జీరా రైస్ బ్యూటిఫుల్ కాంబినేషన్ దొండకాయ రైతా

ఇండియన్ స్పెషల్ వంటకాల్లో దొండకాయ పెరుగు పచ్చడి కూడా ఒకటి. ఇది సైడ్ డిష్ గానే కాదు. స్పెషల్ గా తయారు చేసుకొని గీ రైస్, జీరా రైస్ కు ఓ అద్భుతమైన కాంబినేషన్. ఆంధ్రా స్టైల్లో కొంచె స్పెషల్ గా, పెప్పర్, అల్లం చేర్చి వండటం వల్ల ఓ స్పెషల్ టేస్ట్ వస్తుంది.

 సాధారణంగా రైతాను వివిధ కూరగాయలతో విడి విడిగా వండతుంటారు. అయితే ఇది కూడా ఓ వెరైటీ రైతా. ఈ రైతా సాధారణ మీల్స్ తో బోరు కొట్టినప్పుడు ఇటువంటి సింపుల్ టేస్టీ వంటకాలను ప్రయత్నించవచ్చు. దొండకాయను ఇష్టపడని వారు కూడా ఈ రైతా తినడం వల్ల వెంటేనే దొండకాయకు ప్రియులు కావాల్సిందే. ఇంట్లో మళ్ళీ మళ్ళీ చేయించుకొని తినాల్సిందే. మరి మీరు ప్రయత్నించి, దొండకాయ స్పెషల్ రైతాను మీ ఇంటిల్లిపాదికి అంధించండి.


కావలసిన పదార్థాలు:

 దొండకాయలు: వందగ్రాములు(సన్నగా పొడవుగా తరగాలి)
 పెరుగు: 1cup(చిలకాలి)
 అల్లం: చిన్న ముక్క(సన్నగా తరగాలి)
 ఉల్లిపాయ: 1/2cup(సన్నగా తరగాలి)
మిరియాల పొడి: 1/2tsp
 ఉప్పు: రుచికి తగినంత
 చక్కెర: 1/2tsp
 నూనె: వేయించడానికి తగినంత

తయారు చేయు విధానం:

1. ముందుగా పాన్ లో నూనె వేసి వేడిఅయ్యాక అందులో సన్నగా పొడవుగా తరిగి పెట్టుకొన్న దొండకాయ ముక్కలను డీప్ ఫ్రై చేయాలి.

 2. తర్వాత దొండకాయ ముక్కలు మెత్తగా ఉంటే ఇష్టపడేవాళ్లు ఒక మోస్తరుగా వేయించి తీసుకోవచ్చు.

3. ఇప్పుడు వేయించిన దొండకాయ ముక్కల్లో ఉల్లిపాయ ముక్కలు, అల్లం ముక్కలు, మిరియాలపొడి, ఉప్పు, చక్కెర వేసి సమంగా కలిసేటట్లు చేయాలి.

 4. తర్వాత దొండకాయ మిశ్రమంలో పెరుగు వేసి కలపాలి. దీనికి పోపు అవసరం లేదు. దొండకాయ రైతా జీరారైస్‌ లోకి మంచి కాంబినేషన్.