నాటు కోడి పాలక్ వేపుడు

కావలసినవి: కోడి మాంసం - కేజీ ఉల్లిపాయలు - 4; పచ్చిమిర్చి - 6 ఎండుమిర్చి - 8; పాలకూర - 150 గ్రా. అల్లం, వెల్లుల్లి పేస్ట్ - టీ స్పూన్ గరం మసాలా (దాల్చిన చెక్క - చిన్న ముక్క, లవంగాలు - 5, ఏలకులు - 3 కలిపి పొడి చేయాలి) - అర టీ స్పూన్ పసుపు - అర టీ స్పూన్; పుదీనా - 5 రెమ్మలు ఉప్పు - సరిపడినంత; కరివేపాకు - రెండు రెమ్మలు తయారి: కోడి మాంసం కావలసిన పరిమాణంలో కట్ చేసి ఉంచుకోవాలి. ఉల్లిపాయలను, పచ్చిమిర్చిని సన్నగా తరగాలి. కోడి మాంసానికి పసుపు, మసాలా పట్టించి స్టౌ మీద పెట్టి కొద్ది సేపు ఉడికించాలి. ఐదు నిమిషాల తర్వాత కొద్దిగా నీళ్లు పోసి మరికాసేపు ఉడికించాలి. మరో స్టౌ మీద కడాయి పెట్టి, నూనె పోసి, కాగిన తర్వాత ఉల్లిపాయ ముక్కలు, పచ్చిమిర్చి, అల్లం వెల్లుల్లిపేస్ట్, కరివేపాకు, పుదీనా, పాలకూర వేసి వేగాక, ఉప్పు కలిపి, ఉడికిన కోడిమాంసాన్ని వేసి వే యించాలి. దించే ముందు ధనియాల పొడి, కొత్తిమీర చల్లాలి.