share ur tips here :-)

మాంసం ముక్క గట్టిగా ఉండటం వల్ల కూరగాయలు, ఆకుకూరలతో పోలిస్తే దాన్ని ఎక్కువసేపు నమలాల్సి వస్తుందనేది చాలామందిలో ఒక అపోహ. నిజానికి పీచు ఎక్కువగా ఉండటం వల్ల కూరగాయలనే ఎక్కువగా నమలాల్సి ఉంటుంది. చిన్న సెల్ఫ్ చెక్ ద్వారా దీన్ని నిరూపించవచ్చు కూడా. మీరు ఒకసారి క్యారట్‌ను నమిలి తిని చూడండి. కాసేపటికే... క్యారట్ తినడం పూర్తికాకముందే బుగ్గలు నొప్పెడతాయి. దోసకాయ కూడా అంతే. సలాడ్స్‌లో ఉండే చాలా కూరగాయల ముక్కలు ఈ వాస్తవాన్ని తెలియజెపుతాయి. ఇలా చాలాసేపు నమలాల్సిరావడం మనకు మేలు చేస్తుంది. నోటి, దవడ కండరాలకు వ్యాయామాన్నిస్తుంది. దాంతోపాటు ఆహారంలో లాలాజలం కలవడానికి దోహదపడుతుంది. జీర్ణక్రియ సక్రమంగా జరిగి, జీర్ణవ్యవస్థపై భారం తగ్గేందుకు, ఆహారం తేలిగ్గా ఒంట పట్టేందుకు ఇలా దీర్ఘకాలంపాటు నమలడానికి సహాయం చేస్తుంది. కాబట్టి పై అంశాలను పరిశీలిస్తే కూరగాయలు, ఆకుకూరలు ఎంత మేలుచేస్తాయో తేలిగ్గా తెలుసుకోవచ్చు.