చిన్నప్పటినుంచి పళ్ల సమస్యే!

డాక్టర్‌ని అడగండి - హోమియో

మా అబ్బాయికి ఆరేళ్లు. వాడికి పళ్లు రావడంలోనే పిప్పిపళ్లుగా మారుతున్నాయి. చాక్లెట్స్ వంటివి తినకపోయినా ఇలా జరగటం బాధగా ఉంది. ఈ పాలదంతాలు పోయిన తరువాత వచ్చే పళ్లు కూడా పిప్పిపళ్లు వస్తాయేమోనని భయంగా ఉంది. భవిష్యత్తులో సమస్య లేకుండా ఉండటానికి హోమియో మందులు ఉంటే సూచించగలరు. -అరవింద, హైదరాబాద్  కొందరిలో శుభ్రత లోపించడం వలన అంటే, కొందరు పిల్లలకు పొద్దున్న లేచిన తరువాత ముందుగా నోరు శుభ్రం చేసుకోకుండానే ఆహారం తీసుకునే అలవాటు ఉంటుంది. దీనివల్ల ఇన్‌ఫెక్షన్ సోకి క్రిములు చేరి పళ్లు పాడయ్యే అవకాశం ఉంది. వీరికి హోమియోలో ‘క్రియొసోట్ 30’ పొటెన్సీలో రోజుకు రెండు పూటలా వారానికి రెండు రోజులు వాడినట్లైతే పిప్పి పళ్లు రాకుండా కాపాడవచ్చు. అయితే శుభ్రత పాటించడం తప్పనిసరి. ఎస్‌బిఎల్ హోమియోడెంట్ అనే టూత్‌పేస్ట్ మార్కెట్‌లో లభ్యమవుతుంది. ప్రతిరోజూ దంతాల శుభ్రతకు ఈ పేస్ట్ వాడటం వల్ల మంచి ఫలితం ఉంటుంది. మా అమ్మాయికి 5 నెలల ప్రెగ్నెన్సీ. గర్భవతి అయినప్పటినుండి వాంతి అవుతున్న ఫీలింగ్ ఎప్పుడూ ఉంటోంది. కానీ ఎప్పుడో ఒకసారి మాత్రమే వాంతి అవుతుంది. సాధారణంగా 4 నెలలకే ఈ వామిటింగ్ సెన్సేషన్ తగ్గుతుందని డాక్టర్లు అన్నారు. కాని తనకు అసలు ఏమాత్రం తగ్గలేదు. హోమియో మందులను సూచించండి. - జి. రాజేశ్వరి, మంచిర్యాల మీ అమ్మాయికి ‘ఇపికాక్’ 30 పొటెన్సీలో వారానికి ఒక డోసు వాడుతూ సమస్యను బట్టి రోజుకు ఒకటి నుండి 3 సార్ల్ల వరకు సాక్రవ్ ులాక్టిన్ పిల్స్‌ను వాడండి. సమస్య చాలా వరకు అదుపులో ఉంటుంది. తరువాత హోమియో వైద్యుని సంప్రదించండి. డాక్టర్ రాజశేఖర్, ష్యూర్‌కేర్ హోమియోపతి