్ష: ఎండు ద్రాక్ష ఆరోగ్యానికి చేసే మేలు ఎంతో. వీటిల్లో చెక్కర శాతం ఎక్కువ. అనారోగ్యంతో నీరసించిన వాళ్ళు ఇవి కాసిని తింటే వెంటనే కోలుకుంటారు. ముఖ్యంగా మలబద్ధకంతో బాధపడేవాళ్ళు -రెండు టేబుల్ స్పూన్లు ఎండు ద్రాక్షను గ్లాసు నీళ్లలో రోజంతా నానబెట్టి ఉదయాన్నే తాగి, పండ్లను తినేస్తే సరి. చిన్న పిల్లలకి ఈ నీళ్లు మరీ మంచిది. వయస్సును బట్టి ఆరునుంచి పది ఎండు ద్రాక్షను నానబెట్టి పట్టించాలి. ఇందులో ఐరన్‌కూడా ఎక్కువ. బరువు తక్కువుగా ఉన్నవాళ్లకీ, రక్తహీనతతో బాధపడే వాళ్లకీ మంచిది.



ఎండు ఖర్జూరం: ప్రకృతి సిద్ధంగా లభించే గ్లూకోజ్‌ ఫ్రక్టోజ్‌లు వీటిలో ఉంటాయి. ఖర్జూరాలను మెత్తగా రుబ్బి నీళ్ళలో రాత్రంతా నానబెట్టిన తర్వాత వీటిల్లోని విత్తనాలను తొలగించి కనీసం వారానికి రెండు సార్లు తీసుకుంటే మంచి ఆరోగ్యం లభిస్తుంది.చిన్న ప్రేవుల్లో చోటు చేసుకోనే సమస్యలకు వీటివల్ల మంచి పరిష్కారం లభిస్తుంది.ఇందులో మంచి పోషకాహార విలువను కలిగిఉంటాయి. ఎవరిలోనైనా చక్కెర పాళ్లు తక్కువగా (లో గ్లైసీమిక్ ఇండెక్స్) ఉండి బాగా నీరసంగా ఉండి, అన్నం దొరకని పరిస్థితుల్లో నిస్సత్తువ తగ్గించేందుకు వెంటనే ఎండు ఖర్జూరాలు తినాలి.



డ్రై ఆప్రికాట్(ఎండు ఆప్రికాట్): అరటిపండులో పొటాషియమ్ పుష్కలంగా ఉంటుందన్న విషయం తెలిసిందే. అయితే ఒక అరటి పండులో కంటే ఒక ఎండిన ఆప్రికాట్‌లో మూడు రెట్ల కంటే ఎక్కువ పొటాషియమ్ ఉంటుంది. ఇది హైబీపీ తగ్గించడానికి బాగా ఉపకరిస్తుంది. ఇటీవలే అట్లాంటాలోని సెంటర్ ఫర్ డిసీజ్ కంట్రోల్ అండ్ ప్రివెన్షన్ అనే సంస్థలో నిర్వహించిన అధ్యయనంలో సోడియం కంటే పొటాషియమ్ ఎక్కువగా తీసుకోవడం అన్నది హైబీపీ నియంత్రిస్తుందని తేలింది. అందుకే హైబీపీ నియంత్రణకు ఎండిన ఆప్రికాట్ ఎంతైనా మంచిది.



పల్లీలు: వేరుశెనగలు ఆరోగ్యానికి చాలా మంచివని మీరనుకుంటున్నట్లయితే అది నూటికి నూరుపాళ్లూ కరెక్టే. మోనో శాచ్యురేటెడ్‌ కొవ్వుకు ఇది మంచి దారి. ఇది గుండెకు మంచిది. ఇది రోగాలను దరిచేరనివ్వదు. యాంటీ ఆక్సిడెంట్లు ఇందులో మెండు. విటమిన్‌ ఇ, నియాసిన్‌, ఫక్షలేట్‌, ప్రోటీన్‌, మాంగనీసు వేరుశెనగల్లో అత్యధికంగా వున్నాయి. ఇది గుండె సంబంధిత వ్యాధులు దరికి చేరనీయదు. జీర్ణసంబంధ వ్యాధులు. ఇందులోని ఫైబర్‌ జీర్ణక్రియకు తోడ్పడుతుంది. పేగు కేన్సర్‌ రాకుండా అడ్డుకోవడంలో కృషిచేస్తుంది. వీటిలో కేల్షియమ్‌, విటమిన్‌ డి తక్కువ మోతాదులో వున్నా గానీ, అవి ఎముకపుష్టికి దోహదపడతాయి. ముఖ్యంగా ముఫ్ఫైనిండిన వ్యక్తులకు దీని అవసరం ఎంతైనా వుంది!



మనకు తెలిసిన డ్రైప్రూట్స్, నట్స్‌లో ప్రదానంగా ఎండు ద్రాక్ష, ఖర్జూరం, జీడిపప్పు, బాదంపప్పుల వాడకమే ఎక్కువ. చూడడానికి ఎంతో చిన్నవిగా ఉండే ఎండు ద్రాక్ష ఆరోగ్యానికి చేసే మేలు ఎంతో. వీటిల్లో చెక్కర శాతం ఎక్కువ. అనారోగ్యంతో నీరసించిన వాళ్ళు ఇవి కాసిని తింటే వెంటనే కోలుకుంటారు. ముఖ్యంగా మలబద్ధకంతో బాధపడేవాళ్ళు -రెండు టేబుల్ స్పూన్లు ఎండు ద్రాక్షను గ్లాసు నీళ్లలో రోజంతా నానబెట్టి ఉదయాన్నే తాగి, పండ్లను తినేస్తే సరి.
చిన్న పిల్లలకి ఈ నీళ్లు మరీ మంచిది. వయస్సును బట్టి ఆరునుంచి పది ఎండు ద్రాక్షను నానబెట్టి పట్టించాలి. ఇందులో ఐరన్‌కూడా ఎక్కువ. బరువు తక్కువుగా ఉన్నవాళ్లకీ, రక్తహీనతతో బాధపడే వాళ్లకీ మంచిది. జీడిపప్పు లో మోనో అన్ శాచ్యురేటెడ్ కొవ్వులు ఎక్కువుగా ఉండటంతో ఇవి గుండెకు మేలుచేస్తాయ. పోటాషియం, మెగ్నీషియం, ఫాస్పర్, సెలీనియం, కాపర్, విటమిన్‌లు ఇందులో అధికం. ఖర్జురాల్లో గ్లూకోజ్, ఫ్రక్టోజోలు ఎక్కువ. నీళ్లలో రాత్రంతా నానబెట్టి ఉదయాన్నే గింజల్ని తీసేసి కనీసం వారానికి రెండుసార్లు తింటే గుండె పదిలమే. ఇందులో కొద్ది పాళ్లలో ఉన్న నికోటిన్ పేగుల్లోని ఇబ్బందుల్ని తొలగిస్తుంది. బాదం బోలెడు పోషకాలకు నిలయం.

ఆరోగ్యానికి-ఆకుకూరలతో ఎగ్ వైట్ ఆమ్లెట్

సాధారణంగా ఆమ్లెట్ ను చాలా రకాలుగా వండుతారు. చాలా ఆకలిగా ఉన్నప్పుడు చిటికెలో తయారు చేసుకొని తినగలిగే అల్పాహారం ఎగ్ ఆమ్లెట్. డైయట్ ను పాటించే వాళ్ళు పచ్చసొన ఫాట్, కొలెస్ట్రాల్ శాతం అధికం అనుకొనే వాళ్ళు ఎగ్ వైట్ తో ఆమ్లెట్ చేసుకొని తినడం వల్ల ఆరోగ్యం. అయితే మరింత టేస్టీగా మరిన్ని పోషకాలు, క్యాలరీలు శరీరానికి అందివ్వాలంటే అందులో ఆకు కూరలు కూడా జత చేసి ఆమ్లెట్ తాయారు చేసుకొని తినొచ్చు. ఇది పిల్లలకూ పెద్దలకూ మంచి పౌష్టికాహారం. అల్పాహారం. ఆకుకూరలు తినమని మారాం చేసి పిల్లలకు ఈవిధంగా తయారు చేసి ఇవ్వడం వల్ల వారికి ఈ విధంగా పోషకాలు అంధించవచ్చు. కాబట్టీ మీరూ తయారు చేసి చూడండి...

కావల్సిన పదార్థాలు:
గుడ్లు: 4 (whites only)
పాలు: 1tbsp
పెప్పర్: 1tsp
పాలక్: 1 sprig (chopped)
మెంతి: 1/2tsp
ఆయిల్: తగినంత
కొత్తిమీర, పొదీనా: 1 sprig (chopped)
పొదీనా: 5 (chopped)
ఉప్పు: రుచికి సరిపడా
ఆలివ్ ఆయిల్: 1tsp
తయారు చేయు విధానం:
1. ముందుగా ఒక బౌల్ తీసుకొని గుడ్డు పగులగొట్టి అందులోని తెల్ల సొనని మాత్రమే బౌల్లోనికి జాగ్రత్తగా వంచుకోవాలి.
2. పచ్చసొనను మీరు వేరే వంటకానికి ఉపయోగించుకోవచ్చు లేదా పడేసేయండి.
3. ఇప్పుడు ఎగ్ వైట్ కు పాలు కలిపి బాగా గిలకొట్టాలి. తర్వాత అందులో ఉప్పు, సన్నగా తరిగిపెట్టుకొన్న పాలాకు, మెంతి, కొత్తిమీర, పొదీనా అన్ని వేసి బాగా గిలకొట్టాలి.
4. ఇప్పుడు ఆలివ్ ఆయిల్ ను ఫ్రైయింగ్ పాన్ లో వేసి వేడి అయ్యాక అందులో బీటెన్ ఎగ్ మిశ్రమాన్ని ఆమ్లెట్ లా వేసి రెండు నుండి ఐదు నిముషాల పాటు తక్కువ మంట మీద ఫ్రై చేసుకోవాలి.
5. మూడు నాలుగు నిముషాల తర్వాత ఆమ్లెట్ ను ఫోల్డ్ లేదా రోల్డ్ చేసి మరి రెండు నిముషాలు ఫ్రై చేయాలి. అంతే ఆకుకూరలతో ఎగ్ వైట్ ఆమ్లెట్ రెడీ. ఈ ఆమ్లెట్ ను ఫ్రెగా కట్ చేసిన టమోటో, లేదా కీరకాయ ముక్కలతో బ్రేక్ ఫాస్ట్ గా తీసుకోవడం వల్ల ఆరోగ్యం రోజంతా కావల్సిన శక్తిని అందిస్తుంది.