అన్నిరకాల జుట్టు సమస్యలకు హోం రెమడీస్

ప్రతి ఒక్కరికి వారి జీవిత కాలంలో ఏదో ఒక సమయంలో జుట్టు సమస్యను ఎదుర్కోక తప్పదు, కానీ జీవిత కాలం పూర్తిగా ఎల్లప్పుడు జుట్టు సమస్యలుటే ? మనం ఆలోచించడానికే ఎంతకష్టంగా ఉంటుంది. ఆరోగ్యకరమైన మరియు అందమైన జుట్టు ఉండట వల్ల అందాన్ని అదనపు ప్రయోజనం చేకూరుతుంది.

ఒక అందమైన అమ్మాయి మరియు సెక్సీ బాడీ కలిగి ఉండి, ఒక నిర్జీవమైన హెయిర్ కలిగి ఉంటే ఎలా ఉంటుందో ఇమ్యాజిన్ చేసుకోండి. అధిక సంఖ్యలో ప్రజలు మొదటి ప్రతికూల స్థానం కనుగొనేందుకు ప్రయత్నిస్తుంటారు.నిస్తేజంగా , ప్రాణములేని , పీల్చబడడం జుట్టు మరియు వివిధ రకాల ఇతర జుట్టు సమస్యలు నుండి రక్షణ పొందడానికి ఇక్కడ మేము కొన్ని చిట్కాలు ఇవ్వబడ్డాయి.

ఇవి మీకు మందంగా ,బలమైన జుట్టును పెంచుకోవడానికి ఒక్కడ కొన్ని మన వంటగది వస్తువులను అంధిస్తున్నాము. వీటిని ఉపయోగించడం వల్ల మందమైన , బలమైన మరియు మంచి ఆకారం ఉన్న కేశ సౌందర్యాన్ని మీరు సొంతచేసుకోగలరు.ఈ పద్దతుల వల్ల ఎటువంటి సైడ్ ఎఫెక్ట్ ఉండవు. అదే సమయంలో వీటి కరీదు కూడా తక్కువే.

వీటికోసం బ్యూటీపార్లర్ లో ఎక్కువ డబ్బు మరియు సమయం వెచ్చించక్కర్లేదు.ఈక్రింది ఇవ్వబడిన హెయిర్ ప్రొటక్షన్ పద్దతులను అనుసరించి, మీ జుట్టు లో ఒక అనుకూల మార్పును ఎలా తెలుసుకొస్తుందో పరిశీలించండి..

1 . హెయిర్ లాస్ (జుట్టు నష్టం) గృహ చికిత్స : హాట్ ఆయిల్ ట్రీట్మెంట్ కావలసినవి :ఏదైనా సహజ నూనె - ఆలివ్ నూనె , కనోలా కాయిల్ , కొబ్బరి నూనె లేదా ఆముదము నూనె విధానం : 1 . పైన ఇచ్చిన నూనెల్లో ఏదోఒకదానికి వేడి చేయాలి. దాంత నూనె వెచ్చగా అవుతుంది.

2 . మీ జుట్టుకి నిదానంగా మసాజ్ చేయాలి.

3 . తర్వాత ఒక రోజు రాత్రి అలాగే ఉంచాలి. లేదా ఒకటి రెండు గంటలు అలాగే ఉంచిత తర్వాత షాంపూతో తలస్నానం చేయాలి.

2. హోం రెమడీ: కొబ్బరి పాలు కావలసినవి :కొబ్బరి పాలు ( కొన్ని కొబ్బరి ముక్కలు గ్రైండ్ చేసి మరియు వాటిని పాలను పిండుకవాలి)
విధానం :1 . జుట్టుకు మరియు అన్ని జుట్టు మూలాల్లోకి ఇంకిపోయేలా కొబ్బరి పాలను అప్లై చేయాలి. 2 . 1-2 గంటల అలాగే వదిలి తర్వాత శుభ్రం చేసుకోవాలి.

3 . హోం రెమడీ 3: ఆవాలు మరియు హెన్నా ఆకులు
కావలసినవి :ఆవాల నూనెహెన్నా ఆకులు
విధానం :

1 . ఒక టిన్ బేసిన్ లో కొన్ని ఆవాల నూనె వేసి కాచుకోవాలి మరియు అందులో కరింటాకు ఆకులను చిన్నచిన్న ముక్కలుగా కట్ చేసి వేయాలి.

2 . తర్వాత ఈ నూనెను ఫిల్టర్ చేసుకోవాలి

3 . ఈ నూనెతో హెయిర్ కు రెగ్యులర్ మసాజ్ చేయడం వల్ల జుట్టు పెరుగుదలను ప్రోత్సహింస్తుంది.

4. జుట్టు సమస్య # 2 : అవాంఛిత రోమాల పెరుగుదల
గృహ చికిత్స : షుగర్ స్కీజర్ కావలసినవి :చక్కెరతాజా నిమ్మరసంనీరు
విధానం :1 . ఒక మిక్సింగ్ బౌల్లో, కొన్ని నీళ్ళు, తాజాగా పిండిన నిమ్మరసంలో కొద్దిగా పంచదార వేయాలి. ఈ మిశ్రమాన్ని బాగా మిక్స్ చేయాలి.
2 . ప్రభావితమైన ప్రాంతంలో ఈ పేస్ట్ ను అప్లై చేయాలి మరియు 15 నిమిషాలు అలాగే వదిలేయాలి.
3 . ప్రాంతం కొంత సేపు అలాగే రుద్దుతుండాలి. తర్వాత చల్లటి నీటితో బాగా శుభ్రం చేయాలి.

5. గృహ చికిత్స : శెనగపిండి విత్ పెరుగు

కావలసినవి :శెనగపిండిపసుపుపెరుగు
విధానం :1 . ఒక మిక్సింగ్ బౌల్లో కొద్దిగా శెనగపిండి మరియు పెరుగు, పసుపు వేసి పేస్ట్ చేసుకోవాలి.

2 . ప్రభావిత అయిన ప్రాంతంలో పేస్ట్ ను అప్లై చేసి అది తడి ఆరిపోయే వరకూ అలాగే ఉండాలి.

3 . కాసేపు తర్వాత ఈ ఎండిన పేస్ట్ ను బాగా రుద్ది, తర్వాత నిధానంగా శుభ్రం చేసుకోవాలి.

4 . ఒకసారి తలస్నానం చేసిన తర్వాత మాయిశ్చరైజర్ ను అప్లై చేయాలి.

6.జుట్టు సమస్య # 3 : గ్రే జుట్టు

గృహ చికిత్స : నిమ్మకాయ మరియు తేనె
కావలసినవి :పెద్ద నిమ్మపండుతేనె
విధానం :1 . తేనె మరియు నిమ్మ రెండూ సమానంగా తీసుకొని మిక్స్ చేయాలి
2 . ప్రభావిత అయిన ప్రాంతంలో దీన్ని అప్లై చేసి 10-15 నిమిషాలు అలాగే వదిలేయాలి.
3 . తర్వాత చల్లటి నీటితో తలస్నానం చేయాలి.

7. గృహ చికిత్స : కొబ్బరి నూనె మరియు నిమ్మ
కావలసినవి :కొబ్బరి నూనెపెద్ద నిమ్మపండు

విధానం :1 . కొబ్బరినూనెకు, కొద్దిగా నిమ్మరసం మిక్స్ చేసి, ఈ మిశ్రమాన్ని మీ తలకు బాగా పట్టించాలి.

2 . 10-15 నిమిషాలు అలాగే వదిలేయాలి

8. గృహ చికిత్స : ఉసిరి చేసే మ్యాజిక్
కావలసినవి :ఉసిరికాయ,కొబ్బరి నూనె
విధానం :1 . కొబ్బరి నూనెలో కొన్ని తాజా ఉసిరికాయ ముక్కలు వేసి బాగా ఉడికించాలి. అవి నల్లగా మారే వరకూ తక్కువ మంట మీద ఉడికించుకోవాలి.
2 . మీ నూనెను తలకు పట్టించి గంట, రెండు గంటల తర్వాత తలస్నానం చేసుకోవాలి.

9. గృహ చికిత్స : కరివేపాకు
కావలసినవి :తరిగిన కరివేపాకు,కొబ్బరి నూనె
విధానం :1 . 7-8 కరివేపాకు ఆకులను తీసుకొని, కొబ్బరి నూనెలో వేసి , మీడియం మంట మీద కాచుకోవాలి.
2 . తర్వాత ఈ నూనెను ఒక గిన్నెలోకి వడగట్టుకొని, గోరువెచ్చగా ఉన్నప్పుడే మీ తలకు అప్లై చేయాలి.
3 . 1 గంట తరువాత తలస్నానం చేసేసుకోవాలి .

10. జుట్టు సమస్య  4 : డ్రై మరియు నిస్తేజంగా ఉన్నజుట్టు
గృహ చికిత్స : బీర్
కావలసినవి :బీరు
విధానం :1 . మీరు తలస్నానానికి వెళ్ళే ముందు మీ వెంట కొద్దిగా బీర్ ను తీసుకెళ్ళండి, తలస్నానం పూర్తి అయిన ఒక మగ్గు నీటిలో బీర్ మిక్స్ చేసి తలారా పోసుకోవాలి.
2 . ఇది 5-7 నిమిషాలు అలాగే ఉండనివ్వాలి.
3 . తర్వాత తిరిగి జుట్టును మంచి నీళ్ళత శుభ్రం చేసి, జుట్టుకు మంచి కండీషనర్ ను అప్లై చేయాలి. 

11. గృహ చికిత్స : బేకింగ్ సోడా
కావలసినవి :నీరుబేకింగ్ సోడా
పద్ధతి:1 . బేకింగ్ సోడాలో కొద్దిగా నీళ్ళు మిక్స్ చేసి సాఫ్ట్ గా పేస్ట్ తయారుచేసుకోవాలి.
2 . తలస్నానం చేసేటప్పుడు, తడి జుట్టుకు ఈ పేస్ట్ ను అప్లై చేయాలి.
3 . తర్వాత చల్లటి నీటితో శుభ్రం చేసుకొని ఆ తర్వాత షాంపు చేసుకోవాలి.

12. జుట్టు సమస్య # 5 : చిక్కుబడే జుట్టు
గృహ చికిత్స : హనీ మరియు పాలు
కావలసినవి :తేనెపాలు
విధానం :1 . కొద్దిగా తేనె, కొన్ని చుక్కల పాలు మిక్స్ చేసి మీతలకు బాగా అప్లై చేయాలి .
2 . పూర్తిగా మీ తల మొత్తానికి అప్లై చేసి, మసాజ్ చేయాలి.
3 . తర్వాతా 10-20నిముషాలు అలాగే ఆరనివ్వాలి, తర్వాత చల్లటి నీటితో తలస్నానం చేసుకోవాలి.

13. గృహ చికిత్స : ఎగ్
కావలసినవి :గుడ్డు,నీరు
విధానం :1 . గుడ్డులోని పచ్చసొన నుండి ఎగ్ వైట్ ను వేరు చేయాలి.
2 . గ్రుడ్డులో ఉండే పచ్చ సొనకు కొద్దిగా నీరు మిక్స్ చేసి క్రీమ్ గా తయారయ్యే వరకూ గిలకొట్టాలి.
3 . తర్వాత ఈ మిశ్రమానికి ఎగ్ వైట్ ను మిక్స్ చేయాలి.
4 . ఇప్పుడు మీజుట్టును తడి చేసి, ఈ మిశ్రమాన్ని మీ తలకు అప్లై చేయాలి. అరగంట తర్వాత చల్లటి నీటితో శుభ్రం చేసుకోవాలి.

14. జుట్టు సమస్య  6 : జుట్టు చివర్లు చిట్లడం
గృహ చికిత్స : బొప్పాయి ప్యాక్
కావలసినవి :బొప్పాయి ,పెరుగు
విధానం :1 . సాదాపెరుగుకు, గింజలు, పొట్టు తొలగించిన బొప్పాయి ముక్కలను జోడించి ఒక మృదువైన పేస్ట్ గా తయారుచేయాలి .
2 . ఈ మిశ్రమాన్ని మీ తలకు పట్టించి 45 నిమిషాలు పాటు అలాగే ఉంచాలి.
3 . తర్వాత పూర్తిగా తలస్నానం చేసి శుభ్రం చేసుకోవాలి.

15. గృహ చికిత్స : అరటి , గుడ్డు మరియు తేనె
కావలసినవి :అరటి పండు,గుడ్డు,పాలు,తేనె
విధానం :1 . మిక్సింగ్ బౌల్ తీసుకొని అందులో అరటి , గుడ్డు , పాలు మరియు తేనె వేసి బాగా మిక్స్ చేయాలి.
2 . ఈ మిశ్రమాన్ని తలకు పట్టించి 30 నిమిషాలు అలాగే ఉండనివ్వాలి.
3 . అరగంట తర్వాత తేలికైన మన్నికైన షాంపుతో తలస్నానం చేసుకోవాలి.

16. గృహ చికిత్స : దాల్ ట్రీట్మెంట్
కావలసినవి :బ్లాక్ పప్పు ( కాయధాన్యాలు )మెంతులు,పెరుగు
విధానం :1 . ఉద్దిపప్పు మరియు మెంతులను మెత్తగా పొడి చేసుకోవాలి.
2 . తర్వాత ఈ పొడికి కొంచెం పెరుగు చేర్చి, మెత్తగా పేస్ట్ చేసు-కోవాలి .
3 . ఈ పేస్ట్ ను మీజుట్టుకు పట్టించి ఒక గంట అలాగే వదిలేయాలి.
4 . తేలికపాటి షాంపూతో తలస్నానం చేసుకోవాలి.

17. జుట్టు సమస్య   : చుండ్రు
గృహ చికిత్స : నిమ్మకాయ పీల్స్
కావలసినవి :నిమ్మకాయ పీల్స్
విధానం :1 . 3-4 నిమ్మకాయ యొక్క తొక్కలు తీసుకొని, 4-5కప్పులు నీళ్ళు పోసి, అందులో నిమ్మ తొక్కలు వేసి 15-20ఉడికించాలి.
2 . ఒకసారి అది చల్లబడిన తర్వాత , ఈ నీటితో తలను శుభ్రం చేసుకోండి. ఇలా వారానికి ఒకసారి చేస్తే చాలు మంచి ఫలితం ఉంటుంది.

18. గృహ చికిత్స : పెరుగు పరిష్కారం
కావలసినవి :పెరుగు
విధానం :1 . మీ జుట్టు కు కొంత పెరుగును తలమాడుకు మరియు కేశఆలకు అప్లై చేయాలి తర్వాత కనీసం ఒక గంట పాటు అలాగే ఉంచాలి
2 . తర్వాత ఒక తేలికపాటి షాంపూ తో తలస్నానం చేసుకోవాలి.

చిక్కు బడ్డ జుట్టుకు ఉత్తమ నివారణోపాయాలు !

సాంకేతిక పరిజ్ఞానంతో పాటు ఉరుకులు పరుగుల జీవితం అలవాటై పొయి... పూర్తిగా యాంత్రికంగా మనిషి బతికేస్తున్న క్రమంలో స్త్రీలు సైతం ఆర్ధిక కారణాల దృష్ట్యా ఉదోగం చేయాల్సి రావటంతో పట్టణ ప్రాంతాలలోనే కాదు గ్రామీణ ప్రాంతాల మహిలలు సైతం తమ శిరోజాల సంరక్షణకు కేటాయించే సమయం బాగా తక్కువై పోయింది.ప్రతి నిత్యం కురులకు నూనె కూడా రాసుకోలేని వారు కొందరైతే...

ట్రేండు, స్టైల్ అంటూ ఆధునికత పేరుతో కురుల సంరక్షణకి సమయాన్ని కేటాయించక ఎలా పడితే అలా అనేక రకాల రంగులలో ముంచెత్తుతుండటంతో వాటి కురులు చిట్లిపోవటం, కట్ అవ్వడం, రాలిపోవటం ప్రారంభించి చివరికి బట్ట తల కూడా వచ్చే అవకాశాలు బొలెడు ఉన్నాయి. అయితే మరి కొందరు కనీసం అప్పుడప్పుడు తలంటు కొని కేశ సంరక్షణ పట్ల శ్రద్ధ వహిస్తున్నా... వెంట్రుకలు రాలుట, చిక్కు తీసుకొనుట మొదలైన ప్రక్రియ లపైనే శ్రద్ధ వహిస్తుంటే... మరి కొందరు స్పాః ట్రీట్‌మెంట్‌ని ఆశ్రయించేందుకు మక్కువ చూపు తాన్నారు.

అయితే ఈ ప్రక్రియ ఎక్కువ ఖర్చుతో కూడుకున్నదే అయినా దానివలన పొందే ప్రయోజనం ఎక్కువకాలం ఉండదని... దాని కన్నా ఇంట్లో తీసుకునే సంరక్షణ చర్యలే కురులకు మేలు చేకూరుస్తాయని బ్యుటీషియన్లు సైతం అంగీకరి స్తున్నారు.

ముఖ్యంగా చిక్కుబడ్డ జుట్టు చూడటానికి నిర్జీవంగా మరియు అశుభ్రతతో కనిపిస్తుంది. హెయిర్ వాష్ చేసుకొన్న తర్వాత చిక్కుబడ్డ జుట్టును నిర్వహించడానికి చాలా కష్ట అవుతంది. అందుకు కెమికల్ ట్రీట్మెంట్లకు ఎంత డబ్బు ఖర్చుచేసిన ఫలితం మాత్రమే తాత్కాలికమే. కొన్ని సార్లు, జుట్టుకు తగినంత తేమ అందకపోవడం, హెయిర్ కేర్ తీసుకోకపపోవడం వల్ల హెయిర్ క్వాలిటీ తగ్గిపోతుంది. చిక్కుబడ్డ జుట్టు పొడిబారి, వికారంగా కనిపిస్తుంది. చిక్కుబడ్డ జుట్టును మ్యానేజ్ చేయాలంటే చాలా కష్టం. మీ జుట్టుకు తగినంత తేమఅంధించడానికి, నేచురల్ షైన్ పొందడానికి మరియు మెరుస్తుండాలంటే కొన్ని సాధారణ వంటగది వస్తువులు ఉపయోగపడుతాయి. మెయోనైజ్ బాగా సహాయపడుతుంది.
అవొకాడో, గుడ్డు, అరటిపండు వంటివి చిక్కుబడ్డ జుట్టును మ్యానేజ్ చేయవచ్చు. మరి చిట్కాలేంటో ఒక సారి పరిశీలిద్దాం..

1. అరటిపండు: అరపండును బాగా గుజ్జులా చేసి రెండు టీస్పూనులన బాదం, మరియు అవొకాడో ఆయిల్ వేసి బాగా మిక్స్ చేయాలి. ఈ మిశ్రమాన్ని మీజుట్టుకు బాగా పట్టించి 20-25నిముషాలు అలాగే ఉండనిచ్చి, తర్వాత కడిగేయాలి. దాంతో కేశాలు స్మూత్ గా మరియు మ్యానేజ్ బుల్ గా ఉంటాయి. మరియు మంచి నేచురల్ షైనింగ్ వస్తుంది.

2. పెరుగు: అనేక జుట్టు సమస్యలను నివారించడంలో అద్భుతంగా ఉపయోగపడే వస్తువు పెరుగు. జుట్టుకు పెరుగును అప్లై చేయడం వల్ల, పొడి జుట్టు, నిర్జీవం మరియు చిక్కు తొలగిపోతుంది. పెరుగును అలాగే అప్లై చేయండి లేదా ఇతర హెయిర్ ప్యాక్ లతో చేర్చి అప్లై చేయండి.

3. అవొకాడో: డ్రై హెయిర్ ను నివారించడానికి మరియు నేచురల్ గా మాయిశ్చరైజ్ చేయడానికి , అవొకాడో బాగా సహాయపడుతుంది. చిక్కు బడ్డ జుట్టును నివారిచడానికి అవొకాడోను మెత్తగా చేసి అందులో పెరుగు మిక్స్ చేసి వారంలో రెండు సార్లు అప్లై చేస్తే మంచి సాఫ్ట్ హెయిర్ పొందవచ్చు.

4. మయోనైజ్: ఇది ఒక మంచి నేచురల్ కండీషనర్. దీర్ఘకాలిక ఫలితాలను అంధించడంలో ఇది బాగా సహాయపడుతుంది. మోయోనైజ్ ను తలకు అప్లై చేసి, షవర్ క్యాప్ ను పెట్టుకోవాలి. అరగంట తర్వాత శుభ్రం చేసుకోవాలి.

5. నిమ్మరసం: నిమ్మరసం జుట్టును శుభ్రం పరచడంతో పాటు, జుట్టుకు పోషనను అంధిస్తుంది . మీ హెయిర్ మాస్క్ లలో కొద్దిగా నిమ్మరసం మిక్స్ చేయండి.

6. బీర్: ఇది ఒక నేచురల్ హెయిర్ కండీషనర్. ఇది జుట్టును సాఫ్ట్ గా చేస్తుంది. చిక్కుబడిన, పొడిబారిన జుట్టును బీర్ తో కడగడం వల్ల మంచి ఫలితం ఉంటుంది.

7. వెనిగర్: చిక్కును వదిలించుకోవడానికి ఇది మరొక ఉత్తమ మార్గం. వాటర్ తో పాటు, వెనిగర్ మిక్స్ చేసి తలను శుభ్రం చేసుకోవాలి . దాంతో జుట్టు సాఫ్ట్ గా మరియు మ్యానేజబుల్ గా ఉంటుంది.

8. తేనె: తేనెలో అనేక బ్యూటీ బెనిఫిట్స్ ఉన్నా . చిక్కుబడ్డ జుట్టును నివారించడానికి బెస్ట్ హోం రెమడీ తేనె . హెయిర్ మాస్క్ లలో మిక్స్ చేసి వేసుకోవడం వల్ల చిట్లిన జుట్టును కూడా నివారించుకోవచ్చు.

9. గుడ్లు: జుట్టు సాఫ్ట్ గా మరియు సిల్కీగా మారుతుంది. జుట్టు సంరక్షణకు గుడ్డు ఒక ఉత్త బ్యూటీ వస్తువు.

10. హాట్ ఆయిల్ మసాజ్: డ్రై అండ్ డల్ హెయిర్ నివారించడానికి ఒక ఉత్తమ పద్దతి హాట్ ఆయిల్ మసాజ్ . బాదం ఆయిల్ లేదా కొబ్బరి నూనెతో మాసాజ్ చేయండి.

హెయిర్ ఫాల్, చుండ్రు అనేక సమస్యలకు కాకరకాయ

జుట్టు సంరక్షణకు ఒక ఉత్తమ హోం రెమెడీ బిటర్ గార్డ్ (కాకర కాయ)జ్యూస్. కాకరకాయ ఆరోగ్యానికి ఎంతో మేలు చేస్తుందో మనందరికీ తెలిసిన విషయమే. ముఖ్యంగా మధుమేహగ్రస్తులకు చాలా మంచిది. అటువంటి కాకరకాయ చర్మం సంరక్షణకు మరియు శరీర సంరక్షణకు అనేక ప్రయోజనాలు చేకూర్చుతుంది.

అంతే కాదు, అనేక జుట్టు సమస్యలకు మంచి చికిత్సను అంధిస్తుంది. కాకరకాయ రసంతో హెయిర్ కేర్ ట్రీట్మెంట్ వల్ల జుట్టుకు ఒక మంచి షైనింగ్ మరియు కేశాలకు దీర్ఘాయువును అంధిస్తుంది. చేదుగా ఉండా ఈ కాకర కాయ కేశాలకు ఏవిధంగా సహాయపడుతుందని మీకు ఆశ్చర్యం కలగవచ్చు, అందుకే కొన్ని విషయాలను మీతో  పంచుకుంటోంది..జుట్టు సంరక్షణలో కాకరకాయను మీరు ఉపయోగించడానికి, మీరు ఖచ్చితంగా ఒక ఇంట్లో ఉండే ఒక నేచురల్ పదార్థంతో మిక్స్ చేయాలని గుర్తుంచుకోవాలి. చేదుగా ఉండే కూరగాయలను లేదా కూరగాయల రసాన్ని నేచురల్ పదార్థాలతో మిక్స్ చేసి, జుట్టుకు ప్యాక్ వేసుకొన్నప్పుడు, మీరు మరిన్ని అదనపు ప్రయోజనాలు పొందవచ్చు .

కాకరకాయ రసంలో అత్యధికంగా ప్రోటీలు కలిగి ఉంటాయి, ఇవి మీ జుట్టును స్ట్రాంగ్ గా ఉండేందుకు సహాయపడుతాయి. కాకరకాయ రసాన్ని ఇతర సహజ పదార్థాలతో మిక్స్ చేసి తలకు ప్యాక్ లా వేసుకొన్నప్పుడు, ఈ ప్యాక్ కనీసం ఒక గంట సేపు అలాగే ఉంచుకోవాలి. ఒక గంట తర్వాత తలస్నానం చేసుకోవాలి.జుట్టు సంరక్షణలో కాకరకాయ జ్యూస్ ఎలా ఉపయోగించాలి, ఏవిధంగా ఉపయోగపడుతుంది అని ఈ క్రింది స్లైడ్ ద్వారా తెలుసుకోండి. కాకరకాయ రసాన్ని ఉపయోగించి హెయిర్ ప్యాక్ వేసుకొని ఒక అద్భుతమైన విలాసవంతమైన జుట్టును సహజంగా పొందండి..

హెయిర్ ఫాల్ తగ్గించే కాకరకాయ రసం...

1. జుట్టుకు మంచి షైనింగ్: మీ జుట్టుకు నేచురల్ గా మంచి షైనింగ్ రావాలంటే, ఒక కప్పు తాజా కాకరకాయ రసంలో పెరుగు మిక్స్ చేసి మీ జుట్టుకు అప్లై చేయాలి. ఈ రెండు వస్తువులు మీ జుట్టుకు ఒక నేచురల్ మరియు బ్యూటిఫుల్ షైనింగ్ ను అంధిస్తాయి.

2. జుట్టు చివర్లు చిట్లడాన్ని నిరోధిస్తుంది: మీ జుట్టు చివర్లు చిట్లడంతో బాధపడుతుంటే, ఈ సమస్యను నివారించడం కోసం కాకరకాయ జ్యూస్ ను మీ జుట్టుకు అప్లై చేయాలి. కాకరకాయ రసం మీ జుట్టుకు అప్లై చేయడం వల్ల చిట్లడం తగ్గుతుంది మరియు తిరిగి సహజ జుట్టులా పెరుగుతుంది . జుట్టు చిట్లడాన్ని తగ్గించడం కోసం ఈ పద్దతిని వారానికి రెండు సార్లు ప్రయత్నించాలి.

3. చుండ్రు నివారణకు: ప్రస్తుత రోజుల్లో ఆహారం మరియు వాతావరణం, కాలుష్యం వల్ల చుండ్రు సాధారణ సమస్యగా మారుతోంది. కాకర కాయ రసంతో హెయిర్ ప్యాక్ వేసుకోవడం వల్ల చుండ్రు నివారించుకోవచ్చు. కాకరరసం మరియు జీలకర్రను మిక్స్ చేసి తలకు పట్టించడం ద్వారా ఒక నెలలోపు మీరు ఈ సమస్య నుండి బయటపడగలుగుతారు.

4. పొడి బారిన జుట్టు: పొడిబారిన జుట్టు మరీ దురదగా ఉంటుంది. దురదతో పాటు ఇతర హెయిర్ సమస్యలకు కూడా ఏర్పడుతాయి. ఈ పొడి జుట్టును నివారించడానికి, తాజాగా ఉండే ఒక కాకర కాయ ముక్కను తలమాడుకు బాగా రుద్దాలి. కాకరకాయ ముక్కతో తలలో సర్క్యులర్ మోషన్ లో మసాజ్ చేయడం వల్ల మంచి ఫలితం ఉంటుంది.

5. మొటిమల నివారణకు: స్లాప్ పింపుల్స్ (తలలో చిన్న చిన్న మెటిమలు)ఉండటం వల్ల తలలో అదనపు చెమటకు దారితీస్తుంది. కాబట్టి మీ తలను చాలా చల్లగా ఉంచుకోవాలి. కాకరకాయ, మరియు కీరదోస కాయ రెండూ మిక్స్ చేసి, మెత్తగా పేస్ట్ చేసి తలకు అప్లై చేయాలి. ఇది స్లాప్ పింపుల్స్ కు ఒక ఉత్తమ నివారినిగా పనిచేస్తుంది. ఇది మీ జుట్టుకు ఒక సున్నితత్వాన్ని కలిగిస్తుంది.

6. తలలో దురద: దరుదగా ఉండే తలకు ఇది ఒక బెస్ట్ హోం రెమడీ. ఈ కాకరకాయ జ్యూస్ ను అవొకాడో లేదా అరటిపండుతో మిక్స్ చేసి తలకు హెయిర్ ప్యాక్ లా వేసుకోవడం వల్ల మంచి ఫలితం ఉంటుంది. దురదను పోగొట్టుకోవడానికి వారానికి ఒకసారి అప్లై చేయాల్సిందే.

7. రెగ్యులర్ హెయిర్ కేర్ కోసం: మీ జుట్టు చాలా రఫ్ గా ఉన్నప్పుడు ఒక కప్పు కాకరకాయ రసంను తలకు పట్టించి అరగంట తర్వాత తలస్నానం చేసుకోవాలి. ఈ హోం రెమడీ మీ మీ జుట్టు నిర్మాణం చదును మరియు మృదువైన తయారుచేస్తుంది

8. తెల్ల జుట్టుకు: చిన్న వయస్సులో జుట్టు తెల్లబడటం ప్రస్తు రోజుల్లో ఎక్కువ మంది చూస్తున్నాం. ఈ సమస్యకు కాకరకాయ రసంతో చికిత్స అందించవచ్చు. తాగా ఉండే బిటర్ వెజిటేబుల్ రసాన్ని మీ తెల్ల జుట్టు మూలాలకు అప్లై చేయాలి. ఇలా ప్రతి 10రోజులకొకసారి చేయడం వల్ల తెల్ల వెంట్రుకల సమస్యను నివారిస్తుంది.

9. జిడ్డు గల జుట్టు: మీరు ఆయిల్ ఫుడ్స్ ఎక్కువగా తీసుకోవడం వల్ల జుట్టులో అదనపు ఆయిల్ ఏర్పడి కేశాలు జిడ్డుగా కనిపిస్తాయి. కాబట్టి మీ రెగ్యులర్ డైట్ లో ఆయిల్ కంటెంట్ తగ్గించుకుంటే తప్పని సరిగా తలలో జిడ్డును తొలగించుకోవచ్చు . కాకరకాయ రసంలో ఆపిల్ సైడర్ వెనిగర్ మిక్స్ చేసి తలకు అప్లై చేయడం వల్ల అదను నూనె తొలగిపోతుంది.

 

10. జుట్టు రాలడాన్ని తగ్గిస్తుంది: మీ దువ్వెను ఎక్కువగా వెంట్రుకలు ఊడి, చుట్టుకొన్నప్పుడు మీకు బాధగా అనిపిస్తుంది. చాలా మందిలో హెయిర్ లాస్ చాలా సాధారణ సమస్య. జుట్టు సమస్య నివారించుకోవడం కోసం కాకరకాయ జ్యూస్ లో కొద్దిగా పంచదార మిక్స్ చేసి, ఈ మిశ్రమాన్ని మీ జుట్టుకు అప్లై చేయాలి. ఇలా చేయడం వల్ల హెయిర్ ఫాల్ నేచురల్ గా తగ్గించుకోవచ్చు.

కార్తీక పౌర్ణమి

కార్తీకమాసము

కార్తీకమాసంతో సమానమైనమాసం, విష్ణువుతో సమానమైన దైవం, వేదంతో సమానమైన శాస్త్రం,గంగతో సమానమైన తీర్దం లేదని చెప్తారు. సూర్యుడు తులారాశిలోకి రాగానే కార్తీకమాసం ఆరంభమైంది.

పురాణ కాలంనుంచీ ఈ మాసం ఓ ప్రత్యేకతను సంతరించుకుంది.

హరిహరాదులకు ప్రీతిపాత్రమైన ఈ మాసంలో భక్తకోటి యావత్తూ కఠిన నిష్ఠతో చేపట్టే నోములకు ఎంతో ప్రాధాన్యం ఉంది. ఈ మాసంలో పాఢ్యమి, చవితి, పౌర్ణమి, చతుర్దశి, ఏకాదశి, ద్వాదశి తిధుల్లో శివ పార్వతుల అనుగ్రహం కోసం మహిళలు పూజలు చేస్తుంటారు. పట్టణాల్లోనే కాకుండా గ్రామాల్లో సైతం మహిళలు ఈ మాసంలో విశేష పూజలు జరుపుకుంటారు. శివ కేశవులకు అద్యంత ప్రియమైన ఈ మాసంలో ఆచరించవలసిన వ్రతాలు,చేయవలసిన దీపారాధనల గురించి….

కార్తీకమాసంలో ఆధ్యాత్మిక సాధనకు అత్యంత ప్రాముఖ్యత ఉంది. ఈ నెల మొత్తం తెల్లవారుజాముల నదీతీరంలోగాని, చెరువులు, కొలనులు, బావుల వద్ద స్నానం చేయాలి. స్నానానంతరం ఓం ప్రభాకరాయనమః, ఓం దివాకరాయమః, ఓం ప్రభాకరాయమః, ఓం అచ్చుతాయమః, ఓం నమో గోవిందాయనమః అనే నామాలను స్తుతిస్తూ సూర్యభగవానునికి ఆత్గ్యం పోయాలి. ఈ నెల మొత్తం ఇంటి ముందున్న ప్రధాన ద్వారానికి రెండువైపులా దీపాలను వెలిగించాలి.

ఉత్థాన ఏకాదశి

ఈ మాసంలో వచ్చే కార్తీకశుద్ధ ఏకాదశి ఎంతో వైశిష్ట్యం వుంది.ఈ రోజు శ్రీ మహాలక్ష్మికి వివాహం జరిగిన రోజుగా భావిస్తారు.దీన్నే కొన్ని ప్రాంతాల్లో ఉత్థాన ఏకాదశిగా పిలుస్తుంటారు. ఉత్థాన ఏకాదశినాడే దేవదానవులు పాలసముద్రాన్ని చిలికినట్టు పురాణాలు పేర్కొన్నాయి. ఈరోజు ఉపవాసం వుండి మరుసటిరోజు ద్వాదశి పారయణం చేస్తే ఎంతో మంచిది. ఈ కార్తీకమాసంలో ద్వాదశ జ్యోతిర్లింగాలుగా వున్న శివుడు అత్యంత వైబోవోపేతంగా పూజలందుకుంటారు ప్రధానంగా భక్తులు కార్తీకమాసంలో శివాలయానికి వెళ్ళి పార్వతీ-సమేత పరమేశ్వరునికి భస్మలేపనం, బిల్వపత్రాలు, అవిసే పూలతో పూలతో పూజలు చేస్తే కైలాస ప్రాప్తి కలుగుతుందని నమ్మిక.

కోరికలను తీర్చే దీపపు కాంతులు

పౌర్ణమిరోజు వేకువజామున గ్రామాల్లో చెరువులు లేదా నదుల్లో మహిళలు అరటిదొప్పలతో దీపాలను పెట్టి నీటిలోకి వదులుతుంటారు. ఈ సమయంలో కోరుకున్న కోర్కెలు నెరవేరతాయనే సంకల్పంతో వివాహం కాని యువతులు భక్తిశ్రద్ధలతో కార్తీకదీపాలను నదుల్లో వదులుతారు.

పూర్వం శౌనకాది మహర్షులతో కలిసి ఆశ్రమం నిర్మించుకుని నైమి శారణ్యంలో నివసిస్తున్న అదిగురువు సూత మహర్షి కార్తీకవ్రత మహత్మ్యం, దానిని ఆచరించే విధానం గురించి ఋషులకు బోధించాడు. ఇలాంటి వ్రతమే కావాలని పార్వతీదేవి కుడా ఈశ్వరుని ప్రార్థించినట్టు పురాణాలు చెబుతున్నాయి. బ్రహ్మదేవుడు నారదనికి, మహావిష్ణువు లక్ష్మిదేవికి ఈ వ్రతవిధానం చెప్పారు. దీని గురించి స్కందపురాణంలో కూడా వివరించడం విశేషం.

కార్తీక పౌర్ణమిరోజు రాత్రి 12 గంటలకు పాలలో చంద్రుడిని చూసి ఆ పాలను తాగితే ఎంతో ఆరోగ్యమని పండితులు చెబుతుంటారు. ఈ రోజు బ్రాహ్మీ సమయంలోనే తులసిని పూజిస్తారు. పౌర్ణమిరోజు ఆవు నెయ్యితో తడిపిన దారపువత్తుల దీపాలు వెలిగించి తులసికోట చుట్టూ పదకొండు ప్రదక్షిణలు చేసి పరమాన్నం నైవేద్యంగా పెట్టి 365 వత్తులతో హారతి ఇవాలి. నక్షత్రాలు కనుమరుగు కాకముందే ఈ పూజ చేస్తే చాలా మంచిది.

కార్తీక సోమవారాలు - నదీస్నానాలు

కార్తీకమాసం వచ్చిన వెంటనే నదీస్నానం అత్యంత ప్రధాన మైనదని భక్తులు నమ్ముతుంటారు. లోకరక్షకుడైన సూర్యభగవానుడు కార్తీకమాసంలో వేకువవేళల్లో తులారాశిలో సంచరిస్తున్నప్పుడు నదీ స్నానం చాలా మంచిదని ఋషులు పేర్కొన్నారు. మనఃకారకుడైన చంద్రుని ప్రభావం దేహంపైన, మనస్సుపైనా వుంటుంది. మానసిక దేహారోగ్యానికి కార్తీక మాసంలో కొంత ఇబ్బంది ఏర్పడుతుంది.


దీనిని నివారించడానికి ప్రతి సోమవారం లయకారకుడైన శివుడుని ధ్యానించాలనే ఉద్దేశంతో పూర్వం నుంచి ఈ అనవాయితీ కొనసాగుతోంది. ముఖ్యంగా కార్తీకమాసంలో శివభక్తితో శీతల స్నానమాచరించడం ఆరోగ్యనికి మంచిదని చెబుతారు. దీంతోపాటు ఈ నెలరోజులు భక్తులు సాత్వికాహారం పరి మితంగా తీసుకోవడం వల్ల కూడా ఆరోగ్యానికి మేలు చేకూరుతుందని చెప్పొచ్చు. ఈ మాసంలో ముక్ష్యంగా సోమవారాల్లో లక్షతులసి దళాలు లేదా బిల్వపత్రాలు, మారేడు దళాలతో గాని శివపూజ చేసిన భక్తులకు మహత్తరశక్తి కలుగుతుందని చెబుతారు.

కార్తీక పౌర్ణమి

కార్తీకమాసంలో వచ్చే పౌర్ణమికి విశిష్టత ఎక్కువ. కార్తీక పౌర్ణమినాడు నమక, చమక, మహాన్యాస ఏకాదశ రుద్రాభిషేకం చేస్తే శివుడు ప్రసన్నుడౌతాడని పురాణాలు చెబుతున్నాయి. కార్తీకపౌర్ణమి రోజు తులసికోటలో తులసి మొక్కతోపాటు ఉసిరికొమ్మ(కాయలతో) పెట్టి తులసి చెట్టుపక్కన రాధాకృష్ణుని విగ్రహాన్ని వుంచి పూజిస్తే యువతులు కోరుతున్న వ్యక్తి భర్తగా వస్తాడని ప్రతీతి. ఈ కార్తీకపౌర్ణమి రోజున ఉసిరికదానం చేయడం వల్ల దారిద్యం తొలగిపోతుంది. ఈ రోజు లలితాదేవిని సహస్రనామాలతో పూజిస్తే ఆ దేవి మనకు సకల ఐశ్వర్యాలు కలిగిస్తుంది. ఈ కార్తీకపౌర్ణమి రోజున దీపారాధన చేయడంవల్ల శివుని అనుగ్రహం కలుగుతుందని, ఆరిపోయిన దీపాన్ని వెలిగించినా పుణ్యం కలుగుతుందని పూర్వీకులు చెబుతుంటారు.

వనభోజనం

కార్తీకమాసం అంటేనే వనబోజనాల మాసం అని చెప్పుకోవచ్చు. ఉసరిచెట్టుక్రింద శ్రీ మహావిష్ణువుని ఫోటో పెట్టి పూజించడంతో పాటు అదే చెట్టుక్రింద సహబంతి భోజనాలు చేయాలి.

క్షీరాబ్ది ద్వాదశి:

అలాగే ఏకాదశి తర్వాత వచ్చే కార్తీక శుద్ధ ద్వాదశిని క్షీరాబ్ది ద్వాదశి అని అంటారు. ఏకాదశి నాడు విష్ణుమూర్తి క్షీర సాగరం నుంచి బయలుదేరి వచ్చి తనకెంతో ప్రియురాలైన తులసి ఉండే బృందావనంలో ద్వాదశి నాడు ప్రవేశిస్తాడు. ఆ కారణం చేతనే ఈ రోజున తులసి దగ్గర విశేష పూజలు జరుపుతుండటం ఆచారంగా వస్తోంది. ఈ ద్వాదశినే మధన ద్వాదశి అని కూడా అంటారు.

దేవ దానవులు సముద్రాన్ని మధించింది.. కార్తీక శుద్ధ ద్వాదశి నాడని, దానికి గుర్తుగానే ఈ ద్వాదశిని జరుపుకోవడం ఆచారమైందని పెద్దలంటారు. ఈ రోజున కడలిలో శయనించిన విష్ణువు కార్తీక శుద్ధ ద్వాదశినాడు, లక్ష్మీ, బ్రహ్మలాంటి దేవతలందరితో కలిసి తులసి దగ్గరకు వస్తాడు. ఆ రోజున సూర్యాస్తమం తర్వాత తులసిని, విష్ణువును పూజించిన దానాది కార్యక్రమాలు చేసే వారికి కేశవుని అనుగ్రహం లభిస్తుందని విశ్వాసం. ఇంకా దీపదానం చేసేవారికి అష్టైశ్వర్యాలు చేకూరుతాయని పండితులు అంటున్నారు.

ఇంకా కార్తీక ద్వాదశి రోజున తులసిని పూజించడం ద్వారా ఎన్నో రకాల వ్యాధుల నుంచి దూరం కావచ్చు. ఈ రోజున కొన్ని తులసి దళాలను నములుతూ ఉంటే రోగ నిరోధక శక్తి పెరుగుతుంది. అందుచేత కార్తీక శుద్ధ ఏకాదశి, ద్వాదశి రోజుల్లో శివ, విష్ణువులతో పాటు తులసీ కోటను కూడా పూజించేవారికి ఈతిబాధలు తొలగి, సకల సంతోషాలు చేకూరుతాయని విశ్వాసం. ఇంకా ఈ రోజుల్లో శైవ, వైష్ణవ క్షేత్రాలను దర్శించుకునే వారికి అనుకున్న కార్యాలు సిద్ధిస్తాయని పురోహితులు చెబుతున్నారు.

కార్తీకమాస వ్రతాలు

కేదారేశ్వర వ్రతం

చంద్రుడు కృత్తిక నక్షత్రంతో కలిసి వున్నరోజు కార్తీక పౌర్ణమి వస్తుంది. ఈ పర్వదినాన నోము నోచుకునే ఇంట కేదారేశ్వరునికి మర్రి చెట్టు ఊడలను తోరణాలుగా, మర్రిపండ్లను బూరెలుగా, మర్రి ఆకులును విస్తర్లుగా పెట్టి పూజలు చేయడం పురాతనకాలం నుంచి సంప్రదాయంగా వస్తోంది. మహిళలు, పురుషులనే భేదం లేకుండా ఈ రోజు ఇంటిల్లి పాది కఠోర ఉపవాసాలుండి శివుడిని ధ్యానిస్తారు. నోములు నోచు కుంటారు. ఈ నోము నోచుకున్నవారికి సిరిసంపదలకు, అన్నవస్తాలకు లోటుండదని భక్తులకు అపారమైన నమ్మకం. పవిత్ర మనస్సులతో పరిశుభ్రమైన నీరు, ఆవుపాలు, చెరుకు, కొబ్బరికాయలు, తమలపాకులు, పువ్వులతో పూజలు చేసి కర్పూర నీరాజనం చేస్తారు. అనంతరం నక్షత్రదర్శనం చేసుకుని స్వామికి నివేదించిన వాటినే ప్రసాదంగా తీసుకుంటారు.

అఖండమాస సౌభాగ్యవ్రతం

వివాహితులు ఈ అఖండ సౌ భాగ్యాలను చేస్తారు. భర్త కలకాలం ఆయురారోగ్యాలతో ఉండాలంటూ చంద్రునికి ఆద్యం ఇచ్చి వ్రతాన్ని పూర్తి చేస్తారు. కార్తీక చతుర్థశి నాడు చేసే ఈ వ్రతంలో స్త్రీలు శివపార్వతులను కార్తీకేయుని,గౌరీదేవిని పూజించాలి. పాండవులు వనవాసం చేసే రోజులలో అర్జనుడు ఇంద్రనీలాద్రిపై తపస్సుచేయడానికి వెళ్లాడు.ఎంతకాలమైన తిరిగి రాలేదు. అర్జనుడు రాకపోవడానికి కారణాలు తెలిపాక ద్రౌపతి ఎంతో బాధపడింది. అర్జనుడు తిరిగి రావాలంటే సౌబాగ్యవ్రతం చేయాలంటూ కృష్ణుడు ద్రౌపదికి ఈ వ్రతమహాత్యం,వ్రతవిధానం వివరించాడు.

గోవత్స ద్వాదశి ఉత్సవం

ఈ మాసంలో వచ్చే కృష్ణ ద్వాదశిన గోవత్స ద్వాదశి అంటారు. ఆ రోజు వ్రతం చేసుకునే వారు తెల్లవారుజామున లేచి నదీస్నానం చేయాలి. రోజుమొత్తంమీద ఒక్కపూట భోజనం చేయాలి. దూడతో కూడిన ఆవును పూజిస్తారు.

గోత్రి రాత్రీ వ్రతం

ఈ వ్రతాన్ని కార్తీక కృష్ణాత్రయోదశనుండి అమవాస్య వరకు చేస్తారు. గోవర్దునికి రెండు వైపుల రుక్ష్మిణి, సత్యభామలు, బాలచంద్రడు, యశోద తదితర ఫోటోలు పెట్టి పూజించి, తదుపరి గోమాతను పూజంచాలి. తెల్లవారుజామున లేచి స్నానంచేసి గాయిత్రిమంత్రంతో 110 పిడికిళ్లు నువ్వులను ఆహుతిఇచ్చి వ్రతాన్ని పూర్తిచేయాలి.

లక్ష్మి దేవి గురించి......................

 

దీప్తులు చిందించే దీపావళి

శ్రీకృష్ణుడు సత్యభామ సమేతంగా నరకాసురుని చంపిన తర్వాతి రోజు, ఆ రాక్షసుని పీడ విరగడైందన్న సంతోషంతో దీపావళి జరుపుకునే సంప్రదాయం వచ్చింది. శ్రీరాముడు, రావణాసురుని అంతం చేసి, సేతమ్మను తీసుకుని, అయోధ్యకు వచ్చిన సందర్భంగా దీపావళి జరుపుకునే ఆచారం నెలకొందని చెప్పే కథనాలు కూడా ఉన్నాయి. మొత్తానికి చెడును రూపుమాపి, మంచిని మిగిల్చిన సందర్భంగా, సంతోష చిహ్నంగా చీకటిని పారదోలుతూ దీపాలను వెలిగించి, విజయసూచకంగా టపాసులు మోగించే ఆచారం ఏర్పడింది.

హిందువుల ప్రముఖ పండుగల్లో దీపావళి ఒకటి. దీపావళి అంటే దీపాల వరుస అని అర్ధం. దీపం దీప్తినిస్తుంది. చైతన్యాన్ని ప్రతిఫలిస్తుంది. మనదేశ సంస్కృతికి అద్దం పడుతుంది. దీపావళి పండుగ ఆశ్వయుజ అమావాస్య నాడు వస్తుంది. అంతకుముందు రోజు నరక చతుర్దశి. వ్యాపారులు దీపావళి పర్వదినాన్ని నూతన సంవత్సరంగా భావిస్తారు. లక్ష్మీదేవికి పూజ చేసి కొత్త ఖాతా పుస్తకాలు తెరుస్తారు.

 

మనం రోజూ పూజలో దీపం వెలిగిస్తాం. పండుగలు, విశేష దినాల్లో తప్పనిసరిగా దీపారాధన ఉంటుంది. దీపం పరబ్రహ్మ స్వరూపం. అంత అపురూపమైన దీపాల పండుగ దీపావళి. దీపావళితో మొదలుపెట్టి, కార్తీకమాసం అంతా దీపాలు వెలిగించే సంప్రదాయం ఉంది. ఈ నెల అంతా సంధ్యాసమయంలో దీపాలు వెలిగించి, ఇంటి ముంగిట పెడతారు. కనీసం ఒక్క దీపాన్ని అయినా తులసికోట ముందు ఉంచితే మంచిదంటారు.

అమావాస్య నాడు చనిపోయిన పితృదేవతలకు తర్పణం విడిచే సంప్రదాయం ఉంది. ఆ ప్రకారం పురుషులు జలతర్పణం విడుస్తారు. దీపావళి రోజున కుటుంబసభ్యులందరూ తలంటు స్నానం చేసి, కొత్తబట్టలు ధరిస్తారు. ఇళ్ళముందు రంగవల్లులు తీర్చిదిద్దుతారు. గుమ్మాలకు పసుపు, కుంకుమలు రాస్తారు. మావిడాకులు, బంతిపూలతో తోరణాలు కడతారు. నైవేద్యానికి ప్రసాదాలను, పిండివంటలను సిద్ధం చేసుకుంటారు. ఆనక లక్ష్మీదేవి పూజకు సంసిద్ధమౌతారు.

దీపావళి రోజున మహాలక్ష్మి పూజ చేస్తారు. ఈ పూజ చేయడం వెనుక ఉన్న పురాణ కథనం ఏమిటో చూద్దాం. పూర్వం దూర్వాసముని దేవేంద్రుడు ఇచ్చిన ఆతిథ్యానికి సంతోషించి ఒక మహిమ గల హారాన్ని ప్రసాదించాడు. కానీ, దేవేంద్రునికి దాని గొప్పతనం తెలీక, తన ఐరావతం మెడలో వేశాడు. ఆ ఏనుగు కాస్తా హారాన్ని కాళ్ళతో తోక్కేసేంది. ఫలితంగా దేవేంద్రుడు రాజ్యాన్ని కోల్పోయి దీనమైన స్థితిలో పడ్డాడు. శ్రీహరిని ప్రార్ధించగా ''ఒక దీపాన్ని వెలిగించి, ఆ దీపజ్యోతిని లక్ష్మీదేవి స్వరూపంగా భావిస్తూ, భక్తిగా పూజించమని'' పరిహారం చెప్పాడు. దేవేంద్రుడు అలాగే చేశాడు. దాంతో లక్ష్మీదేవి కరుణ చూపి, ఇంద్రునికి తిరిగి దేవలోక ఆధిపత్యాన్ని, సర్వ సంపదలను అనుగ్రహించింది.

తనను అనుగ్రహించిన లక్ష్మీదేవిని ఉద్దేశించి, దేవేంద్రుడు ''తల్లీ, సామాన్యులు నిన్ను ప్రసన్నం చేసుకోవాలంటే ఏం చేయాలమ్మా?” అనడిగాడు.

 

అప్పుడు లక్ష్మీదేవి ''నన్ను త్రికరణశుద్ధిగా ఆరాధించే భక్తులకు ఎన్నడూ, ఏ లోటూ ఉండదు. దీపం వెలిగించి, ప్రార్ధించే భక్తులకు అష్ట ఐశ్వర్యాలను ప్రసాదిస్తాను'' అని బదులిచ్చింది. అప్పటినుంచీ దీపంలో లక్ష్మీదేవి రూపాన్ని దర్శించుకోవడం ఆనవాయితీగా మారింది. ముఖ్యంగా దీపావళి రోజున లక్ష్మీదేవిని ఆరాధించే ఆచారం ఏర్పడింది.

 

దీపావళి రోజున సాయంసంధ్య వేళ నువ్వుల నూనెతో దీపాలు వెలిగించి దీపలక్ష్మికి నమస్కరించుకుంటారు. ఆనక దీపాలను తులసికోట వద్ద, వాకిట్లో ఉంచుతారు. రెండు దీపాలకు తక్కువ లేకుండా కొందరు అనేక దీపాలతో స్వర్గాన్ని తలపించేలా అలంకరిస్తారు.

ఇక సాయంత్రం అయ్యేసరికి బాణాసంచా కాల్చడం మొదలౌతుంది. పిల్లలు, పెద్దలు అందరూ కాకరపూవొత్తులు, మతాబులు, చిచ్చుబుడ్డులు, భూచక్రాలు, విష్ణుచక్రాలు, తారాజువ్వలు, రకరకాల టపాకాయలు కాలుస్తూ సంబరం చేసుకుంటారు.

 

దీపావళి పండుగ వెనుక శాస్త్రీయ కారణాలు కూడా ఉన్నాయి. అప్పటివరకూ వర్షాలు పడి ఉంటాయి కనుక వాతావరణంలో రకరకాల క్రిములు వృద్ధి చెందివుంటాయి. వాటిని నాశనం చేసి, మనకు మేలు చేస్తుంది ఈ పండుగ. దీపాలు చీకటిని పారదోలుతాయి. టపాసులు క్రిమికీటకాలను సంహరిస్తాయి. మతాబుల్లోంచి వచ్చే పొగ దోమలు మొదలైనవాటిని మట్టుపెడుతుంది.

 

దీపావళి సందర్భంగా పరస్పరం శుభాకాంక్షలు తెలియజేసుకుంటారు. ఒకరికొకరు గ్రీటింగులు, కానుకలు ఇచ్చుకుంటారు. బంధుమిత్రులతో కలిసి పిండివంటలు తింటూ, ప్రేమగా కబుర్లు చెప్పుకుంటారు. దీపావళి హిందువుల పండుగే అయినప్పటికీ ప్రపంచవ్యాప్తంగా ఎందరెందరో ఈ పండుగను వేడుక చేసుకుంటున్నారు.

నరక చతుర్దశి

ఆశ్వయుజ బహుళ చతుర్దశినే నరక చతుర్దశి అంటాం. ఈ నరక చతుర్దశి తర్వాతి రోజే దీపావళి. తెలుగు పండుగల్లో నరక చతుర్దశి, దీపావళి ప్రముఖమైనవి. హిరణ్యాక్షుడు, బకాసురుడు తదితర రాక్షసుల్లాగే నరకాసురుడు దేవ, మానవ లోకాల్లో సంక్షోభం కలిగించాడు. నరకాసురుడు వరాహస్వామి, భూదేవిల సంతానం. నరకాసురుని విష్ణుమూర్తి చంపకూడదని, తన కొడుకు తన చేతిలోనే మరణించాలని, ఎంత లోక కంటకుడు అయినప్పటికీ తన కొడుకు నరకాసురుని పేరు శాశ్వతంగా నిలిచిపోవాలని వరం పొందుతుంది భూదేవి. ఆ వరాన్ని అనుసరించి, భూదేవి, ద్వాపరయుగంలో సత్యభామగా జన్మించింది.

 

దేవేంద్రుడు శ్రీకృష్ణునికి నరకాసురుని అకృత్యాలను వివరించాడు. దాంతో శ్రీకృష్ణుడు ఆ అసురుని హతమార్చేందుకు బయల్దేరాడు.

 

ఇదంతా చూసిన సత్యభామ ఆ దుష్టున్ని తానే వధిస్తాను అంది. శ్రీకృష్ణుడు వద్దని వారించినా ఆమె తన పట్టు విడవలేదు. గరుడ వాహనాన్ని అధిరోహించి శ్రీకృష్ణునితో కలిసి రణరంగానికి వెళ్ళింది. చాకచక్యంగా బాణాలు వేసి శత్రుసైన్యాన్ని మట్టి కరిపించింది. గతంలో పొందిన వరాలను అనుసరించి, చివరికి భూదేవి అంశ అయిన సత్యభామ చేతిలోనే మరణించాడు నరకాసురుడు. అలాగే నరకాసురుని వధించిన రోజు ''నరక చతుర్దశి'' అయింది. అలా నరకాసురుని పేరు శాశ్వతంగా నిలిచిపోయింది.

 

దేవ, మానవులను పీడించే నరకాసురుని బాధ తొలగిపోవడంతో ఆ మరుసటి రోజు, అంటే ఆశ్వయుజ అమావాస్య నాడు అందరూ ఆనందంగా దీపాలు వెలిగించి, పరవశంగా టపాసులు కాల్చారు. అదే దీపావళి పండుగ.

 

-

శుక్రవారం మహిళలు అమ్మవారిని ఎలా పూజించాలి

శుక్రవారం మహిళలు అమ్మవారిని దర్శించుకోవడం ద్వారా సకల సంపదలు చేకూరుతాయని పురోహితులు అంటున్నారు.
శుక్రవారం పూట లక్ష్మీదేవిని పూజించడం లేదా ఏదైనా అమ్మవారి ఆలయానికి చేరుకుని నేతితో దీపమెలిగించడం ద్వారా దీర్ఘ సుమంగళీ ప్రాప్తం లభిస్తుంది.
ఇంకా ఈతిబాధలు తొలగిపోవడం, అనుకున్న కార్యాలు దిగ్విజయంగా పూర్తికావడం వంటి శుభ ఫలితాలు ప్రాప్తిస్తాయి.


ఇంకా శుక్రవారం నాడు అమ్మవారి ఆలయ దర్శనం గావించి అమ్మవారికి తెల్లపువ్వులు సమర్పించడంతో గృహంలో ప్రశాంతత నెలకొంటుందని విశ్వాసం.
ప్రతి శుక్రవారం ఇలా చేస్తే ఆ కుటుంబమంతా సుఖసంతోషాలతో, ప్రశాంతతతో ఉంటుందని పండితులు అంటున్నారు. 
ఇకపోతే.. ధవళ వర్ణ వస్త్రాలు ధరించడం, అరటి పండు జ్యూస్ తాగడం లేదా అరటి పండు తినడం ఆరోగ్యానికి ఎంతో మంచిదని పురోహితులు చెబుతున్నారు.
శుక్రవారం రోజున పాలుతో చేసిన పాయసం తాగడం ఆరోగ్యానికి శ్రేయస్కరం.
అలాగే మహిళలు తెల్లటి పువ్వులను శిరమునందు ధరించడం ద్వారా శుభఫలితాలు చేకూరుతాయని పండితులు సూచిస్తున్నారు.


శుక్రవారం పూట ఆలయాలను సందర్శించుకోవడం ద్వారా సుఖసంతోషాలు చేకూరుతాయి. శుక్రవారాల్లో చేసే పూజల ద్వారా అష్టైశ్వర్యాలు లభించడంతో పాటు ఈతిబాధలు తొలగిపోతాయని విశ్వాసం. అలాంటి మహిమాన్వితమైన శుక్రవారం పూట ఆలయాలకు వెళ్లే మహిళలు ఎలా వెళ్లాలంటే..?

దేవాలయాలను సందర్శించుకునే మహిళలు, కన్యలు సంప్రదాయ దుస్తులను ధరించాలి. చీరలు, లంగా ఓణీలు వంటి ధరించాలి. నుదుట కుంకుమ రంగుతో కూడిన బొట్టు పెట్టుకోవాలి.
ఆలయాల్లో ఇచ్చే పసుపు కుంకుమలను నుదుట కుంకుమ కింద పెట్టడం, విభూతిని నుదుట బొట్టుకు పైన పెట్టడం చేయాలి. విగ్రహాలకు కర్పూరం వెలిగించేటప్పుడు ఆలయాల్లోని దీపాల వెలుగు నుంచో లేదా ఇతరుల వద్ద అగ్గిపెట్టెలను అప్పు తీసుకుని దీపమెలిగించడం కూడదు. ఇలా చేస్తే మీకు కలగాల్సిన శుభ ఫలితాలు ఇతరులకు చేరుతుందని పురోహితులు చెబుతున్నారు.


ఇక శుక్రవారం ఉదాహరణకు విఘ్నేశ్వరునికి ఆలయానికి వెళ్తున్నారంటే.. గరిక మాలతో తీసుకెళ్లండి. గరికమాలను వినాయకునికి ప్రతిశుక్రవారం సమర్పిస్తే.. కోరిన కోరికలు నెరవేరుతాయని నమ్మకం.
అలాగే శివాలయానికి వెళ్లేవారు బిల్వపత్రాలను తీసుకెళ్లడం ద్వారా ఈతిబాధలు తొలగిపోయి, సర్వ శుభాలు చేకూరుతాయి.
ఇదేవిధంగా విష్ణుమూర్తి ఆలయాన్ని శుక్రవారం సందర్శించుకునే భక్తులు తులసీ మాలతో వెళ్లండి.
అలాగే ఆంజనేయస్వామిని దర్శించుకునే వారు వెన్నముద్దతో వెళ్లడం ద్వారా వ్యాపారాభివృద్ధి కలుగుతుంది. అదేవిధంగా దుర్గమ్మతల్లిని శుక్రవారం దర్శించుకునే మహిళలు పసుపు, తెలుపు, ఎరుపు రంగుల్లో గల పువ్వులను సమర్పించుకుంటే సర్వసుఖసంతోషాలు చేకూరుతాయి.
ఈతిబాధలు తొలగిపోయి అష్టైశ్వర్యాలు చేకూరుతాయని పురోహితులు అంటున్నారు.

సాధారణంగా దీపారాదనలో తెలియకుండా చేసే పొరపాట్లు ఏమిటి? -

స్టీలు కుందుల్లో దీపారాధన చేయరాదు.
   అగ్గిపుల్లతో దీపాన్ని  వెలిగించరాదు.
  ఒకవత్తి దీపాన్ని  చేయరాదు. ఏక వత్తి శవం వద్ద వెలిగిస్తారు.
   దీపాన్ని అగరవత్తితో వెలిగించాలి.    
దీపారాధన మూడు చోట్ల కుంకుమ పెట్టి అక్షితలు వేయాలి.
  విష్ణువుకు కుడివైపు  ఉంచాలి. ఎదురుగా దీపాన్ని ఉంచరాదు.
  దీపం కొండెక్కితే  “ఓమ్  నమః  శివాయ ” అని 108 సార్లు జపించి దీపం వెలిగించాలి. ప్రమిద లేక కుండీలో రెండు వత్తులు వేసి దీపం వెలిగించడం శుభసూచకం. ఒకటి జీవాత్మ, రెండోది పరమాత్మా.

శవం తల వెనుక,శ్రాద్దకర్మలప్పుడు ఒకే వత్తి వెలిగిస్తారు. అంటే జీవుడు పరమాత్మలో కలిశాడని అర్ధం ఇక దీపారాధనలో నూనె శనికి ప్రతినిధి.
దీపం సూర్యునికి ప్రతీక, మనకు, మన ఇంటికీ వుండే దోషాల నివారణార్ధం మనకు  వెలుగు (తెజస్సు ) కలగాలని, నూనె హరించినట్లే మన కష్టాలు హరించి, వెలుగు రావాలని దీపారాధన ప్రధాన ఉదేశ్యం.

* సూర్యాస్తమయం నుంచి సూర్యోదయందాకా, దీపమున్న  ఇంటిలో, దారిద్ర్యముండదు.

* దీపాలు తూర్పుముఖంగా వుంటే ఆయువు పెరుగుతుంది.
* ఉత్తరదిశ ముఖంగా వుంటే అన్ని విధాలా ధనాభివృద్ధి కలుగుతుంది.
* నాలుగు దిక్కులలో ఒకేసారి దీపాలు పెడితే ఏ దోషము వుండదు.
* మంచి పత్తితో చేసిన దేవునికి దీపారాధన చేస్తే ఇంట్లో గల పితృదేవతలకు దోషాలు తొలగిపోతాయి.
* తామర తూడులతో వత్తులు చేసి స్వామివారికి దీపారాధన చేస్తే శ్రీ మహాలక్ష్మి అనుగ్రహం కలిగి అప్పుల బాధ తొలగిపోతుంది.
* అరటినార వత్తులతో దీపారాధన చేస్తే ఆ ఇంట్లో మంచి సంతానం కలుగుతుంది.
* జిల్లేడు వత్తులతో దీపారాధన చేయడం వలన శ్రీ గణపతి అనుగ్రహం కలుగుతుంది. అధిక సంపద కలిగి దుష్టశక్తుల పీడ తొలగిపోతుంది.
* పసుపురంగు బట్టలతో దీపారాధన చేయడం వలన జఠర, ఉదర వ్యాధుల, కామెర్ల రోగం తగ్గుతాయి.
* కుంకుమ నీటితో, దానిలో తడిపిన బట్టలతో చేసిన వత్తులతో దీపారాధన చేయడం వలన వైవాహిక చింతలు తొలగిపోతాయి. ఇంటిపై మాంత్రిక శక్తులు ఏమీ పనిచేయవు.
* సంతాన గోపాలస్వామికి దీపారాధన చేస్తే అనుగ్రహంతో సంతానం కలుగుతుంది.
* వత్తులను పన్నీటిలో అద్ది నేతితో దీపారాధన చేయడం వలన శ్రీ మహాలక్ష్మిదేవి అనుగ్రహం ఉంటుంది.  

దీపావళి రోజు లక్ష్మీ గణపతుల పూజ ప్రాముఖ్యత ఏంటి

భారతీయ సంస్కృతికి ప్రతిబింబాలుగా వెలుగొందేవి భారతీయ పండుగలు. వాటిలో ఆనంద ఉత్సాహాలతో జాతి, కుల, మత, వర్గ విభేదాలను విస్మరించి సమైక్యంగా జరుపుకునే పండుగే దివ్యదీప్తుల దీపావళి. జగతిని జాగృతం చేసే చైతన్య దీప్తుల శోభావళి. నరకాసురుడనే రాక్షసుడిని సంహరించిన మరుసటి రోజు అతడి పీడ వదిలిన ఆనందంలో ప్రజలు దీపావళి చేసుకుంటారని పురాణాలు చెబుతున్నాయి.

దీపావళి అంటే దీపాల వరుస అని అర్ధం. దీపమాలికలతో లక్ష్మీదేవికి నీరాజనమిచ్చే రోజు కావడం చేత దీనికి దీపావళి అని పేరొచ్చింది. ఆశ్వయుజ అమావాస్య రోజున దీపావళి పండుగ జరుపుకుంటాం. లక్ష్మీ పూజ లేదా దీనినే ఐశ్వర్యాన్ని సంపదలను ఇచ్చే మాత లేదా అమ్మవారి పూజ అంటారు.



ఉత్తర భారత దేశమైనా లేక దక్షిణ భారతదేశమైనప్పటికి దీపావళి పండుగ కార్యక్రమాలలో లక్ష్మీ పూజ ప్రధానమైంది. లక్ష్మీ దేవి చల్లని చూపు తమపై ప్రసరించాలని కోరుతూ, ప్రతి ఇంట్లోను పండుగనాడు స్త్రీలు, పురుషులు, పిల్లలు, పెద్దలు అందరూ అట్టహాసంగా ఆ మాత కు పూజలు చేసి ఆశీర్వాదాలు కోరతారు.

మాత లక్ష్మీదేవికి అత్యంత ఇష్టమైన వాటిలో చక్కటి శుభ్రత ఒకటి. శుభ్రంగా కళ కళ లాడే ఇంటిని ఆ మాత మొట్టమొదటే అడుగిడుతుందన్న నమ్మకంతో ప్రతి ఇల్లు ఈ రోజు ఎంతో శుభ్రతతో, వివిధ రకాల ముగ్గులతో, దీపాలతో, పూలతో అలంకరిస్తారు.




 శుభ్రతకు చిహ్నమైన చీపురు కట్టకు పసుపు, కుంకుమలు పెట్టి ఈ రోజున పూజిస్తారు.

అమ్మవారు తాము పెట్టిన దీపాల వెంట రావాలని కోరుతూ సాయంత్రమయ్యే సరికి ప్రమిదల దీపాలు, లేదంటే, రంగురంగుల బల్బులు కల తోరణాలను ఇంటికి కట్టి అలంకరణలు చేస్తారు.



ఇక దీపావళి పూజ ఎలా చేస్తారు?

పూజలో ప్రధానంగా వినాయకుడిని, మాత లక్ష్మీ దేవిని పూజిస్తారు. ఏ పూజ చేసినా విఘ్నఅధిపతి అయిన వినాయకుడిని ముందుగా పూజించాలి.
దీని తర్వాత లక్ష్మీ దేవిని ఆమె మూడు రూపాలయిన లక్ష్మీ, సరస్వతి, మహా కాళి, రూపాలలో పూజిస్తారు. వీరితో పాటు ధనాగారాలకు అధిపతి అయిన కుబేరుడిని కూడా పూజిస్తారు.రతి హైందవ గృహంలోనూ లక్ష్మీ దేవి రూపం వుంటుంది.
విడిగా, విష్టుసమేతంగా లక్ష్మీదేవికి నిత్య పూజలు నిర్వహించడం కద్దు. దీపావళి పండుగనాడు ఆమెకు ప్రత్యేకంగా పూజ చేస్తారు. లక్ష్మీ గణపతులకు మ్రొక్కుతారు. లక్ష్మీదేవి రూపం గణపతితో పాటు వుంటుంది.
తాము నిర్వహించే కార్యాలకు ఎటువంటి విఘ్నాలు లేకుండా చూడాలని సిరులిచ్చే తల్లి కరుణాకటాక్షాలు ఎల్లవేళలావుండాలని కోరుకుంటూ దీపావళి వేళ లక్ష్మీగణపతుల పూజ చేస్తారు.

దీపావళి రోజున ప్రతి ఇంటికీ లక్ష్మీదేవి వస్తుందని విశ్వసిస్తూ, ముంగిళ్ళను రంగవల్లులతో అలంకరిస్తారు. ప్రతిరోజు, అనేక పర్వదినాలలో లక్ష్మీదేవిని కోలిచినా, దీపావళి నాటి లక్ష్మీపూలకు విశిష్టత వుంది.