మానవుడుదేవుని ప్రతినిధి మాత్రమే!...........నిత్య సందేశం

తినడానికి, తాగడానికి, నివసించడానికి కావలసిన ఏర్పాట్లన్నీ చేసినట్లుగానే, మానవులు జీవితం గడపడానికీ దైవం సన్మార్గాన్ని చూపించాడు. మానవ మనుగడకు అవసరమైన సమస్త ఏర్పాట్లలో ఏ ఒక్కదాన్నీ మానవుడు సమకూర్చుకోలేడు. సమస్తమూ దైవప్రసాదితమే. మాతృగర్భంలో మానవ బీజం పడింది మొదలు, భూమిపై పడే వరకు ఏ దశలో ఎలాంటి ఏర్పాటు కావాలో అడక్కుండానే అన్నీ సమకూర్చాడు. తరువాత కూడా శిశు దశ మొదలు వృద్ధాప్యం వరకూ వివిధ దశల్లో మానవుడి కోసం దైవం చేసిన ఏర్పాట్లను గమనిస్తే, ఆయన పట్ల కృతజ్ఞతతో శిరస్సు వినమ్రంగా వంగిపోతుంది. కాని మానవుడు కేవలం బాహ్యస్థితిని చూసి ఇవన్నీ తానే సమకూర్చుకున్నానని భ్రమ పడతాడు. ణకాలం వాయువు స్తంభిస్తే గుడ్లు తేలేసే మానవుడు, తన నిస్సహాయతను అంగీకరించి దేవుని సార్వభౌమత్వాన్ని గుర్తించడంలోనే అతని బుద్ధికుశలత దాగి ఉంది. దేవుని భూమిపై మానవుడు సర్వాధికారి ఎంత మాత్రం కాదు. కేవలం ఆయన ప్రతినిధి మాత్రమే. దైవ నిర్ణయాలను అమలుపరచడం, ఆచరించడం, పాటించడంలోనే అతని ప్రాతినిధ్య ఔన్నత్యం ఆధారపడి ఉంది. ఎందుకంటే దైవప్రసాదితమైన ఏ వస్తువుకూ మానవుడు యజమాని కాడు. కనుక ఏ వస్తువుపైనా మానవుడి పెత్తనం, అధికారం చెల్లదు. తనది కాని వస్తువుపై ఎవరికైనా ఎలాంటి హక్కూ, అధికారమూ ఉండవు. ఒకవేళ అధికారం ప్రదర్శిస్తే గనక తగిన శిక్ష అనుభవిస్తాడు. కాని దైవం మానవుడికి కొన్ని వస్తువులపై అధికారాన్ని ఇచ్చాడు. ఒక పరిమితి మేరకు స్వేచ్ఛను, స్వయం నిర్ణయాధికారాన్ని ప్రసాదించాడు. మనిషి ఈ స్వేచ్ఛను, స్వయం నిర్ణయాధికారాన్ని సద్వినియోగం చేసుకుంటే ఏ గొడవా లేదు. కాని స్వేచ్ఛను దుర్వినియోగం చేస్తూ, ఇష్టానుసారం విశృంఖలతకు పాల్పడితే మానవుడికి చిక్కులు తప్పవు. ఈనాడు మానవుడు దైవాభీష్టాన్ని కాదని, అంతా తానేనన్న భ్రమలో, అహంకారంలో పడబట్టే ఇన్ని కష్టాలు, నష్టాలు చవిచూస్తున్నాడు. తాను కేవలం నిమిత్తమాత్రుడినని భావించి, దైవాదేశాల వెలుగులో నడుస్తూ, జీవితాన్ని దైవానికి సమర్పించినట్లయితే చిక్కులూ, అశాంతీ ఉండేవి కావు. కనుక మానవుడు ముందుగా ‘నేను’ అన్న భ్రమ నుండి బయటపడాలి. తాను కేవలం దేవుని ప్రతినిధిని మాత్రమేనని, ఆయన ఆజ్ఞాపాలనే తన జీవితలక్ష్యమని అంగీకరించాలి. సృష్టి సమస్తాన్నీ తనకు అమానతుగా అప్పగించాడని, దాన్ని తన స్వంతంగా భావించి దుర్వినియోగం చేస్తే శిక్షిస్తాడనీ, నమ్మిక కలిగి ఉండాలి. అమానతును నిజాయితీగా నిర్వర్తిస్తే దైవానుగ్రహం లభిస్తుందని, ఆశ కలిగి ఉండాలి. అప్పుడే జీవితం సఫలమవుతుంది. జీవితానికి సార్థకతా సిద్ధిస్తుంది.

తెలివైన జవాబు

శోభనాద్రి అనే రైతు కొడుకూ, కోడలూ ఓ ప్రమాదంలో హఠాత్తుగా మరణించారు. దాంతో మనవలిద్దరి భారం అతనిమీద పడింది. శోభనాద్రికి చిన్న ఇల్లు తప్ప వేరే ఆస్తి లేకపోవడంతో వయసుమీదపడే కొద్దీ ఆయనకు మనమళ్ళ గురించి దిగులు ఎక్కువైంది. ఒకరోజు శోభనాద్రి ఇంటికి అతని స్నేహితుడు రంగయ్య వచ్చాడు. అతనికి తన మనమళ్ల గురించి అంతా చెప్పి, పరిష్కార మార్గం చెప్పమన్నాడు. అందుకు సరేనన్న రంగయ్య అతని మనమళ్లని పిలిపించి వాళ్లిద్దరూ వచ్చాక వారి తెలివిని పరీక్షించాలని ఒక ప్రశ్న వేశాడు. సమాధానం చెబితే పదిరూపాయలిస్తానన్నాడు. వారు సరేనన్నారు. ‘‘దేవుడు ప్రత్యక్షమై ఒకే వరం కోరుకోమంటే ఏం కోరుకుంటారు?’’ అని అడిగాడు రంగయ్య. ‘‘నాకు ఏ లోటూ లేకుండా బతకడానికి అవసరం అయిన పొలం ఇవ్వమని అడుగుతా’’నన్నాడు పెద్దవాడు. ‘‘నేను ఏది కోరుకుంటే అది ప్రసాదించగల ఉంగరం ఇవ్వమంటాను’’ అన్నాడు రెండోవాడు. రంగయ్య ఇద్దరికీ చెరో పదిరూపాయలిచ్చి పంపేశాడు. తర్వాత రంగయ్య స్నేహితుడితో పెద్దవాడికి ఈ ఇల్లు రాసివ్వు, ఉన్న వూళ్లో ఎలాగో బతకగల్గుతాడు. ఇక రెండోవాడు బతకనేర్చినవాడు. వాడిని నేను తీసికెళతాను అని హామీ ఇచ్చాడు. నెలరోజుల తర్వాత తిరిగి వచ్చి రెండోవాడిని రంగయ్య వెంట తీసికెళ్లాడు. శోభనాద్రి, పెద్దమనవడు చాలాకాలం సుఖంగా జీవించారు.

హింస-kids story

ఒక అడవి దగ్గర చిన్న గ్రామం ఉంది. ఆ గ్రామంలో ఒక రైతుకి కొంత పొలం ఉంది. ఆ పొలంలో సాయంకాలం వరకూ పనిచే సుకుని ఇంటికి వెళ్లేవాడు. ఒకరోజు అలా వస్తుండగా దారిపక్కన ఒక పులి గాండ్రించినట్టు వినిపించింది. తలతిప్పి చూశాడు. రెండు చెట్ల బోదెల మధ్య ఇరుక్కుపోయిన పులి ఒకటి బైటపడేందుకు ప్రయత్నిస్తూ అరుస్తోంది. పులి ఏ క్షణంలోనైనా బోదె మధ్య నుంచి బయటపడి తన మీదికి లంఘించవచ్చునన్న భయం కలిగింది. దానిని చంపడం మంచిదనుకున్నాడు. పదునైన కొడవలి ఎత్తి దాని కాళ్లను నరకడానికి సిద్ధమయ్యాడు. అటుగా వచ్చిన ఒక సన్యాసి ఇది చూసి పరుగున వచ్చాడు. ఆ పులిని చంపడంలో సాయం చేయమని రైతు సన్యాసిని అడిగాడు. తాను హింస చేయలేనని, మారణాయుధాలను పట్టుకోనని చెప్పాడు ఆ సన్యాసి. కనీసం పులి కాళ్లయినా పట్టుకుంటే, తాను దానిని కొడవలితో చంపుతానన్నాడు రైతు. సన్యాసి పులి కాళ్లు పట్టుకున్నాడు. రైతు వెంటనే కొడవలి తీసుకున్నాడు. అతని మనసు పులిని చంపనీయలేదు. కొడవలి అక్కడే పడేసి వెనుదిరిగాడు. సన్యాసి నివ్వెరపోయి, ‘‘అదేమిటి! చంపుతానన్నావుగదా! అలా వెళ్లిపోతావేం!’’ అని అడిగాడు. అందుకు ఆ రైతు ‘‘నిజమే! కానీ, మీ మాటలు విన్నాక, చంపడం తగదనే నిర్ణయానికి వచ్చేను. చంపాలంటే మీరు దాని కాళ్లు పట్టుకోవాలి. ఆ పాతకంలో మిమ్మల్ని భాగస్వాముల్ని చేయలేనుగదా!’’ అని ఇంటి దారిపట్టాడు.

పిల్లలకు నత్తి ఉందా...?

పిల్లలకు నత్తి ఉంటే దాన్ని గురించి వారి కంటే పెద్దలే చాలా ఎక్కువగా బాధపడుతుంటారు. నిజానికి నత్తికీ తెలివితేటలకు సంబంధమే లేదు. నత్తి రావడానికి జన్యుసంబంధమైన కారణాలు, మెదడులోని స్పీచ్‌సెంటర్ నిర్మాణంలో లోపాలు, పసితనంలో తీవ్రమైన ఒత్తిడికి గురిచేసిన సంఘటనలు లాంటి ఎన్నో కారణాలు ఉంటాయి. నత్తి అధిగమించలేని సమస్య కానేకాదు. ఎందరో ప్రముఖులు తొలుత నత్తితో బాధపడ్డా... దాన్ని విజయవంతంగా అధిగమించారు. ఉదాహరణకు ప్రముఖ హాలివుడ్ నటి జూలియా రాబర్ట్స్ అత్యధిక పారితోషికం తీసుకునేది. మొదట్లో ఆమెకు నత్తి ఉండేది. ఆస్కార్ విజేత అయిన ప్రముఖ నటుడు ఆంథోనీ క్విన్ కూడా చిన్నప్పుడు నత్తితో బాధపడ్డవాడే. బ్రిటిష్ మాజీ ప్రధాని విన్‌స్టన్ చర్చిల్, అమెరికా మాజీ అధ్యక్షుడు థియోడర్ రూజ్‌వెల్ట్ కూడా చిన్నప్పుడు నత్తితో బాధపడ్డవారే. విశ్వవిఖ్యాత శాస్త్రవేత్తలైన చార్లెస్ డార్విన్, సర్ ఐజక్ న్యూటన్‌లు కూడా నత్తితో బాధపడ్డవారే. వాళ్లంతా అప్పట్లోనే ప్రయత్నపూర్వకంగా నత్తిని అధిగమించారు. విజయం సాధించారు. ఇప్పుడున్న వైద్యవిజ్ఞానం, సాంకేతిక పరిజ్ఞానం సహాయంతో స్పీచ్ థెరపిస్ట్‌ల సాయంతో దాన్ని అధిగమించేందుకు చాలా అవకాశాలున్నాయి. ఒకవేళ చిన్నప్పుడు నత్తి ఉండి చికిత్స తీసుకోలేకపోయినా లేదా దాన్ని అధిగమించేందుకు ప్రయత్నం చేయకపోయినా ఇప్పుడూ ఆలస్యమైందేమీ లేదు. ఈఎన్‌టీ నిపుణులు, స్పీచ్‌థెరపిస్ట్‌లను కలిస్తే మంచి ప్రయోజనం ఉంటుంది. స్పీచ్ థెరపిస్ట్‌ల ఆధ్వర్యంలో స్పీచ్ ఫ్లూయెన్సీ, స్టామరింగ్ మాడిఫికేషన్ వంటి స్పీచ్‌థెరపీ ప్రక్రియల ద్వారా మంచి ఫలితాలు వస్తాయి.

జలుబుకు పాప్‌కార్న్ మందు........చిట్కా వైద్యం

ఈసారి జలుబు చేసినప్పుడు పాప్‌కార్న్ చికిత్సను ప్రయత్నించమంటున్నారు పెన్సిల్వేనియాలోని ‘యూనివర్సిటీ ఆఫ్ స్క్రాంటన్’కు చెందిన నిపుణులు. టీవలే ఆ విశ్వవిద్యాలయంలో చేసిన అధ్యనంలోని ఫలితాలలో తేలిన విషయం ఏమిటంటే పాప్‌కార్న్‌లో ఉండే పాలీఫినాల్ అనే యాంటీఆక్సిడెంట్ పాళ్లు ఎక్కువట. వాళ్ల అధ్యయనంలో తేలిన మరో అద్భుతమైన విషయం ఏమిటంటే పాప్‌కార్న్‌లో లభ్యమయ్యే ఈ యాంటీఆక్సిడెంట్ పాళ్లు కొన్ని పండ్లలో కంటే చాలా ఎక్కువట. అందుకే ఈసారి జలుబు చేసినప్పుడు తీరిగ్గా టీవీ చూసుకుంటూ పాప్‌కార్న్ తిని ఉపశమనం పొందడం మంచిదంటున్నారు సదరు అధ్యయనవేత్తలు. అయితే వాళ్లు సూచిస్తున్న మరో విషయం ఏమిటంటే ఇలా పాప్‌కార్న్ తినే సమయంలో అందులో ఉప్పు వేసుకోకపోవడం చాలా మంచిదంటున్నారు వారు.

ఆరోగ్య ఖర్జూరాలు......గుడ్ ఫుడ్

ఖర్జూరాల్లో ఉన్న పోషకాలు, అవి చేసే మేలు ఇంత అని చెప్పలేం. ఇందులో ఫ్రక్టోజ్, డెక్స్‌ట్రోజ్ అనే చక్కెర పదార్థాలు ఎక్కువగా ఉండటం వల్ల కొన్ని తిన్న వెంటనే తక్షణం శరీరంలోకి ఎంతో శక్తి విడుదలవుతుంది. ఖర్జూరాలతో కలిగే మరిన్ని ప్రయోజనాలివి... ఖర్జూరాల్లో పీచుపదార్థం (డయటరీ ఫైబర్) చాలా ఎక్కువ. మనం చెడు కొలెస్ట్రాల్ (ఎల్‌డీఎల్) ఎక్కువగా తీసుకున్నప్పుడు ఖర్జూరాలు తింటే... ఇందులోని పీచుపదార్థాలు ఈ చెడుకొలెస్ట్రాల్‌కు అడ్డుపడి శరీరంలో ఇంకకుండా చూస్తాయి. దాంతోపాటు తేలిగ్గా మలవిసర్జన కావడం జరుగుతాయి. ఖర్జూరాల్లో ఉండే టానిన్స్ అని పిలిచే ఫ్లేవనాయిడ్ పాలీఫీనాలిక్ యాంటీ ఆక్సిడెంట్స్ ఆరోగ్యానికి ఎంతో మేలు చేస్తాయి. ఇవి శరీరంలో ఇన్ఫెక్షన్లను, మంట, వాపు వంటివి కలగడాన్ని (ఇన్‌ఫ్లమేషన్‌ను), రక్తస్రావాలను నివారిస్తాయి. ఖర్జూరాల్లో ఉండే బీటా-కెరోటిన్, ల్యూటిన్, జీ-గ్జాంథిన్ అనే యాంటీఆక్సిడెంట్స్ మన శరీరంలోని అన్ని కణాలను సంరక్షిస్తాయి. పై పోషకాలు పెద్దపేగు, ప్రోస్టేట్, రొమ్ము, ఎండోమెట్రియల్, ఊపిరితిత్తులు, ప్యాంక్రియాస్ క్యాన్సర్లను నిరోధిస్తాయి. జీ-గ్జాంథిన్ అనే పోషకం మన కంటి రెటినాలోకి శోషితమై కంటిని సంరక్షిస్తుంటుంది. వయసు పెరగడం వల్ల కన్ను సామర్థ్యం తగ్గడాన్ని ఈ పోషకం నివారిస్తుంది. ఖర్జూరాల గురించి ముఖ్యంగా చెప్పాల్సింది... మన దేశంలోని మహిళలు వీలైనంత ఎక్కువగా దీన్ని వాడటం మంచిది. ఎందుకంటే మన దేశంలోని 85 శాతం యుక్తవయసున్న మహిళల్లో రక్తహీనత ఉంటుంది. ప్రతి 100 గ్రాముల ఖర్జూరాల్లో 0.90 మి.గ్రా. ఐరన్ ఉంటుంది. దాంతో ఖర్జూరాలు క్రమం తప్పకుండా తినేవారికి రక్తహీనత తగ్గుతుంది. అందుకే మహిళలు తాము తినే చిరుతిండ్లలో దీన్ని భాగం చేసుకోవడం చాలా మేలు. ఇందులో పొటాషియమ్ పాళ్లూ ఎక్కువే. 100 గ్రా. ఖర్జూరాల్లో 696 మి.గ్రా. పొటాషియమ్ ఉంటుంది. పొటాషియమ్ రక్తపోటును సమర్థంగా నివారిస్తుంది కాబట్టి హైబీపీ ఉన్నవారు వీటిని క్రమం తప్పకుండా తినడం వల్ల గుండెజబ్బులు (కరొనరీ హార్ట్ డిసీజెస్), పక్షవాతం వంటి వాటిని నివారించవచ్చు.

పెద్దవయసువారూ క్లిప్పులు వేసుకోవచ్చు

పెద్దవయసులో ఉన్న వారు బయటికి కనిపించే క్లిప్పులను అమర్చుకోడానికి ఇష్టపడకపోవచ్చు. అలాంటి వారికి సాధారణ క్లిప్పులతో పాటు బయటకు కనిపించని ఇన్‌విజబుల్ అలైనర్స్ అనే ఉపకరణాలతో పలువరస సరిచేయవచ్చు. ఆశాలత వంటి వారి విషయంలోలా చాలా మందికి పలువరస సరిగా లేకపోవడం, పళ్లు ఒకదానిపై ఒకటి వచ్చినట్లుగా ఉండటం వంటి సందర్భాల్లో ముఖం ఆకృతి చెడిపోతుంది. దాంతో అది వికృతంగా కనిపిస్తుండవచ్చు. ముందరి పళ్లు ఎత్తుగా ఉంటే పెదవులు ఎత్తుగా ఉన్నట్లు కనిపిస్తాయి. దాంతో వాస్తవ వయసు కంటే ఎక్కువ వయసు కనిపించి వృద్ధాప్యం మీద పడినట్లుగా కనిపించే అవకాశాలు కూడా ఎక్కువే. వాటిని సవరించడం కోసం దంతవైద్యనిపుణుడిని కలిస్తే తొలుత వారు ఎక్స్-రే తీసి పంటికి ఎముక సపోర్ట్ ఎలా ఉందో తెలుసుకుంటారు. దాంతో పాటు చిగుర్ల జబ్బులు ఏవైనా ఉన్నాయేమోనని చూస్తారు. ఒకవేళ అవసరమైతే చిగుర్లలో ఉన్న ఇన్ఫెక్షన్‌ని తొలగించి పళ్లను దృఢంగా చేసేందుకు ప్రత్యేకంగా చిగుర్ల చికిత్సలు చేస్తారు. అయితే పళ్లు దృఢంగా ఉంటేనే మంచిది. అయితే అది మాత్రమే సరిపోదు. చూడ్డానికి అందంగా కూడా ఉండాలని అందరూ ఆశిస్తారు. పలువరసను అందంగా చేయడం కోసం ఆధునిక దంతవైద్యంలో చక్కటి చికిత్స విధానాలు ఉన్నాయి. చక్కగా లేని పలువరసను చక్కగా చేయడానికి చిన్నపిల్లల్లో లాగే ఇప్పుడు పెద్దవారికీ క్లిప్పుల విధానం అందుబాటులో ఉంది. పెద్దవయసువారు కొంతమంది ఈ వయసులో క్లిప్పులు వేసుకోడానికి జంకుతుంటారు. ఏ వయసువారైనా ఇప్పుడు స్మైల్ డిజైనింగ్ చేసుకోవచ్చు. టీనేజ్ పిల్లలు మాత్రమే కాకుండా ఇప్పుడు పెద్దయ్యాక కూడా బ్రేసెస్, క్లిప్స్ వాడి తమ పలువరస చక్కగా మార్చుకోవచ్చు. ఇప్పుడు పెద్దవారిలోనూ పలువరస చేయడానికి క్లిప్పులతో పాటు ఇన్‌విజబుల్ అలైనర్స్ అనే ఉపకరణాలతో పలువరస సరిచేయవచ్చు. పెద్దవయసులో ఉన్న క్లిప్పులను అమర్చుకోడానికి ఇష్టపడకపోవచ్చు. అలాంటివారికి ఈ ఇన్‌విజిబుల్ అలైనర్స్ ఉపయోగించవచ్చు. ఇవి బయటకి కనపడవు. కాబట్టి వారు బిడియపడాల్సిన అవసరం ఉండదు. ఒకవేళ దవడ ఎముకలు, పళ్లు... ఈ రెండూ ఎత్తుగా ఉంటే, ఆర్థోగ్నాథిక్ సర్జరీ ద్వారా ఆ సమస్యను సరిచేయవచ్చు. (ఈ సర్జరీ పెద్దవాళ్లకు అంటే 18 ఏళ్లు దాటిన వారికే మాత్రమే చేస్తారు).

అందమె ఆనందం

రాత్రి పడుకునే ముందు కొబ్బరిపాలు ముఖానికి, చేతులకు రాసి, మృదువుగా మసాజ్ చేసుకోవాలి. మరుసటి రోజు శుభ్రపరుచుకోవాలి. కొబ్బరి పాలలోని గుణాలు చర్మాన్ని మృదువుగా మారుస్తాయి.

ఏ పనైనా తలపెట్టే ముందు ముగింపు మీద దృష్టి పెట్టడం అవసరం

మీ చిన్నారుల భద్రత కోసం..మీ ఇంటిని సురక్షితం చేయండిలా...

పాకడం మొదలు పెట్టిన దగ్గర నుండి చిన్నారులు నిరంతరం తిరుగుతూ, ఆసక్తికరంగాను, ఒక్కొక్కసారి ప్రమాదకర౦గా కూడా వుండే కొత్త లోకాన్ని పరిశోధిస్తూ ఉంటారు. ఒక తల్లిగా, మీరు మీ చిన్నారులను సురక్షితంగా ఉంచాలనుకొంటారు, కాని ఎంత అప్రమత్తంగా ఉన్న తల్లైనా ఆసక్తిగా తప్పటడుగులు వేసే చిన్నారులను ఇంట్లో జరిగే ప్రతి ఆపద నుండి దూరంగా ఉంచలేరు.అప్పుడప్పుడు సంభవించేవైనప్పటికి, అతి ప్రమాదకరమైన విపత్తులు, గాయాల నుండి మీ ఇంటిని చిన్నారులకు సురక్షితం చేస్తే, సురక్షిత వాతావరణంలో, చిన్నారుల పరిశోధనాత్మక, ఆసక్తికరమైన స్వభావాన్ని ప్రోత్సహించగల నమ్మకాన్ని మీకు ఇస్తుంది.

 

1. తాళాలు: అల్మారాలు, సొరుగులకు తాళాలు వేయడం ఆసక్తి కల్గిన చిన్నారి వేళ్ళను ఎన్నో ప్రమాదకర గృహోపకరణాలకు దూరంగా ఉంచే సులువైన మార్గం.వంట గదులలో, స్నానపు గదులలో తరచుగా రసాయన క్లీనర్లు, మందులు, పదునైన పరికరాలను దాచే క్రింది అరలపై బాగా ధ్యాస ఉంచ౦డి. ఒక తాళాన్ని ఎంచుకొన్నప్పుడు మీ వంట గది అల్మరకు పనిచేసేదాన్ని ఎంచుకోండి, ఎందుకంటే అన్ని తాళాలు అన్ని రకాల అల్మారాలకు, సొరుగులకు పనిచేయవు. తాళాలు మన్నికైనవిగానూ, పెద్దవాళ్ళు వాడేందుకు సులువైనవిగానూ, తీసేటప్పుడు అల్మరాలకు, సొరుగులకు ఎటువంటి నష్టం జరగనివ్వనిది గానూ ఉండాలి..

2. పై తొడుగులు: పసి బిడ్డలు, తప్పటడుగులు వేసే చిన్నారులు వస్తువులను స్పర్శ ద్వారా తెల్సుకొంటారు, అంటే తొడుగు లేకుండా ఉంచిన విద్యుత్ సాకెట్ల లాంటివి చాలా ప్రమాదకరం అన్నమాట. ప్రతీ ఔట్లెట్ లోను ఒక సాధారణ ప్లాస్టిక్ ఔట్లెట్ వాడటం చవకైన ఎంపిక, కాని తప్పనిసరిగా ప్లగ్గు తో పని అయిన తర్వాత ప్లాస్టిక్ ఔట్లెట్ ను తిరిగి పెట్టడం మరవద్దు. ఔట్లెట్ ప్లేట్ బిగించడానికి ఇంకొంత శ్రమ కావాల్సి ఉంటుంది, కానీ, ఇది ఒకసారి బిగిస్తే, ఔట్లెట్ ఉపయోగించేటప్పుడు ఔట్లెట్ కవర్లు బయటకు వచ్చి, దాన్ని వాడనప్పుడు లోపలికి వెళ్ళిపోతుంటాయి కనుక ఇది మరింత సౌకర్యవంతమైన ఎంపిక.

3. భద్రత ద్వారాలు: కొత్తగా పాకడం మొదలుపెట్టిన చిన్నారిని మీరు మెట్ల నుండి దూరంగా ఉంచాలనుకొన్నా లేదా తిరుగాడే చిన్నారులను చాలా ప్రమాదాలున్న ఒక గది నుండి దూరంగా ఉంచాలనుకున్నా, భద్రత ద్వారం ఉండడం ఒక ఉత్తమ ఎంపిక. ఒక నాణ్యమైన భద్రత ద్వారం పెద్దలు వాడటానికి సులువైందిగా వుండాలి, కాని లాగినప్పుడు మీద పడనంత గట్టిగా ఉండాలి. గోడలలోకి స్క్రూ లతో బిగించిన బేబీ గేట్లు ఎంతో మన్నికైన ఎంపిక, ప్రత్యేక౦గా సులువుగా తెరుచుకొనే వీలున్న తలుపుతో వస్తుంది. పై అంతస్తులను మూయడానికి ఎప్పుడూ స్క్రూ లు ఉన్న బేబీ గేట్లను వాడండి. ఒత్తిడి ఉండే బేబీ గేట్ మంచి ఎంపికే అయినప్పటికీ దానిని ముందుకు లాగడం, పైకి ఎక్కడం, ప్రక్క సందులలో తల చిక్కుకోవడం వంటివి జరగకుండ చూసుకోండి.

4. స్నానపు గది భద్రత: మీరు, మీ చిన్నారిని టాయిలెట్ కాగితపు చుట్టను మొత్తం విప్పకుండా ఆపలేక పోయినా, స్నానపు గదిని ప్రమాదరహితంగా ఉంచేందుకు చాల ముఖ్యమైన భద్రత చర్యలు ఉన్నాయి. డయపర్లలో ఉండే చిన్నారులను టాయిలెట్ బౌల్ నీళ్ళలో పడకుండా చూసేందుకు టాయిలెట్ మూత పడిపోకుండా ఒక క్లాంప్ ను అమర్చండి. ఇంకా స్నానపు భద్రత నిమిత్తం నీళ్ళ తొట్టెలో జారని చాపలను అమర్చి, నీరు వచ్చే గొట్టాలకు, నాబులకు సరదాగా వుండే తొడుగులు వేసి ఆటలలో జారి పడిపోయినా గాయాలపాలవ్వకుండా చూడవచ్చు.

5. గృహోపకరణాల భద్రత: మీ చిన్నారి లేచి నిల్చోవడం మొదలు పెట్టాడంటే, మీ ఇంట్లో బరువైన గృహోపకరణాలు, వస్తువులను గోడ పట్టిలతో గోడకు తగిలించండి లేదా మౌంటింగ్ బ్రాకెట్ల పై ఉంచండి. చిన్నారులు పైకి ఎక్కడం లేదా పుస్తకాల అల్మారాలు, అద్దపు అల్మారాలను తమ మీదికి లాక్కోవడం వలన ఈ వస్తువు సరిగ్గా కుదురుకోకపోతే వారి మీదకు పడే ప్రమాదం ఉంది. మొనతేలిన అంచులు, మూలాలు ఉన్న కాఫీ బల్లలు, నిప్పుల కొలిమి లాంటి వాటికి మెత్తటి బంపర్లను తగిలి౦చడం వల్ల తిరిగే చిన్నారులు తీవ్ర గాయాల పాలవ్వకుండా నివారించవచ్చు.

6. కిటికీ భద్రత: తలుపులకు లేదా తెరలకు ఉండే తీగల వల్ల చిన్నారులకు ఊపిరాడకుండా ఉండే ప్రమాదం ఉంది. చివికిపోయిన తీగల బదులు వేలాడే తీగలతో మార్చి చిన్నారుల తలకి చుట్టుకునే ప్రమాదం నుండి నివారించడానికి ఈ తీగలను వారికి దూరంగా ఉంచండి. చిన్నారులు తెరిచిన కిటికీ నుండి పడిపోకుండా. కొన్ని అంగుళాలు మాత్రమే కిటికిలో ఖాళి ఉండేటట్లు, కిటికీ గార్డు లేదా అదనపు రక్షణ కోసం భద్రత తెరను బిగించండి.

7. వంటింటి భద్రత: వంటిల్లు కుటుంబ౦, స్నేహితులు వేడుకలప్పుడు కూడే ప్రాంతమైనప్పటికి చిన్నారులకు మాత్రం ఇక్కడ చాలా ప్రమాదాలు ఉంటాయి. పదునైన వస్తువులు, ఆల్కహాల్, మందులు, అగ్గిపెట్టెలు, ప్లాస్టిక్ సంచులు, విషపూరిత రసాయనాలను చిన్నారులకు అందకుండా, తాళాలు వేసిన అల్మారాలలో చిన్నారులకు దూరంగా ఉంచండి. గిన్నల, ప్యాన్ల హా౦డిళ్ళను వంట చేసేప్పుడు స్టవ్ వెనుక వైపుకు ఉంచండి, చిన్నారులకు వేడి పాత్ర తాకరాదని చెప్పండి. స్టవ్ చుట్టూ ప్రమాదవశాత్తు కాలకుండా ఉండేందుకు ఏదైనా అడ్డం పెట్టండి. డిష్ వాషర్ కు తాళాలు, స్టవ్ నాబులకు కవచాలు కొనండి, చిన్నారులకు లాగ కూడదు అని తెలిసే వరకు డైనింగ్ టేబుల్ మీద క్లాత్ ను తీసివేయండి.

8. విషము నుండి భద్రత: చిన్నారులు దాదాపు ప్రతిదీ నోటిలో పెట్టు కుంటారు, దురదృష్టవశాత్తూ, ఈ చర్య కొన్ని తీవ్ర పరిణామాలకు దారి తీస్తుంది. మందులు, ప్రమాదకర రసాయనాలను వంటింటి, స్నానపు గది చెత్త బుట్టలో కాక మూత గట్టిగ ఉండే పనికి రాని చెత్తలో పారెయ్యండి.

9. అగ్ని భద్రత: పొగ అలారాలు మొత్త౦ కుటుంబానికి అవసరం, ఇంటి నిండా తప్పనిసరిగా పెట్టాలి. బ్యాటరీలు క్రమంతప్పక మార్చడం, సరిగ్గా పని చేస్తుందో లేదో నెలలో ఒకసారి పరీక్షించి చూసుకోవాలి. లైటర్లను, అగ్గిపెట్టె లను చిన్నారులకు దూరంగా ఉంచి, వెలిగించిన కొవ్వత్తుల దగ్గరకి చేరడం, కింద పడేయడం వంటివి చేయకుండా చూసుకోవాలి.

 

ఇంటి అందాన్ని పెంచడంలో అద్దాల ప్రాధాన్యత ఎంత...?

ఇంట్లో వెలుగు ని జిలుగుని నింపటానికి అద్దాలని ఉపయోగించటం చాల ఏళ్ళుగా జరుగుతోంది. ఒక పెద్ద సాధారణ అద్దాన్ని వేలాడదీసిన వెంటనే అద్భుతమైన మాయాజాలం లాంటి ప్రభావం కనిపిస్తుంది. అయితే, ఇంటి నిండా అద్దాలని ఎన్నో ఊహాత్మకమైన రీతుల్లో అమర్చుకోవచ్చు.

ఆరుబయట రహస్య "గదులను" ఏర్పరుచుకోవటానికి, పెరడు లేదా తోటల్లోకి వెళ్ళే దారుల్లోని వీటిని పెట్టుకోవచ్చు. పగిలిన అద్దాలని కూడా క్రాఫ్ట్ ప్రాజెక్ట్ లలో చక్కగా ఉపయోగించుకోవచ్చు.

 

 

మొజాయిక్ అద్దాలు: అద్దం ముక్కలు మీ ఇంటిని అలంకరించుకోవటానికి అద్భుతంగా ఉపయోగపడతాయి. మీకు క్రాఫ్ట్ ప్రాజెక్ట్ లపై ఆసక్తి ఉన్నట్లయితే, మొరాకో స్టయిల్ టేబుల్ టాప్ లేక వాల్ పేనల్ (విరిగిన అద్దం ముక్కలతో అమర్చిన రంగుల పెంకులతో)మీ సన్ రూమ్ కి మరింత శోభ తీసుకువస్తుంది.

పురాతన అద్దాలు: పాత మచ్చలు గల అద్దాలు, పూర్వకాలపు సౌందర్యాన్ని మన ముందుకు తెస్తాయి. ఇవి ఇంటికి గోతిక్ అనుభూతిని జతచెయ్యడానికి బ్రహ్మాండంగా పనికొస్తాయి. చిల్లర బజారులో పాత అద్దాలను సేకరించండి. వాటిని గుంపులు గుంపులుగా, మూలలోను వేలాడదీయండి. దీని వల్ల ఒక పాత కాలపు మసక మసక సొగసు చేకూరుతుంది. అద్దానికి సరిపోయే ఫ్రేముల కోసం వెతకనక్కరలేదు. సాధారణ, అలకరించబడ్డ అద్దాల కలయికే పాత కొత్తల మేలు మిశ్రమంగా తలుకులీనుతుంది.

ఫ్రేము అలంకరణ: అద్దాలని థీం రూంలలో(ఉదాహరణకి, సాగర తీరాన్ని తలపించే బాత్రూం) ఉపయోగించాలి అంటే సాదా అద్దానికి సముద్రపు చిప్పలు, సముద్రం ఒడ్డుకి కొట్టుకుని వచ్చిన కర్ర ముక్కలు అద్దితే, గదిలోనే సముద్రపు సొగబులని నింపుకున్నట్టు ఉంటుంది.



అద్దం - కిటికి: పెద్ద అద్దం ముందర ఒక సాధారణ కిటికి ఫ్రేంని నిలిపినట్లయితే ఒక అద్భుతమైన భ్రమగా అగుపిస్తుంది. దాని కింద ఒక అర అమర్చి, చిన్నచిన్నమొక్కలు పేర్చండి. ఈ అమరిక పెద్ద అద్దాలతో గానీ చిన్న అద్దాలతో గానీ చేసుకోవచ్చు. మరో ప్రపంచానికి కిటికీలా మహాద్భుతంగా కనిపిస్తుంది.

అసాధారణ ప్రదేశాల్లో అద్దాలు: అద్దం పెంకులని చీకటి అలమరాల్లోని, వంట గదుల్లోని, అరల్లోని వెలుగుని నింపడానికి పెట్టుకోండి. దీపం వెనక ఫోటో ఫ్రేమ్ గల అద్దాన్ని పెట్టడం వల్ల గదిలో వెలుతురు పెరుగుతుంది. మిర్రర్ టైల్స్ ని డైనింగ్ టేబుల్ మీద మ్యాట్ల బదులు పండగ/ప్రత్యేక భోజన సమయంలోను ఉపయోగించుకుంటే ఒక కొత్త కళ వస్తుంది. ప్రమాదాలని నివారించడానికి గానూ కేవలం సేఫ్టీ గ్లాస్ ని మాత్రమే వాడండి. మసకగా ఉన్న హాల్ పైకప్పుకి అద్దాలని అమర్చి స్కై లైట్ భ్రమని కలుగచెయ్యవచ్చు.

తోటలో ప్రతిబింబాలు: పెరట్లోనూ, తోటలోనూ అద్దాలని ఉపయోగిస్తే సమ్మోహనంగా ఉంటుంది. పెద్ద దీర్ఘ చతురస్రాకారపు అద్దాలు, తోట వెనుక మరో తోట వున్నట్టు భ్రమ కలిగిసస్తాయి. అటు వంటి అద్దాలకి దారి అమరిస్తే మరింత అద్భుతంగా ఉంటుంది. కంచెలు మీద, డల్ గా ఉన్న గోడలు మీద కిటికీలు అమర్చటం వల్ల తోట లోని విశేషాలు ప్రతిబింబించి ద్విగుణీకృతమవుతాయి. ఇలాంటి అద్దాలని నీడ ఉన్నప్రదేశంలో ఉంచండి, లేకపోతే అవి ప్రసరించే బలమైన కాంతి వల్ల మొక్కలు దెబ్బతినే అవకాశం ఉంది.

 

బెస్ట్ ఇండియన్ సైడ్ డిష్-ఆనియన్-గార్లిక్ రైతా

ఇండియన్ వంటకాల్లో రైతా చాలా ఫేమస్ సైడ్ డిష్. సాధారణంగా రైతాను నీళ్ళు-చిలికిన పెరుగు మిశ్రమం, కొన్ని స్పైసీ(మసాలా దినుసుల)తో తయారు చేస్తారు. రైతాకు మసాలాలను కలిపుకొని తయారు చేసుకోవచ్చు. లేదా తాజా కూరగాయలతో ఉల్లిపాయలు, టమోటోలు, కీరకాయ, అవొకాడో వంటివి మిక్స్ చేసి కూడా తయారు చేసుకోవచ్చు. అంతే కాదు, బూందీ చేర్చి స్వీట్ రైతాను కూడా తయారు చేసుకోవచ్చు.రైతా స్వీట్ కానివ్వండి, హాట్ కానివ్వండి ఏదైనా సరే రోటీ, రైస్, పులావ్, బిర్యానీలకు బెస్ట్ కాంబినేషన్. రైతా తయారు చేసిన తర్వాత రుచి చూసిన తర్వాత ఈ టేస్ట్ ను కొద్దికాలం పాటు మరచిపోలేరు. ఇది తాయారు చేయడం కూడా సులభం. మీరు కుకుంబర్ రైతాను చాలా సార్లు చేసుకొని ఉంటారు. అందుకే మసాలాదినుసులతో తయారు చేసే రైతా ఎలా ఉంటుందో మీరూ తాయారు చేసి రుచి చూడండి....

కావల్సిన పదార్థాలు:
పెరుగు: 2cups
ఉల్లిపాయలు: 1(చిన్నగా కట్ చేసుకోవాలి)
వెల్లుల్లి రెబ్బలు: 7-8
పచ్చిమిర్చి: 2(చిన్న ముక్కలుగా కట్ చేసుకోవాలి)
కారం: 1tsp
జీలకర్ర: ½tsp
బ్లాక్ సాల్ట్: చిటికెడు
ఉప్పు: రుచికి సరిపడా
కొత్తిమీర తరుగు: 2tbsp(గార్నిషింగ్ కోసం)
 నూనె: ½tsp

 

తయారు చేయు విధానం:
1. ముందుగా స్టౌ మీద ఫ్రైయింగ్ పాన్ పెట్టి మీడియం మంట పెట్టాలి. పాన్ వేడవ్వగానే అందులో జీలకర్ర వేసి రెండు మూడు నిముషాలు వేయించుకోవాలి. పక్కకు తీసి చల్లారిన తర్వాత రోలింగ్ స్టోన్ మీద వేసి రోలర్ తో రుద్ది పౌడర్ చేసి పక్కన పెట్టుకోవాలి.
2. తర్వాత ఒక బౌల్ తీసుకొని అందులో పెరుగు కొద్దిగా నీళ్ళు వేసి బాగా గిలకొట్టాలి. ఇప్పుడు అందులోని వేయించుకొన్న వెల్లుల్లి రెబ్బలు, ఉప్పు, బ్లాక్ సాల్ట్ మరియు జీలకర్ర పొడి వేసి బాగా మిక్స్ చేయాలి.
3. ఇలా తయారు చేసుకొనేలోపు పాన్ లో ఒక టీస్పూన్ నూనె వేసి, వేడయ్యాక అందులో ఉల్లిపాయ ముక్కలు వేసి రెండు నిముషాలు వేగించాలి. తర్వాత కొద్దిగా కారం, పచ్చిమిర్చి ముక్కలు వేసి వేగించిన తర్వాత వెంటనే ముందుగా కలిపి పెట్టుకొన్న పెరుగు మిశ్రమాన్ని ఇందులో పోయాలి. అంతే ఉల్లిపాయ వెల్లుల్లి రైతా రెడీ. దీన్ని వేడి వేడిగా సర్వ్ చేయవచ్చు.

 

ఫేషియల్ మసాజ్ -వ్యాయామంతో ముఖ సౌందర్యం రెట్టింపు

అత్యంత యవ్వనంగా కనిపించే ముఖం కోసం చేయించుకునే బొటొక్ష్(Botox) ఇంజక్షన్ లు మరియు మైక్రోడేర్మాబ్రేసన్ ల వంటి కాస్మెటిక్ పద్దతులు చాలా ఖర్చుతో కూడుకున్నవి. మీ బడ్జెట్ కి ఇవి అందుబాటులో ఉండకపోవచ్చు. కాని, అత్యంత సులభమైన మరియు ఆరోగ్యకరమైన పద్దతి ద్వారా మీ ముఖంపైన ఉండే ముడతలని తగ్గించుకుని చక్కటి ముఖ సౌందర్యాన్ని సొంతం చేసుకోవచ్చు. ముఖానికి సంబందించిన కొన్ని వ్యాయామాలు చెయ్యడం ద్వారా ఇది సాధ్యం. కండరాల్ని బిగువుగా ఉంచేందుకు, రక్త ప్రసరణని పెంచేందుకు ఈ వ్యాయామం తోడ్పడుతుంది. అన్నిటికంటే మించి, యవ్వనం సొంతం చేసుకోవడానికి మీకు అందించే యవ్వన గుళికలే ఈ చిన్న చిన్న వ్యాయామాలు.

నుదుటిపైన ముడతలని తగ్గించే వ్యాయామాలు: అలవాటులో భాగంగా తరచూ కనుబొమ్మలు ముడి వెయ్యడం లేదా కను బొమ్మలు పైకి అంటూ వుండడం మీ నుదిటి పైన ముడతలు కలుగడానికి ముఖ్య కారణం. ఈ ముడతలని నిర్మూలించి మరిన్ని ముడతలు రాకుండా చెయ్యడానికి మీ నుదుటిపైన చూపుడు వేలు మరియు బొటన వేలితో రెండు కనుబొమ్మలని పట్టుకుని కంటి వైపుగా సున్నితంగా లాగాలి. అలాగే పై వైపుగా కుడా లాగాలి. ఈ విధంగా కనీసం పది సార్లు చెయ్యాలి.




కంటి చివర్ల ఉన్న ముడతల నివారణ కోసం:
కళ్ళు గట్టిగా మూసుకుని మీ కనుబొమ్మలని ఎత్తండి. మీరు సహజంగా విశ్రాంతి పొందే స్థితిలో ఉండి 3 సెకండ్ల పాటు ఈ పద్దతిని పాటించండి . ఇదేవిధంగా ,పది సార్లు చెయ్యండి.



గడ్డం మరియు మెడకి సంబంధించిన వ్యాయామం:
మీరు నిల్చుని, మీ తలని కొంచెం వెనక్కి అనాలి. ఇప్పుడు మీ కళ్ళని పై కప్పు వైపు తిప్పాలి. మీ పెదాలని కొంచెం పైకి లాగి పై కప్పుని చుంబించడానికి ప్రయత్నిస్తున్నట్ట్లుగా ఉండాలి. ఈ పోసిషన్ లో 5 సెకండ్ల పాటు ఉండాలి. కనీసం పది సార్లు ఈ వ్యాయామం చెయ్యాలి.

ముఖానికి సంబంధించిన వ్యాయామాలు:
ముఖానికి సంబంధించిన వ్యాయామాల ద్వారా అందమైన,మృదువైన మరియు బిగుతైన చర్మాన్ని పొందవచ్చు. మీ ముఖాన్ని శుభ్రంగా కడిగి, తుడుచుకుని చర్మం పొడిగా అయ్యేవరకు ఉండాలి. ఇప్పుడు ఏదైనా లోషన్ ని లేదా మోయిస్చరైజర్ ని ముఖం పైన మర్దనా చేస్తున్నట్లుగా రాయాలి. పొడి చర్మం కలిగిన వారు వెజిటబుల్ ఆయిల్ ని వాడాలి. జిడ్డు చర్మం కలిగిన వారికి పోలిఅన్సాట్యురేటెడ్ ఫాట్స్ కలిగిన నూనేని వాడితే మంచిది.

తెరపిస్ట్ చేత చేయించుకున్నా మీరు చేయించుకున్న ముఖానికి చేసుకునే మర్దనా సమయం 20 నిమిషాల ని మించకూడదు. ఏంతో జాగ్రత్తగా మర్దనా చెయ్యాలి. నుదుటిని, ముక్కుని మర్దనా చెయ్యడం వల్ల ముఖం పైన ఉండే అడ్డ గీతాలు తగ్గుతాయి. బుగ్గలు మరియు నోటి చుట్టూ మర్దనా చెయ్యడం వల్ల కొత్తగా ముడతలు రాకుండా ఇంకా చర్మం సాగిపోకుండా ఉంటుంది.గడ్డాన్ని, మెడని మర్దనా చేసే సమయంలో విస్మరించకూడదు. వీటికి జాగ్రత్తగా మర్దనా చెయ్యడం వల్ల కండరాలు బిగుతుగా ఉండడమే కాకుండా చర్మం సాగిపోకుండా రక్షించుకునే వీలవుతుంది. ఇంకెందుకాలస్యం చక్కటి ముఖ సౌందర్యాన్ని పై పద్దతులు పాటించడం ద్వారా సొంతం చేసుకోండి మరి.

 

'ఫ్లూ’ నివారణకు తీసుకోవల్సిన జాగ్రత్తలు..!

మీకు ఫ్లూ వుందని మీరు భావిస్తే, విశ్రాంతి తీసుకుంటూ బాగా నీళ్ళు తాగడం మీరు చేయగలిగిన అత్యుత్తమ పని. కొన్ని సందర్భాల్లో వైద్యుడు ఆ ఫ్లూ మరింత తగ్గడానికి కొన్ని మందులు కూడా ఇస్తాడు. ఫ్లూ చికిత్స, నివారణ విషయంలో వృద్ధులు, రోగ నిరోధక వ్యవస్థ బలహీనంగా వున్న వారు లాంటి ఫ్లూ ప్రమాదం ఎక్కువగా వుండే వాళ్ళు మరింత అప్రమత్తంగా వుండాలి.




గృహ చికిత్స:

ఇంటి దగ్గర వున్నప్పుడు పడుకోండి, స్వచ్చమైన ద్రవాలు తాగండి, శ్రమ కలిగించే పనులకు దూరంగా వుండండి. శరీరంలో నీటి పరిమాణం తగ్గించే కాఫీ, ఆల్కాహల్ లాంటి ఆహారాలు లేదా ద్రవాలు తీసుకోకండి.

ఫ్లూ తో బాధ పడేవారిలో చాలామందికి ఆకలి మందగిస్తుంది, మీ శరీరం ఆ ఇన్ఫెక్షన్ ను ఎదుర్కోవాలంటే పౌష్టికాహారం, మాంసకృత్తులు చాలా ముఖ్యం. క్లియర్ సూప్ మీకు ఆరోగ్యకరమైన పోషకాలు ఇవ్వడమే కాక శరీరంలో తేమను నిలిపి వుంచుతు౦ది.

ఫ్లూ లక్షణాలను చికిత్స చేయడానికి, చల్లటి మందులు తీసుకోండి. ఓవర్-ది-కౌంటర్ మందులు ఫ్లూ ను తగ్గించక పోయినా, అవి ఫ్లూ లక్షణాలను ఎదుర్కొని మీరు విశ్రాంతి తీసుకుని మీ శరీరం పై శ్రద్ధ పెట్టేలా ఉపకరిస్తాయి. ఓవర్-ది-కౌంటర్ మందులు, డాక్టర్ రాసిన మందులు, ఆయన ప్రత్యేకంగా చెప్తే తప్ప, కలిపి తీసుకోకండి.

ఫ్లూ మందులు:
ఫ్లూ వైరస్ వల్ల వస్తుంది కాబట్టి యాంటి బయోటిక్స్ పని చేయవు. ఐతే, వైద్యులు రోగులకు కొన్ని ఇతర మందులు ఇచ్చి శరీరం ఫ్లూ లక్ష్నాలనుంచి త్వరగా కోలుకునేలా చేస్తారు. ఫ్లూ మందులకు వివిధ దుష్ప్రభావాలు వుండడం వల్ల అవి అందరూ వాడకూడదు.

మీకు ఫ్లూ వచ్చిందని భావిస్తే, మీ వైద్యుడిని ప్రిస్క్రిప్షన్ మందులు వాడవచ్చా లేదా కనుక్కోండి.లక్షణాలు వచ్చిన వెంటనే వాడితే యాంటి-వైరల్ మందులు బాగా పని చేస్తాయి. మీరు ఫ్లూ వచ్చిన వారిని కలిసి వుంటే, ఆ లక్షణాలు రాకుండా, ఇతరులకు అంటకుండా వెంటనే యాంటి-వైరల్ మందులు వాడండి.ఫ్లూ వ్యాక్సిన్, నివారణ: ఫ్లూ ని తగ్గించడానికి ఉత్తమ మార్గం దాని నివారణే.

ప్రతి శీతాకాలంలో ఒక కొత్త ఫ్లూ వ్యాక్సిన్ విడుదల చేస్తారు. ఫ్లూ వ్యాక్సిన్లు వాడినా కొందరికి ఫ్లూ వస్తుంది కానీ, ఈ వ్యాక్సిన్ వాడడం వల్ల అది ఇతరులకు సోకే అవకాశాలు తగ్గుతాయి. రోగ నిరోధక వ్యవస్థలో లోపాలున్న వారు, ఫ్లూ వల్ల ప్రమాదకరమైన పరిస్థితులు వచ్చే వారు ప్రతి ఏటా సరైన ఫ్లూ వ్యాక్సిన్ వేయించుకోవాలి.

వ్యాక్సిన్లతో పాటు పరిశుభ్రత కూడా పాటించాలి. మరుగుదోడ్లోకి వెళ్లి వచ్చాక, ఆసుపత్రులు, ప్రజా రవాణా సాధనాల లాంటి సూక్ష్మ క్రిములతో నిండిన ప్రదేశాలలోకి వెళ్లి వచ్చాక కూడా చేతులను శుభ్రంగా కడుక్కోండి. ఎవరైనా మీ మీద తుమ్మితే, కళ్ళు, ముక్కు తుడుచుకునే ముందు సాధ్యమైనంత త్వరగా చేతులు కడుక్కోండి.

 

అతిగా తినడం నియంత్రించడం ఎలా...?

మీకు ఇంక ఆకలి కావడంలేదు, మీరు తినడం ఆపి వేయచ్చు అనే ‘సంకేతం' మీ మెదడు మీకు అందించడానికి సుమారు 20 నిమిషాలు పడుతుంది - ఈ సూత్రం పై ఆధారపడి మెల్లిగా తింటే ఎక్కువ తినకుండా ఉండవచ్చు అనే సిద్ధాంతం ఏర్పడింది. మెల్లిగా తింటూ వుంటే మీకు అసలైన ఆకలి సంకేతాలు బాగా అర్ధమై, కేవలం భావావేశం వల్లనా లేక ఆహార పదార్ధం ఏదైనా నచ్చడం వల్లనా అనే వాటిలో మీరు ఏ కారణం చేత వేగంగా తింటారో మీరు గుర్తిస్తారు. ఐతే మెల్లిగా తినడం అనేది మీరు ఆ క్షణంలో తీసుకునే నిర్ణయం కాదు, పైగా అది మీరు శ్రమ చేసి, సాధన చేసి చేసుకోవలసిన అలవాటు.

 

చర్యలు:
1. మీ మెదడును రీ-ప్రోగ్రాం చేయండి. మీ మనసులో ముందుగా 21 రోజుల పాటు సాధన చేసిన తర్వాత గానీ మెల్లిగా తినడం అనే అలవాటు చేసుకోవడానికి ప్రయత్నించకండి. విశ్రాంతిగా వుండి మీ ఊహాశక్తిని ఉపయోగించి మీ మెదడు నమోదు చేసుకుని గుర్తుంచుకునే మానసిక చిత్రాలను, అధివాస్తవిక ఆనందకర అనుభవాలను తయారు చేసుకోండి. ఈ చిత్రీకరణ ప్రక్రియలో భాగంగా మిమ్మల్ని మీరు సన్నగా, ఆరోగ్యంగా ఊహించుకోండి.నిదానంగా తినండి రుచిని, దాని తయారీని రెండిటినీ ఆస్వాదిస్తూ తినండి.మీ కడుపు బరువుగా ఉందని అనిపించడానికి ఒక గ్లాస్ నీటిని మీ భోజనం ముందు, భోజనం సమయంలో, తర్వాతా తాగుతున్నట్టు చూస్తూ ఉండండి.సన్నని, ఆరోగ్యకరమైన, ఉత్సాహకరమైన శరీరం లాంటి మీరు కోరుకున్న ఫలితాన్ని చిత్రీకరించుకోండి.

2. మీ వంటగదినుంచి సాధ్యమైనన్ని ప్రాసెస్ చేసిన ఆహారాలను తీసివేయండి. మెల్లిగా తినడం అంటే నెమ్మదిగా నమలడమే కాదు; మీ ఆహారపు ఎంపికలను, తయారీ విధానాలను కూడా నెమ్మదింప చేయడం. ప్రాసెస్ చేసిన ఆహారాలను తీసివేయగానే, ప్రాసెస్ చేయని లేదా తక్కువగా ప్రాసెస్ చేయబడిన ఆహారాలతో నింపండి. ఉదాహరణకు, వైట్ పాస్తా, వైట్ రైస్ తీసివేసి దాని బదులు హోల్ మీల్ పాస్తా, ఎర్రటి బియ్యం వాడండి. ముందే సిద్ధం చేసి డబ్బాల్లో ఉంచిన ఆహారం, శీతలీకరించిన ఆహారాలు తీసివేసి, వాటి స్థానంలో ఆయా పదార్ధాలను మొదటి నుంచి తిరిగి తయారు చేయండి. ప్రాసెస్ చేసిన మిఠాయిలకు బదులు పళ్ళు, మీగడ లాంటి ఆరోగ్యకరమైన పదార్ధాలు నింపండి.

3. మీకు ఆకలి వేయడం మొదలు పెట్టాక తినడానికి ప్రయత్నించండి. బాగా కళ్ళు తిరిగేలా వుండి, నీరసం వచ్చి, చిరాకు పడుతుంటే మీ శరీరానికి ఎంతో సేపటి నుంచి అవసరమైన ఆహారాన్ని మీరు అందించ లేదన్నమాట - తత్ఫలితంగా మీరు ఆహారాన్ని విశ్రాంతిగా ఆస్వాదిస్తూ తినలేకపోవడం జరుగుతుంది.

4. తినే ముందు బాగా విశ్రాంతిగా వుండండి. ముక్కు తో కొన్ని దీర్ఘ శ్వాసలు తీసుకుని, నోటితో వదిలేయండి. మీరిలా చేస్తున్నప్పుడు, కొద్ది క్షణాల పాటు శ్వాసను బిగబట్టండి, నోటి ద్వారా నెమ్మదిగా వదల౦డి. తినడం మొదలు పెట్టె ముందు ఒత్తిడి నుంచి బయట పదండి - అలా చేస్తే, ఆహారం వల్ల వత్తిడి నుంచి బయటపడేలా చేసే సౌకర్యంగా తినే ప్రమాదం నుంచి బయట పడతారు; మీ వత్తిడి నుంచి బయట పడడానికి తిండి తో సంబంధం లేకుండా చూసుకోండి. దీని వల్ల వచ్చే లాభాలను గుర్తు చేసుకోండి (మంచి ఆరోగ్యం, చక్కగా కనబడడం లాంటివి)

5. ప్రధాన భోజనం మొదలు పెట్టె ముందు ఒక గ్లాసు మంచి నీళ్ళు లేదా ఒక చిన్న గిన్నెతో సూప్ లాంటివి తీసుకోండి. మీ ఆహారంతో నీరు తాగండి. దీని వల్ల కడుపు నిండిన భావన కలుగుతుంది.

6. ఆహరం నోటిలోకి తీసుకున్నాక, ఫోర్క్ ని క్రింద పెట్టేయండి. ఒక గుక్క నీళ్ళు తాగి, ఏదైనా సంభాషించండి. ప్రతి ముద్దనూ ఆస్వాదించండి, మళ్ళీ తిరిగి తినాలనిపించేలాంటి ఆనందకరమైన అనుభవంగా దాన్ని తయారు చేయండి. నింపాదిగా తినడం సారాంశం ఇది - మీరు ఎవరితో భోజనం చేస్తుంటారో వారితో తిరిగి సంబంధం కలిగి ఉండడానికి సంబంధించినది - మీ భోజనాన్ని మంచి విరామ సమయం గా పరిగణించండి.

7. మీ ఆహారం మీద శ్రద్ధ పెట్టి దాన్ని ఆస్వాదించండి. మీ మెదడు ఆ ఆనందకరమైన అనుభవాన్ని నమోదు చేస్తుంది - ఇక సాధనతో ఈ క్రొత్త తినే అలవాటు సాధారణం అయిపోతుంది. అంటే దీని అర్ధం టీవీ ముందు కూర్చుని తినకపోవడం కాదు, తింటూ చదవకపోవడం కాదు, తింటుండగా ఇంటర్నెట్ చూడకపోవడం కాదు. ఆహారం మీద పరధ్యాస వస్తే మీ ఆహరం విలువను తగ్గించినట్టే, పైగా మీరు తిన్నదాని కన్నా తక్కువ తిన్నారనుకునేలా అది మిమ్మల్ని ప్రోత్సహిస్తుంది.

8. మీ భోజనం చేయడానికి కనీసం 20నిమిషాలు కేటాయించండి. మీ తినే వేగాన్ని సరి చేసుకునేందుకు మీ భోజనం బల్ల ఎదురుగా కనపడేలా ఒక గోడ గడియారం ఉంచుకోండి - మీ చివరి ముద్దలు చాలా మెల్లిగా తినండి. 20 నిమిషాల తర్వాతా కూడా మీకు ఆకలిగా అనిపిస్తే, మీరు చాలా వేగంగా తింటున్నట్టే.

9. ఇలా చేసాక కూడా మీకు కొంచెం ఆకలి అనిపిస్తే, ఆగిపో౦డి. మరి కాసిని నీళ్ళు తాగండి. ఇక్కడే మీరు మరికాస్త సంకల్ప బలాన్ని వాడి మీ ప్రేరణను, చిత్రీకరణలను గుర్తు తెచ్చుకోవాలి. మరో అయిదు నిమిషాలలో, ఆహారం చాలా రుచిగా వున్నా మీరు ఇంక తినాలనుకోరు, ఎందుకంటే మీరు అప్పటికే తృప్తిగా, కడుపు నిండిన భావన కలిగి వుంటారు.