పిల్లల పెంపకంలో మెళుకువలు పాటించక పోతే...?

ప్రస్తుత కాలంలో పిల్లలంతా చాలా స్పీడ్‌ గా ఉంటున్నారు. చదువుల్లోనూ, ఆట పాటల్లోనూ చాలా ఫాస్టు గా ఉంటున్నారు. ఒకప్పుడు ప్రతీ ఇంట్లో నలుగురు, ఐదుగురు పిల్లలు ఉండేవారు. ఇప్పుడు న్యూక్లియర్‌ ఫ్యామిలీల కారణంగా ఒక్కరు తప్పితే ఇద్దరు పిల్లలే ఉంటున్నారు. వాళ్లకు ఆటా పాట అన్నీ తల్లిదండ్రులతోనే అవుతోంది. దీంతో గారాబం ఎక్కువ అవుతోంది. ఫలితంగా మొండిపట్టు, మంకుపట్టు తప్పనిసరి అవుతోంది. ఇటువంటి పిల్లలతో వ్యవహరించటం తలకు మించిన పని అవుతుంది. ఇటువంటి వారితో జాగ్రత్తగా వ్యవహరించాలని సదరన్‌ ఇల్లియోనిస్‌ యూనివర్శిటీ స్కూల్‌ ఆఫ్‌ మెడిసిన్‌ అధ్యాపకులు సూచిస్తున్నారు. ఇటువంటి పిల్లలతో పట్టు విడుపుతో మెలగాలని చెబుతున్నారు.

పిల్లల పెంపకంలో మెళకువలు పాటించక పోతే విసుగుదల, చిరాకు పెరిగిపోతాయి. మానసికంగా ఆందోళన పెరిగి పోయి అనారోగ్యానికి కారణం అవుతుంటాయి. పెద్దలంతా ఒకప్పుడు పిల్లలే అని గుర్తుంచుకోవాలి. ప్రస్తుత పరిస్థితులకు అనుగుణగా ఏ రకంగా పెంచాలి అనేది తెలసుకోవాలి. పట్టు విడుపులతో పిల్లల్ని మంచి మార్గంలో ఎలా తీసుకొని వెళ్లాలి అనేది తెలుసుకోవాలి. గతంలో ప్రతీ ఇంట్లో అమ్మమ్మ, నాయనమ్మ, తాతయ్య వంటి పెద్దలు ఉండే వారు కాబట్టి ఓర్పుతో అన్ని విషయాలు తెలియ చెప్పేవారు. కానీ రాను రాను న్యూక్లియర్‌ఫ్యామిలీలు వచ్చేశాక మంచి, చెడు నేర్పేవారు తక్కు వ అయ్యారు. దీంతో పిల్లల పెంపకం కత్తి మీద సాములా మారుతోంది.

స్నేహా వాతావరణంతో మెలగటం:

పిల్లలు ఎప్పుడూ పిల్లలతోనే ఆడుకోవాలని కోరుకొంటారు. తోటి పిల్లలతో అనుకరించటం లేదా తోటి పిల్లలకు నేర్పించటం అంటే బాగా ఇష్టపడతారు. సరిగ్గా ఈ టెక్నిక్‌ నే పెద్దలు కూడా అనుసరించాలని చెబుతున్నారు. అంటే పిల్లలతో బాస్‌ మాదిరిగా మాట్లాడటానికి బదులు తోటి పిల్లల మాదిరిగా అనునయించి చెప్పటం మేలని నిపుణులు అంటున్నారు. ఒక పని వద్దని కుండ బద్దలు కొట్టినట్లు చెప్పటం కన్నా నిదానంగా అందులోని మంచి చెడ్డల్ని విడమరిచి చెప్పటం మేలని అంటున్నారు. ద కేస్‌ ఫర్‌ ద ఓన్లీ చైల్డు అనే పరిశోధక గ్రంథం లో పిల్లల్ని ఎంత అనునయంతో పలకరిస్తే అంత మేలని తేల్చిచెప్పారు. ఇంట్లో ని పెద్ద వారిని గౌరవించటం, తోటి వారిని అభిమానంగా పలకరించటం, ప్రశాంతంగా జవాబులు ఇవ్వటం వంటివి ఇంట్లోనే అలవాటు చేయాల్సి ఉంటుంది. ఇవి పెద్ద వారిని చూసి పిల్లలు బాగా నేర్చుకొంటారు. అందుచేత పిల్లలకు ఈ విషయాల్ని విడమరిచి చెప్పాలి. ఒకవేళ ఇటువంటి విషయాల్లో సక్రమంగా లేకపోతే నెమ్మదిగా నేర్పించాల్సి ఉంటుంది. అంతే తప్ప కేకలు పెట్టడం, ఒక్కసారిగా విరుచుకు పడటం మంచిది కాదు. మంచి అలవాట్లను నెమ్మదిగా తెలియచేయాలి.

పిల్లలలో కలుపుగోలుతనం ముఖ్యం: పిల్లల్ని ఒంటరిగా ఉంచటం మంచిది కాదు. ఒక్కరూ తనలో తానే మథనపడే అవకాశం ఇవ్వకూడదు. నలుగురిలోనూ కలిసిపోనివ్వాలి. చుట్టుపక్కల వారితో కలవక పోవటం, స్కూల్‌లో తోటి ఫ్రెండ్సుకి దూరంగా ఉండటం మంచి అలవాట్లు కాదని తెలియచెప్పాలి. తామే అధికులం అన్న భావన ఎంత ప్రమాదకరమో, తాము అల్పులం అన్న న్యూనత కూడా సరి కాదు. అందుచేత ఇతరులతో కలిసిపోయేందుకు పిల్లలను ప్రోత్సహించాలి. ఇందుకోసం తోటివారికి సాయపడటం, ఇతరుల నుంచి సహాయం తీసుకోవటం వంటివి నేర్పించాలి. ఇది క్రమంగా అలవాటు చేయాలి. దీని వలన ఇబ్బందుల్లో ఉన్నప్పుడు ఒంటరిగా కుమిలిపోయే లక్షణం తప్పుతుంది. పైగా కలిసికట్టుగా ఎదుర్కొనే స్వభావం అలవాటు అవుతుంది. కొంత మంది పిల్లలు గారాబం ఎక్కువ అయినప్పుడు ఎవరినైనా ధిక్కరించే లక్షణంతో ఉంటారు. ఇటువంటి వారికి క్రమంగా తామే అధికులం అన్న భావన కలుగుతుంది. ఇటువంటి వారు చిన్నపాటి ఇబ్బందిని కూడా సహించలేని వారుగా మారతారు. ఇటువంటి పోకడల్ని మొదట్లోనే గుర్తించి అడ్డుకట్ట వేయాల్సి ఉంటుంది.

పిల్లలలో కలుపుగోలుతనం ముఖ్యం: పిల్లల్ని ఒంటరిగా ఉంచటం మంచిది కాదు. ఒక్కరూ తనలో తానే మథనపడే అవకాశం ఇవ్వకూడదు. నలుగురిలోనూ కలిసిపోనివ్వాలి. చుట్టుపక్కల వారితో కలవక పోవటం, స్కూల్‌లో తోటి ఫ్రెండ్సుకి దూరంగా ఉండటం మంచి అలవాట్లు కాదని తెలియచెప్పాలి. తామే అధికులం అన్న భావన ఎంత ప్రమాదకరమో, తాము అల్పులం అన్న న్యూనత కూడా సరి కాదు. అందుచేత ఇతరులతో కలిసిపోయేందుకు పిల్లలను ప్రోత్సహించాలి. ఇందుకోసం తోటివారికి సాయపడటం, ఇతరుల నుంచి సహాయం తీసుకోవటం వంటివి నేర్పించాలి. ఇది క్రమంగా అలవాటు చేయాలి. దీని వలన ఇబ్బందుల్లో ఉన్నప్పుడు ఒంటరిగా కుమిలిపోయే లక్షణం తప్పుతుంది. పైగా కలిసికట్టుగా ఎదుర్కొనే స్వభావం అలవాటు అవుతుంది. కొంత మంది పిల్లలు గారాబం ఎక్కువ అయినప్పుడు ఎవరినైనా ధిక్కరించే లక్షణంతో ఉంటారు. ఇటువంటి వారికి క్రమంగా తామే అధికులం అన్న భావన కలుగుతుంది. ఇటువంటి వారు చిన్నపాటి ఇబ్బందిని కూడా సహించలేని వారుగా మారతారు. ఇటువంటి పోకడల్ని మొదట్లోనే గుర్తించి అడ్డుకట్ట వేయాల్సి ఉంటుంది.

పిల్లల స్నేహితుల్ని మన్నించటం: పిల్లలకు తమ స్నేహితుల మీద అభిమానం చూపుతారు. తోటి పిల్లలు నచ్చితే ఎంతో గొప్పలు చెబుతారు. నచ్చక పోతే మాత్రం తెగడ్తలు కూడా అంతే స్పీడు గా ఉంటాయి. ఇంటికి తిరిగి వచ్చాక తోటి స్నేహితుల గురించి చెప్పుకొని వస్తుంటారు. సహజంగానే ఇవన్నీ సుత్తి మాటలుగా అనిపిస్తాయి. వాటిని వెంటనే కొట్టి పారేయటం మంచిది కాదు. ఇతర స్నేహితుల కు సంబంధించిన విషయాలు మనం ఆసక్తి కరంగా వింటున్నట్లు ఉంటే మేలు. వీలుంటే పిల్లల స్నేహితుల్ని ఇంటికి పిలవటం మంచిది. అప్పుడప్పుడు పిలిపించి ఇంట్లోనే ఆడుకొనే వెసులుబాటు కల్పించాలి. దీంతో పిల్లలు పొంగి పోతారు. స్నేహితుల ఎదుట పిల్లల్ని చికాకు పడటం, కోప్పడటం, పోల్చి తిట్టడం మాత్రం మంచి పద్దతి కాదు సుమా.. స్నేహితుల సమక్షంలో పిల్లలతో అభిమానంగా వ్యవహరిస్తే మా పేరంట్సు చాలా మంచివాళ్లు అంటూ పొగడ్తల వర్షం కురిపిస్తారు. స్నేహితులకు పెద్దల గురించి గొప్పగా చెబుతారు.

పిల్లల కోప తాపాలకు ప్రాధాన్యం: ఇటీవల కాలంలో పిల్లలకు కోప తాపాలు ఎక్కువగా ఉంటున్నాయి. పిల్లలు ఎదిగే కొద్దీ ఇటువంటి పోకడలు అదికం అవుతున్నాయి. పిల్లలు చికాకుగా ఉంటే మనం మండిపోవటం మంచిది కాదు. చీటికి మాటికీ కోపం తెచ్చుకోవటం ఎంత చేటో విడమరిచి చెప్పాలి. పిల్లల కోపానికి కారణం ఏమిటో గుర్తించాలి. అటువంటి సందర్భం ఎందుకు ఏర్పడిందో వివరంగా చెప్పటం మేలు. అటువంటప్పుడు కోపం తెచ్చుకోకుండా వ్యవహరించాలని సూచించాలి. పెంకితనంతో ఉన్నప్పుడు మొండిగా వ్యవహిరిస్తుంటారు. అటువంటప్పుడు కోపం తెచ్చుకొంటే మరింత మొండిగా మారిపోతుంటారు.

టీవీలు, ఇంటర్‌నెట్‌ల వాడకాన్ని తగ్గించటం: పిల్లల్లో టీవీ, ఇంటర్‌ నెట్‌చూసే వాడకం ఇటీవల కాలంలో బాగా పెరిగింది. ముఖ్యంగా కార్టూన్‌ చానెల్సు, ప్లే చానెల్సు కు ఎక్కు వగా అలవాటు పడుతున్నారు. అందులో ఉండే క్యారెక్టర్ల ను బాగా అనుకరిస్తున్నారు. కొంత మంది పిల్లలు గంటల తరబడి టీవీలకు అతుక్కొనిపోతున్నారు. దీని వలన బద్దకం, మందకొడి తనం పెరిగిపోతున్నాయి. సరి కదా, ఆ చానెల్సుని మారిస్తే ఊరుకోవటం లేదు. వెంటనే చిందులు వేస్తున్నారు. ఈ పోకడను ముందుగానే గమనిం చుకోవాలి.

అటువంటి చానెల్సు ను క్రమంగా తగ్గించి వేయాలి. అటువంటి చానెల్సు లో ఏ ప్రోగ్రామ్‌ ను క్రమం తప్పకుండా చూస్తున్నారో గమనించి ఆ సమయంలో వేరే వ్యాపకం అలవాటు చేయటం మేలు. లేదంటే ఆ కార్యక్రమాలకు అలవాటు పడిపోతే పిల్లలను కంట్రోల్‌చేయటం కష్టం అవుతుంది. కొంత మంది తల్లిదండ్రులు పిల్లలకు అన్నం తినిపించటానికి, పనులు చేయించుకోవటానికి టీవీ ని అలవాటు చేస్తుంటారు. ఇది సరికాదు. తర్వాత కాలంలో ఈ అలవాటు కొంప ముంచుతుంది.

అవసరమైనప్పుడు‚ఠిన వైఖరి: పిల్లలతో ప్రశాంతంగా, నిదానంగా ఉండటం మంచిదే కానీ, అవసరమైనప్పుడు కఠిన వైఖరి అవలంబించాలి. వద్దన్న పని చేస్తామని పదే పదే మొండికేస్తుంటారు. కొన్ని సార్లు చెప్పిన మాట వినకుండా మొండికేస్తుంటారు. అటువంటప్పుడు సంయమనంతో చెబుతునే ఉండాలి. అదే సమయంలో పిల్లల మనస్సు మరలించి రాంగ్‌ స్టెప్‌ పడకుండా చూడాలి.అవసరమైతే ఇటువంటి సమయంలో కఠినంగా కూడ వ్యవహరించాలి. మొకై్క వంగనిది మానై వంగదు అని గుర్తించుకోవాలి. మొండితనాన్ని పిల్లల్లో ప్రోత్సహిస్తే అది క్రమంగా చేటు తెస్తుంది.

పిల్లలకు అతి గారాబం కూడదు: పిల్లలకు కావలసిన వస్తువులు తెచ్చి పెట్టి ఇవ్వటం మంచిదే. షాపింగ్‌ కు తీసుకొని వెళితే ఎన్నయినా కొని పెట్టవచ్చు. కానీ, దీనికి పరిమితి ఉండాలి. ఏది కనిపించినా కావల్సిందే అని కొందరు పిల్లలు మొండికేస్తారు. ఇటువంటి అలవాటును ప్రోత్సహించటం మంచిది కాదు. డబ్బు విలువ ఎటువంటిదో తెలియ చెప్పాలి. అవసరం అయినపుడు మాత్రమే విడిగా పిల్లలను షాపింగ్‌ కు పంపిస్తుండాలి.

పక్క తడపడానికి దారితీసే రాత్రి పూట భోజనం-చిరుతిళ్ళు !

మీకు పక్కతడిపే పిల్లలు ఉంటే, మీరు పక్కతడపడం సమస్యను పరిష్కరించే పోషకాల గురించి పుకార్లు వినేవుంటారు.సాయంత్రం 6 గంటల నుండి ద్రవపదార్ధాలు తగ్గించండి.

ఆరంజ్ జ్యూస్ మానేయండి. మసాలాతో చేసిన ఆహార పదార్ధాలకు దూరంగా ఉండండి. మీరు మీ పిల్లల పక్కతడిపే సమస్యను పోగొట్టడానికి మీరు వీటన్నిటినీ ప్రయత్నించి ఉండవచ్చు.

కానీ మీరు ఇవి చేయడానికి ముందు, పక్కతడపడం ఆపే ప్రయత్నంలో అనవసరమైన ఆహార మార్పుల వల్ల మీరు మీ పిల్లలు ఆనందంగా లేకుండా, మునుపటి కన్నా ఎక్కువ నిరాశ చెందుతారు. పక్కతడపడానికి కొన్ని ప్రత్యేకమైన ఆహారపదార్ధాలు కారణం కావచ్చని వైద్యులు చెప్తారు, అయితే వీటిని సమర్ధించే ఎలాంటి శాస్త్రీయమైన ఆధారాలు లేవు, ఇవన్నీ సంప్రదాయంగా చెప్తూ వస్తున్నవే.

పక్కతడపడానికి దారి తీసి ఆహారాలను కనుక్కోవడానికి చిట్కాలుప్రతి వారూ ప్రత్యేకమైన వారే కాబట్టి, మీ పిల్లవాడు పక్క తడపడానికి కారణ మౌతున్న ఆహారాలను కనుక్కోవడానికి మీరు, మీ పిల్లవాడు కలిసి ప్రయత్నం చేయండి.ఒక పుస్తకం వుంచి పక్క తడపడం జరిగినప్పుడు నమోదు చేస్తుంటే ఈ ప్రమాదానికి కారణమైన సంఘటనలను పసి గట్ట వచ్చని నిపుణులు చెప్తున్నారు.కొంత మంది పిల్లలు కొన్ని ప్రత్యేకమైన ఆహారాలు పక్క తడపకుండా ఉండడానికి ఉపకరిస్తున్నాఎమో తెలుసుకోవడానికి తమదైన సిద్ధాంతాలు ప్రయత్నించే ఆసక్తి కలిగి వుంటారు.

పక్క తడపడానికి వారి వ్యక్తిగత కారణాలు తెలుసుకోవడం పిల్లలకు రెండు రకాలుగా మంచిది.వారి పక్క తడిపే సమస్య మీద వారికి నియంత్రణ ఉందన్న భావన వారికి వస్తుంది, దాని వల్ల దాన్ని పరిష్కరించుకోవడానికి వారు బాధ్యత వహిస్తారు.పక్క తడపడాన్ని నియంత్రిస్తుందని గానీ, కలుగచేస్తుందని కానీ వారు ఏదైనా ఆహార పదార్ధాన్ని కనుగొంటే అది తీసుకోవడమో, మానేయడమో వారే చేస్తారు, అది కేవలం ప్లాసేబో ప్రభావం వల్ల అయినా సరే.పక్కతడపడం లో పోషకాహార వ్యూహాలు అమలు చేయడం మీరు మీ పిల్లల పక్కతడిపే సమస్య నియంత్రించే ప్రయత్నంలో సాయంత్రం తీసుకునే ఆహరం లో మార్పులు చేయాలని నిర్ణయిస్తే, అవి ఈ చెడు ప్రవర్తనకు శిక్ష కాకుండా ఉండేలా చూసుకోండి.

పక్కతడిపే అనేకమంది పిల్లలు, ప్రత్యేకంగా పెద్ద పిల్లలు, నిద్రలో అప్రయత్నంగా మూత్రవిసర్జన చేయడం ద్వారా ఇబ్బందికి గురై సిగ్గుపడుతు౦టారు. అలాగే తరచుగా, తల్లితండ్రులు వారు పరిశుభ్రంగా లేరనే నిస్పృహకు లోనౌతున్నారు.

ఇది పిల్లలకు ఆందోళన కలిగించవచ్చు, మానసికంగా వ్యాకులత చెంది, పక్కతడపడం మరింత ఎక్కువ అవుతుంది.అందువల్ల, మీరు ఈ సమస్య పరిష్కారం కోసం ప్రయత్నం చేస్తున్నట్టు, వారిని శిక్షించడానికి కాదని పిల్లలకు అర్ధమయ్యేలా చేయడం ముఖ్యం.

మసాలాలతో కూడిన ఆహార పదార్ధాలు పక్క తడపడానికి దారి తీస్తాయని తెలియగానే మీ ఇంట్లో సమోసా తినడం మానేశారా? అలా అయితే సరదాగా సలాడ్ లు, సాస్ లు తినేయండి, ఎందుకంటే మసాలాలతో చేసిన ఆహార పదార్ధాల వల్ల పక్క తడపడం జరుగుతుందని చెప్పడానికి ఎలాంటి ఆధారాలు లేవు.కొంత మందిలో మసాలా పదార్ధాలు మూత్రాశయాన్ని ప్రేరేపించడం వల్ల ఈ అపోహ వహ్చింది, విద్యులు కూడా పక్క తడిపే సమస్య వున్న వారిని మసాలా పదార్ధాలు తినవద్దని సలహా ఇస్తారు. కానీ పరిశోధనల్లో మసాలా దినుసులు వాడడానికి, పక్క తడపడానికి ఎలాంటి సంబంధం రుజువు కాలేదు.

మసాలా పదార్ధాల లాగానే, నారింజ, నిమ్మ లాంటి సిట్రస్ పదార్ధాలు కూడా వాటిలో వుండే ఆమ్లాల వల్ల మూత్రాశాయాన్ని ప్రేప్రేపిస్తాయి. అందువల్ల పిల్లలకు బత్తాయి రసమో, నిమ్మ రసమో ఇవ్వకు౦డా వారికి మేలు చేస్తున్నామని మీరు అనుకోవచ్చు.కానీ మసాలా పదార్ధాల లాగానే, పరిశోధనల్లో సిట్రస్ పళ్లకు, పిల్లలలో పక్క తడిపే అలవాటుకు, అరుదుగా కొంతమందిలో సిట్రస్ కు అలర్జీ వుండే పిల్లలకు తప్ప, ఎటువంటి సంబంధం వున్నట్టు వైద్య పరిశోధనల్లో రుజువు కాలేదు.

.

ఆహారం లేదా పానీయంలో కెఫీన్ వుంటే అది మూత్ర కారకంగా పనిచేస్తుంది, అంటే మూత్రాశయాన్ని ప్రేరేపించి ఎక్కువ మూత్రం ఉత్పత్తి అయ్యేలా చేస్తు౦ది. అందువల్ల మధ్యాహ్నం, సాయంత్రాలలో కెఫీన్ వుండే పదార్ధాలు తీసుకోక పోవడం మంచిదని నిపుణులు చెప్తున్నారు.మీ పిల్లవాడు కాఫీ తాగడం లేదు కనుక కెఫీన్ వాడట్లేదని అనుకోవద్దు. టీ, కోలాలు, ఎనర్జీ డ్రింక్ లలో కూడా కెఫీన్ వుంటుంది. ఎక్కువ మంది పిల్లలు ఇష్టపడే చాకొలేట్ లో కెఫీన్ కు బాగా దగ్గరి సంబంధం వుండే రసాయనం వుంటుంది. అందువల్ల మీరు మీ పిల్లలు వేడి చాకొలేట్ డ్రింక్ కానీ, బ్రౌన్ గా వుండే పానీయాలు కానీ చాకొలేట్ ఐస్ క్రీమ్ కనీ తినకుండా జాగ్రత్త పడ౦డి.

కేవలం మూత్రాశయం లో ఎక్కువ నీళ్ళు వుండడం వల్ల మాత్రమె మీ పిల్లవాడు పక్క తడుపుతున్నాడని అనుకోవద్దు. ఇలా ఆలోచించండి - మీరు పడుకునే ముందు ఒక గాలన్ నీళ్ళు తాగినా మీరు పక్క తడిపే బదులు, లేవగానే మూత్రాశయం ఖాళీ చేయాల్సిందే.అయినా, పడుకునే ముందు మీ పిల్లవాడికి తక్కువ మోతాదులో ద్రవాలు పట్టించడం మంచిది, ఎందుకంటే అది మూత్రాశయం నిండడాన్ని ఆలస్యం చేసి పక్క తడపడం మరింత ఆలస్యం అవుతుంది. ఈ అదనపు సమయం వల్ల మీ పిల్లవాడు పక్క తడపకుండా మేల్కోవడానికి అవకాశం వుంటుంది.

తెలివితేటల్ని పెంపొందించే A to Z లైఫ్ స్టైల్

ప్రపంచంలో ప్రతి ఒక్కరూ ప్రస్తుతం వారు ఉన్నదాని కంటే మరింత స్మార్ట్ గా ఉండాలని కోరుకుంటారు. ప్రస్తుత రోజుల్లో కొంతమందేమో ఎక్కువ డబ్బు సంపాధించాలనుకుంటారు, మరికొందరేమో అమ్మాయిలను ఇంప్రెస్ చేయాలనుకుంటారు. ఇలా ఎవరి కోరికలు వారికి ఉంటాయి. కానీ చివరకి మనందరం కోరుకొనేది మాత్రం మన ఇంటెలిజెన్స్ ను పెంచుకోవడ కోసమే చూస్తాం.

అందుకు చింతించాల్సిన పనిలేదు, అందుకు బ్రెయిన్ సర్జరీ చేయించుకోవల్సిన పనిలేదు. అదంతా మీరు జీవిస్తున్న జీవన విధానం మీదే ఆధారపడి ఉంది. ఒక జీవన శైలే మిమ్మల్ని మరింత తెలివిగా మారడానికి సహాయపడుతుంది.అందుకు మందు వాడక్కర్లేదు మరియు వ్యాయామాలు చేయక్కర్లేదు. మీ ఇంటెలిజెన్స్ ను పెంచుకోవడానికి జస్ట్ లైఫ్ స్టైల్ ను మార్చుకోండి. మీరు అలవర్చుకొనే మంచి అలవాట్లే మీ శారీరక, మానసిక ఆరోగ్యం చురుకుగా మరియు హెల్తీగా ఉండేందుకు సహాయపడుతుంది.

అనారోగ్యకరమైన జీవనశైలి, మీమ్మిల్ని మరింత క్రుంగదీయడానికి దోహదం చేస్తుంది. సరైన జీవన శైలిలో కొన్ని మార్పులు అంటే మంచి నిద్ర, సరైన తిండి, మరియు కొన్ని వ్యాయామాలు వంటి మంచి అలవాట్ల వల్ల మీ ఇంటెలిజెన్స్ ను పెంపొంధించుకోవచ్చు.ఇవన్నీ కూడా చాలా సులభమైనవి, సాధారణమైన పనులే. మీరు ఉత్తమమైన బ్రెయిన్ ఫుడ్స్ ను తీసుకోవాలి, మీకు కావల్సినంత నిద్ర నిద్రపోండి. మరియు కొంత జాగింగ్ చేయండి . అయితే ఇది మిమ్మల్ని స్మార్ట్ గా మార్చే మంత్రం మాత్రం కాదు.

ఇంటెలిజెన్స్ ను పెంపొందించే లైఫ్ స్టైలో చాలా జాగ్రత్తగా తీసుకొనే, లేదా అవర్చుకొనే అలవాట్లే మంచి ఫలితాలను ఇస్తాయి. అందుకు మీరు క్రమశిక్షణ మార్గంలో అనుసరించాల్సి ఉంటుంది. ఇలా కొన్ని సంవత్సరాల పాటు చేయడం వల్ల మిమ్మల్ని మీరు స్మార్ట్ గా మార్చుకోవచ్చు. అందుకు సహాయపడే కొన్ని చిట్కాలు ఇక్కడ ఉన్నాయి. వాటిని పరిశీలించి మీ ఇంటెలిజెన్స్ ను పెంపొంధించుకోండి..

బ్రేక్ ఫాస్ట్: మీరు ఉదయాన్ని నిద్రలేస్తానే, మీ వాహానాల్లో పరుగులు తీయడానికి బయలుదేరుతారు, మరి కారు వెంటనే పనిచేస్తుందా? దానికి కొంత పెట్రోల్ లేదా డీజిల్ పట్టించాలి కదా? అదేవిధంగా మీశరీరంలో జీవక్రియలన్నీ 8-10గంటలు నిద్రావస్తలో ఎటువంటి కదిలికలు లేకుండా పనిచేయకపోవడం వల్ల ఉదయం లేవగానే ఒంట్లో శక్తిలేనట్లు అనిపిస్తుంది. కాబట్టి నిద్రలేవగానే మీ శరీరానికి బ్రేక్ ఫాస్ట్ చాలా అవసరం. మీరు తీసుకొనే ఉదయం బ్రేక్ ఫాస్టే మిమ్మల్ని ఆ రోజంతా ఉత్సాహంగా ఉంచుతుంది. దీనిపై కొన్ని పరిశోధనులు కూడా జరిగాయి. బ్రేక్ ఫాస్ట్ తీసుకోని వారికంటే, ఉదయం బ్రేక్ ఫాస్ట్ తీసుకొనే వారి చాలా స్మార్ట్ గా ఉంటారని. మరి మీ బ్రేక్ ఫాస్ట్ కథ ఏమిటి?

వ్యాయామాలు: చాలా గ్యాప్ తర్వాత మీ కారు మీరు స్టార్ట్ చేసినప్పుడు, కొంత సమయం అది(గురుగుర ధ్వని చేస్తుంది)లేదా మెరాయిస్తుంది. ప్రతి యంత్రానికి కొంత వెచ్చదనం కావాలి. అదే విధంగా మీ శరీరానికి కూడా. మీరు వ్యాయామం చేయకపోవడం వల్ల మీ మెదడకు రక్తం అందక కొంత సమయం మెరాయిస్తుంది. జీవక్రియలు మందగిస్తాయి. అన్ని పనులు నిదానంగా జరుగుతాయి. దాంతో మీ స్మార్ట్ నెస్ అంతా మాయం అవుతుంది. మరి ఈ రోజు నుండి మీరు వ్యాయామం మొదలు పెడతారా?

తగినంత నిద్ర: మంచి జీవన శైలికి కావల్సింది తగినంత నిద్ర, విశ్రాంతి. ఈ ఉరుకుల పరుగుల జీవితంలో నిద్రకరువౌతోంది. దాంతో అనారోగ్యాలు, ఊబకాయం. కాబట్టి రోజుకు కనీసం 8గంటల నిద్ర చాలా అవసరం. మీ శరీరానికిలాగే మీ మెదడుకు కూడా విశ్రాంతి అవసరం. నిజానికి నిద్రలేమి అనేది పిచ్చితనానికి కారణం కావచ్చు. కాబట్టి నిద్రను తేలికగా తీసుకోకండి. మరి ఈ రోజు నుండీ మీ నిద్ర ఎంత సమయం?

పంచదారకు బైబై, తేనెకు వెల్ కమ్: పంచదార మీ బ్రెయిన్ ను షార్ప్ గా ఉంచుతుందని అనుకోవచ్చు, అయితే మీరు పప్పులు కాలు వేసినట్లే, పంచదార మీ రక్తంలోని గ్లూకోజ్ కు చిక్కులు తెచ్చిపెడుతుంది మరియు తాత్కాలికంగా మీ శక్తి స్థాయిలను అధికం చేస్తుంది. తర్వాత చివరి గంటల్లో తగ్గుతూ వస్తుంది. కాబట్టి పంచదారకు బదులు తేనె తీసుకోవడం ఉత్తమం.

ఆనందం కోసం చదవడం: చదడం వల్ల జీవిత పాఠాలను నేర్చుకోవడానికి చదడం ప్రాథమికం మార్గం, దీనికి ముగింపనేది ఉండదు. మీకు ఇష్టమైన పుస్తకాలు చదవడం, మంచిది. ఇది ఇంటర్నెట్ విజ్ఞానంను భర్తీ చేయదు. చదవడం వల్ల మీ ఏకాగ్రత మెరుగుపడుతుంది మరియు మీ మెదడు వ్యాయామంగా సహాయపడుతుంది.

యాంటీఆక్సిడెంట్ రిచ్ ఫుడ్స్ : యాంటీఆక్సిడెంట్స్ ఫుడ్స్ ఎప్పటికీ బ్రెయిన్ కు బెస్ట్ ఫుడ్స్ గా ఉంటాయి. అందుకు సింపుల్ రీజనర్ ఇవి మీ బ్రెయిన్ సెల్స్ కు ఫ్రీరాడికల్ డ్యామేజ్ నుండి రక్షణ కల్పిస్తాయి. బెర్రీస్, గ్రీన్ లీఫీ వెజిటేబుల్స్, మరియు ఆలివ్ ఆయిల్స్ ను ఎక్కువగా తీసుకోవాలి.

గుండెను ఆరోగ్యంగా ఉంచుకోవాలి: ఒక ఆరోగ్యకరమైన గుండె ఒక ఆరోగ్యకరమైన మెదడుకు మందువంటింది. దీన్ని మీరు నమ్మరా? ఎందుకనీ, మీ గుండె ఆరోగ్యంగా ఉన్నప్పుడు మెదడుకు కావల్సిన రక్తాన్ని సరఫరా చేస్తుంది. కాబట్టి మీ గుండెకు హానీ కలిగించే ఫాటీ ఫుడ్స్, జంక్ ఫుడ్స్, ఆయిల్ ఫుడ్స్ కు స్వస్తి పలికి, మంచి ఆరోగ్యకరమైన ఆహారాలకు ప్రాధాన్యత ఇవ్వండి.

పజిల్స్ : మీ శరీరంలోని కండరాల వలే మీ మెదడుకు కూడా కొన్ని వ్యాయామాలు కావాలి. బ్రెయిన్ కు సంబంధించిన వ్యాయామం పజిల్స్. మీ మెదడు ఉపయోగించకపోతే, అప్పుడు అది బద్దకిస్తుంది మరియు మీరు బద్దకస్తులుగా మారుతారు. కాబట్టి, పజిల్స్ ఆడటం, రాయటం, సూడ్కో, మైండ్ గేమ్స్ ఈ రోజు నుండే మొదలు పెట్టండి. ఇవి బ్రెయిన్ ను యాక్టివ్ గా ఉంచుతాయి.

విరామం తీసుకోండి: బ్రెయిన్ సెల్స్ రిలాక్స్ పొందాంటే, వాటికి విశ్రాంతి కల్పించాలి. మీ బ్రెయిన్ సెల్స్ అలసటకు గురై ఉంటాయి. అటువంటి సమయంలో వెకేషన్ కు వెళ్ళడం అనేది మీ లైఫ్ స్టైల్లో ఒక భాగమనే గుర్తించాలి . ఇవే మీలోని ఇంటెలిజెన్స్ ను పెంచుతాయి.

మెడిటేషన్: మీరు హార్డ్ వర్క్ చేసేటప్పుడు మీరు ఎప్పటికీ హార్డ్ కాన్షియస్ గా ఉండలేరు. అందువల్ల, కొన్ని సార్లు మీరు మీ మనస్సు ఆదీనంలో ఉంచుకోలేరు. మెడిటేషన్ వల్ల మీరు ప్రశాంతంగా ఉండగలుగుతారు మరియు మీకు నచ్చేవిధంగా ఉండగలుగుతారు.

మ్యూజిక్: ఇది నిజం, మ్యూజిక్ వినడం వల్ల, పరికరాలు ప్లే చేయడం వల్ల మీ ఐక్యూ 7పాయిట్లు పెరుగుతుంది.

తీసుకొనే వ్యర్థ ఆహారాలను మానుకోండి: శరీరానికి వంటి ఆహారాలను కడుపులోకి తోసేయకండి. ల్యాప్ టాప్, కంప్యూటర్ ముందు కూర్చొని మీ నిజజీవితంలోని సమయాన్ని వేస్ట్ చేస్తున్నారు. అదేవిధంగా టీవీ ముందు కూర్చుని స్నాక్స్, చిప్స్, కూల్ డ్రిక్స్ తో ఆరోగ్యాన్ని మరింత దిగజార్చుకొంటున్నారు. వీటిన మానుకొన్నట్లైతే మీ ఐక్యూ ఖచ్చితంగా పెంచుకోవచ్చు.

ఒత్తిడి అనేది శక్తిమంతమైన చోదకశక్తి కావాలి తప్ప, ఎదుగుదలకు అవరోధంగా మారకూడదు.
- రిచర్డ్ కార్ల్‌సన్

అందమె ఆనందం

నారింజ తొక్కల్ని అయిదు నిమిషాలపాటు ఉడకబెట్టి చల్లార్చాలి. చల్లారినవాటితో మెడపైన, ముఖం మీద సుతిమెత్తగా రుద్ది అయిదు నిమిషాల తరవాత కడిగేయాలి. ఇలా వారంలో ఒక్కసారయినా చేస్తే చర్మం తాజాగా ఉంటుంది.

లేటు(35ఏళ్ళ తర్వాత)వయస్సులో గర్భం పొందడం కష్టమా?

ప్రస్తుత రోజుల్లో చాలా మంది మహిళలు 35ఏళ్ళ తర్వాత గర్భం ధరించడం సాధరణమైపోయింది. కానీ, దీని ఫలితంగా చాలా ప్రెగ్నేన్సీలలో తల్లి లేదా శిశువు ఆరోగ్య మీద చాలా సమస్యలకు కారణం అవుతోంది. ఇలా లేట్ ప్రెగ్నెన్సీ పొందడానికి, కొంత మంది మంచి ప్రొషెషనల్ మరియు ఫైనాన్షియల్ బ్యాక్ గ్రౌండ్ ఎదగడానికి వేచి చూడాల్సి వస్తుంది. అంతలోపు, వయస్సు పెరగడంతో పాటు, మీరు గర్భం పొందే అవకాశం తగ్గుతుంది.

కానీ, నిజానికి 35ఏళ్ళ తర్వాత గర్భం ధరించడానికి కొన్ని సన్నాహాలు పాటించినట్లైతే గర్భం పొందడం అంతు కష్టమేం కాదు అంటున్నారు కొందరు నిపుణులు. ఇది మీరు సులభంగా కన్వీన్స్ అవ్వడానికి, అదేవిధంగా ఆరోగ్యకరమైన బిడ్డను పొందడానికి సహాయపడుతుంది.

లేటు వయస్సులో గర్భం ధరించడానికి సరైన వైద్య సలహాలు మరియు వ్యాయామ నియమాలు పాటించడం ద్వారా, లేటు వయస్సులో గర్భాధారణకు అంత సమస్య ఉండదు.లేటు వయస్సులో 35ఏళ్ళ తర్వాత గర్బం పొందడానికి, మరియు ఆరోగ్యకరమైన బిడ్డను పొందుటకు సరైన ప్రెగ్నెన్సీ ప్లానింగ్ కొరకు ఇక్కడ కొన్ని ముఖ్యమైన చిట్కాలు ఉన్నాయి. అవేంటో ఒక సారి పరిశీలించండి...

మీ డైట్ ను మెరుగుపరుచుకోండి: ఆరోగ్యకరమైన డైట్ ను ఫాలో అవ్వాలి. అందుకు మీ రెగ్యులర్ డైట్ లో మాంసం, గుడ్లు, చేపలు, డైరీప్రొడక్ట్స్, వంటివి తీసుకోవడం వల్ల ఈ ఆహారాలన్నీ అండోత్సర్గం (అండం ఉత్పత్తికి)మెరుగుపర్చడానికి సహాయపడుతాయి.

ఫోలిక్ యాసిడ్ సప్లిమెంట్: మీరు గర్భం పొందడానికి కనీసం మూడు నెలల ముందునుండే ఫోలిక్ యాసిడ్ సప్లిమెంట్ ను తీసుకోవడం చాలా అవసరం. ఎందుకంటే ఇది శిశువు మొదటి దశలో చాలా అవసరం అవుతుంది. దీని వల్ల మీరు గర్భం ధరించారన్న విషయం కూడా మీకు తెలియదు. ఫోలిక్ యాసిడ్ శిశువు అభివృద్ధికి దోహదం చేసే నాడీ సంబంధ నాళిక లోపాల ప్రమాదాన్ని తగ్గిస్తుంది. కాబట్టి మీరు ఇటువంటి సప్లిమెంట్స్ తీసుకొనే ముందు గైనకాలజిస్టున్ సంప్రదించండి.

సరైన సమయంలో ప్రేమను పంచండి: ఓవేవొలేషన్ కు మంచి సమయం అంటే ఓవొలేషన్ (అండం విడుదలయ్యే సమయం)ముందు రోజు, అలాగే ఓవొలేషన్ తర్వాత రోజు మీ పాట్నర్ తో సమయాన్ని గడపడం బెస్ట్ చాన్స్. ఓవొలేషన్ (గర్భాశయంలో అండం విడుదలయ్యే సమయం)మెనుష్ట్యువల్ సైకిల్ (రుతక్రమం)మొదలైన మొదటి రోజు నుండి కరెక్ట్ గా 14వ రోజును అండం విడుదల అవుతుంది. ఈ రోజుకు ముందు రోజు మరియు తర్వాత రోజు కూడా గర్భం పొందడానికి అనుకూలమైన సమయంగా భావిస్తారు. కాబట్టి ఓవొలేషన్ కు 6 ముందు నుండి, అలాగే తర్వాత ఆరు రోజులు మీరు ప్రయత్నం చేయవచ్చు. ఎందుకంటే అండోత్సర్గము రోజు అంచనా వేయడం కష్టం కాబట్టి.

మీ మానసిక ఆరోగ్యాన్ని గమనించండి: 35ఏళ్ళ తర్వాత గర్భం ధరించాలన్నా, లేదా బిడ్డను పొందాలన్నా ఒత్తిడితో కూడి ఉంటుంది. కాబట్టి మీరు రిలాక్స్ గా ఉండటం చాలా అవసరం. అందుకు ఉపశమన పద్ధతులు, యోగా మరియు మెడిటేషన్ వంటివన్నీ కూడా మీరు మానసిక ఆరోగ్యానికి చాలా సహాయపడుతాయి. కాబట్టి మీ శరీరం శక్తివంతమైన సానుకూల శక్తితో నిండిపోయేలాగా ప్రయత్నించండి.

మీ భాగస్వామి యొక్క శరీరం కూడా అందుకు సిద్ధంగా ఉండేలా ప్రయత్నించండి: లేటు వయస్సులో 35ఏళ్ళ తర్వాత గర్బం పొందడానికి మీ ఆరోగ్యంతో పాటు మీ భాగస్వామి యొక్క ఆరోగ్యం కూడా చాలా ముఖ్యం. ముఖ్యంగా అతనికి వేడి పుట్టించే ఆహారపానీయాలకు మరియు ఉష్ణోగ్రతకు దూరంగా ఉండనివ్వాలి . మద్యపానీయాలు, ధూమపానం మరియు అక్రమ మందులు వాడకుండా నివారించడా చాలా అవసరం. వీటికి బదులుగా జింక్ ఎక్కువగా ఉన్నటువంటి ఆహారాలు పురుషులు తీసుకోవడం వల్ల అవి మీకు మద్దతిస్తాయి.

వైద్యులను సంప్రదించాలి: గర్భం ధరించడానికి ముందు మీరు(భార్య భర్త ఇద్దరూ) గైనకాలజిస్టును సంప్రధించడం చాలా అవసరం. లేటు వయస్సులో గర్భం ధరించానుకొనే వారి శరీర ఆరోగ్యం, మెడికల్ హిస్టరీ మరియు జనరల్ హెల్త్ రెండూ పరీక్షించుకోవడం చాలా ముఖ్యం. పర్సనల్ మెడికల్ డీటైల్స్ తెలుసుకోవడ వల్ల, మీరు గర్భం పొందడానికి ఇరువురికి కొన్ని సలహాలను ఇవ్వవచ్చు.

పాజిటీవ్ గా ఉండటం: మాతృత్వంపై ఒక ఉత్తమ భావన మహిళ ఎప్పుడూ కలిగి ఉండాలి. పాజిటివ్ (సానుకూలంగా)ఉండి ప్రెగ్నెన్సీకి ప్లాన్ చేసుకోండి.

ఆహా...సిల్కీ హెయిర్.నైస్ స్మెల్...!

మీ కురులను సువాసనభరితంగా ఉంచే 10 చిట్కాలు...!

రెగ్యులర్ వాష్: మీ కేశాలకు రోజు విడిచి రోజు తలస్నానం చేస్తుండాలి. దాంతో కాలుష్యం దుమ్ము, ధూళి వల్ల పాడైన జుట్టును శుభ్రపరుచుకోవడానికి ఆల్టర్ నేట్ డేస్ లో తలస్నానం చేయడం చాలా ముఖ్యం. అలా కుదరనప్పుడు కనీసం రెండు రోజుకొకాసారైనా ప్రయత్నించాలి. ఇలా ఎప్పటికప్పుడు తలస్నానం చేయడం వల్ల కేశాలు శుభ్రపడటంతో పాటు మంచి వాసనను కలిగి ఉంటాయి.

నిమ్మరసం: నిమ్మరసం నేచురల్ సిట్రస్ స్మెల్ కలిగి ఉంటుంది. ఇది మీ కేశాలకు మంచి సువాసన కలిగి ఉండేలా చేస్తుంది. చుండ్రును వదిలించడంలో నిమ్మరసం చాలా అద్భుతంగా పనిచేస్తుంది. కాబట్టి నిమ్మరసాన్ని తలకు పట్టించి, 10-15నిముషాల తర్వాత నాణ్యమైన షాంపూతో తలస్నానం చేసేసుకోండి.

రోజ్ వాటర్: రోజు వాటర్ ఒక మంచి ఆస్ట్రిజెంట్ లా పనిచేస్తుంది. ఇది మీ చర్మ సంరక్షణకు ఒక అద్భుతమైన ప్రయోజనాన్ని కలిగిస్తుంది. మరి కేశాలకు, రోజ్ వాటర్ తో కేశాలకు అధనపు ప్రయోజనాలంటూ ఏమీ లేవు. అయితే, రోజు వాటర్ ను తలకు అప్లై చేయడం వల్ల సువాసన భరితంగా ఉంటుంది.

జాస్మిన్ ఆయిల్: జాస్మిన్(మల్లెపువ్వు)సువాసనలిచ్చే పువ్వుల్లో మల్లెపూల ప్రత్యేకత ఏంటో మనకు తెలిసిందే. కాబట్టి జాస్మిన్ ఆయిల్ తో తలకు మసాజ్ చేయడం వల్ల మీ కేశాలు సువాసన భరితంగా ఉంచడమే కాదు, జుట్టు పెరుగుదలకు కూడా బాగా సహాయపడుతుంది.

పువ్వులు: చాలా మంది మహిళలు తమ కురులకు సువాసన వచ్చేందుకు పువ్వులను ఎక్కువగా పెట్టుకుంటుంటారు. అయినప్పటికీ ఇవి కేశాలకు తగినంత నాణ్యమైన ప్రభావాన్ని కలిగించవు. ఇవి పెట్టుకొన్నప్పుడు, తర్వాత కొంత సమయం మాత్రమే వాసనను కలిగి ఉంటాయి.

మందార నూనె: మీ కేశాలకు మందార నూనె ఒక ఆరోగ్యకరమైన నూనె అని చెప్పవచ్చు. ఈ నూనె వల్ల మీ కేశాలను నల్లగా మార్చుతుంది. ఈ నూనె మీ కేశాలను నల్లగా మార్చడంతో పాటు, జుట్టు మూలలను బలోపేతం చేస్తుంది. మందార నూనెలో నేచురల్ సువాసన కలిగి ఉంటుంది. కాబట్టి మీ కేశాలకు సహజ సువానను అందిస్తుంది.

స్మోక్డ్ ఎసెన్స్: ఆరోమా థెరఫీలో, ఆరోమాటిక్ ఆయిల్స్ ను బర్న్ చేస్తారు. బర్న్ చేసినప్పుడు వచ్చే పొగలో నేచురల్ వాసనలు వెదజల్లుతాయి. ఈ ఉపాయం పురాతన కాలం నుండి వస్తున్నది. కేశాలను సువాస భరితంగా మార్చుకోవడానికి, కొన్ని మూలికలు, లేదా పువ్వులు నిప్పులు మీద వేసి పొగబెట్టి పొడివాటి, మందపాటి కురులకు తగిలేలా చేసేవారు.

హెన్నా: కొంత మందికి హెన్నా వాసన అంటే మహా ఇష్టం మరి కొందరికేమో అయిష్టం. కాబట్టి, అది మీ వ్యక్తిగత ఎంపిక. హెన్నాను తలకు పట్టించడం ద్వారా కురులు అందంగా మరియు రెడ్ కలర్ మరియు చాలా ప్రత్యేకమైన వాసనను కూడా కలిగి ఉంటుంది.

టీ ఆకులు: మీకు డార్జిలింగ్ టీ యొక్క వాసన మీకు నచ్చుతుందా? మీకు నచ్చేటట్లైతే మీ కురులను లిక్కర్(టీఆకులను ఉడికించిన నీటితో)తో శుభ్రం చేసుకోవాలి. ఇలా చేయడం వల్ల మీ కేశాలను నల్లగా మార్చుతుంది మరియు ప్రత్యేక సువాసనను అంధిస్తుంది.

వేడికి దూరంగా ఉండాలి: వేడి వల్ల మీ తలలో ఎక్కువగా చెమట పడుతున్నట్లైతే, పైన చెప్పిన మార్గాలు ఏవీ మీ జుట్టును మంచి వాసన కలిగి ఉంచేందుకు సహాయపడుతాయి. కాబట్టి మీ జుట్టుకు వేడి తగలకుండా ఉండేలా జాగ్రత్త తీసుకోవాలి. మరియు సాధ్యమైనంత వరకూ మీ తలను చల్లగా ఉంచుకునేలా చూసుకోవాలి.

అందమె ఆనందం

నువ్వుల నూనె, ఆప్రికాట్ నూనె, విటమిన్ ‘ఇ’ నూనెలను రెండేసి టీ స్పూన్ల చొప్పున తీసుకోవాలి. వీటికి కొద్దిగా అల్లంతురుము జతచేసి మరిగించాలి. అరకప్పు కోకా బటర్‌ను కరిగించి కలపాలి. ఈ మిశ్రమాన్ని ఒక బాటిల్‌లో పోసి రోజుకు రెండుసార్లు శరీరానికి మసాజ్ చేసుకోవాలి. పొడి చర్మానికి ఇది మేలైన మిశ్రమం.

టాప్ 5 మిస్టేక్స్,,,,,,,,,,,,,,,,,,,,,,,,,,,,,,,,,,,,,,,,,,బ్యూటీ

ఫ్యాషన్ విషయంలో ఫలానా వారిది గుడ్ టేస్ట్, బ్యాడ్ టేస్ట్ అనే కామెంట్స్ వినిపిస్తుంటాయి. ట్రెండ్‌ను సరిగ్గా ఫాలో అవకపోవడమే కాదు తప్పుగా ఫాలో అవడం కూడా అందాన్ని చెడగొడుతుంది అంటున్నారు సౌందర్య నిపుణులు. సాధారణంగా అతివలు బ్యూటీ విషయంలో చేసే ప్రధానమైన మిస్టేక్స్ ఏంటో చూద్దాం.. 1. సరిపోలని ముఖం-మెడ మేకప్‌లో ఫౌండేషన్‌ని ముఖానికి రాసుకుంటారు సరే, మెడ మాటేమిటి?! ఫౌండేషన్ (బ్యూటీ క్రీములు, ఇతర ప్రొడక్ట్స్ కూడా) ముఖం వరకే వాడి వదిలేయడం వల్ల ముఖం లేత కాంతివంతంగా కనిపించగా, మెడ మాత్రం డార్క్‌గా కనిపిస్తుంది. ఈ పరిస్థితి తలెత్తకుండా ఉండాలంటే ముఖంతో పాటు మెడకూ ఫౌండేషన్‌ని తప్పనిసరిగా అప్లై చేయాలి. 2. పెదవి అంచున లిప్ లైనర్ పెదవుల అందం కోసం కాస్మెటిక్ సర్జరీ చేయించుకుంటున్న రోజులివి. పెదవులకు నప్పే షేడ్ లిప్‌స్టిక్ వేసుకోవడంతోనే సరిపెట్టకూడదు. ముందుగా డార్క్ షేడ్ వచ్చేలా పెదవుల చుట్టూ లిప్‌లైనర్ ఉపయోగించకపోతే మేకప్‌లో ‘అఆ..లు’ తెలియనివారిలా చూపరులకు కనిపిస్తారు. అలాగే పెదవులకు లిప్‌స్టిక్‌ను బాగా పులిమేస్తే డోస్ ఎక్కువై ఎబ్బెట్టుగా కనిపిస్తారు. 3. చేతివేళ్లు అందం అంటే అందరూ ముఖంపైనే కాన్‌సన్‌ట్రేషన్ చేస్తారే తప్ప చేతివేళ్లను, గోళ్లను, పాదాలను ఏ మాత్రం పట్టించుకోరు. వేలి కొసల్లో ఒదిగి ఉండే గోళ్లు శుభ్రంగా, అందంగా ఉండటం ప్రధానం. అలాగే గోళ్లు పొట్టిగా, పాలిష్ లేకుండా ఉంటే అల్ట్రా ఉమెన్ అనిపించుకోరు. ఒకసారి మీ గోళ్లను పరిశీలించండి. సరిపోలనట్టుగా అనిపిస్తే రెడీమేడ్‌గా దొరికే నెయిల్‌క్లిప్పర్‌తో వాటిని నచ్చినట్టుగా తీర్చిదిద్దుకోవచ్చు. 4. ఆడంబరం ఎక్కువ నగలు, మెరుపులతో చేసుకునే అలంకరణ చూపరులకు ఎప్పుడైనా ఎబ్బెట్టుగా అనిపిస్తుంది. సింపుల్‌గా, క్లాసీగా ఉండేలా తక్కువ నగలతో మేనికి అందాన్ని తీసుకురావచ్చు. 5. ట్యాన్ బయటకు వెళ్లేప్పుడు చాలామంది మరిచిపోయే విషయం ట్యానింగ్. దుమ్ము, ఎండ వల్ల కమిలే చర్మం పట్ల అజాగ్రత్తగా ఉంటారు. ట్యాన్ అందాన్ని పాడు చేస్తుంది. ఇందుకోసం సెల్ఫ్-ట్యానింగ్ (సన్‌స్క్రీన్ లోషన్ రాసుకోవడం, గొడుగు, స్కార్ప్ వంటివి వాడటం) పద్ధతులను అవలంబించడం అవసరం.