సుగంధ ద్రవ్యాలతో ఆరోగ్యం,,,,

జీవితంలో ఎంత ఎక్కువగా మందులు వాడితే చివరిదశలో శరీరం అంత అనారోగ్యానికి గురవుతుందని గుర్తుంచుకోండి. మనకు తేలిగ్గా లభించే వనమూలికలు, మన వంట ఇంట్లో ఉండే అనేక వస్తువులతో ఎన్నో తరుణ వ్యాధుల నుంచి విముక్తి పొందవచ్చు. - స్త్రీలలో బుతుకాలంలో ఎక్కువ బ్లీడింగ్‌ అవుతున్నపుడు అల్లంపొడిని రెండు టీస్పూన్లు తీసుకుని ఒక కప్పు నీటిలో కలుపుకుని తాగండి. మంచి రిలీఫ్‌నిస్తుంది. - దెబ్బలు, గాయాలు తగిలినప్పుడు ఆ భాగాన్ని శుభ్రంగా సబ్బుతో కడిగి తుడిచి దాల్చినచెక్క, లవంగపట్టను పౌడర్‌చేసి ఉంచుకుని ఆ పౌడర్‌ను గాయాలపై బాగా చల్లితే, అలా రెండు, మూడు రోజులు చేస్తే చిన్న చిన్న గాయాలు సులభంగా మానిపోతాయి. - లవంగనూనె జేబురుమాలకు పట్టించి వాసన చూస్తే ముక్కుదిబ్బడ, జలుబు, గొంతు బొంగురుపోవటం అన్నీ తగ్గిపోతాయి. - యాలకుల బాగా నూరి, మెత్తగా ఉన్న ఆ యాలకుల పొడిని నశ్యంలా పీలిస్తే ముక్కురంధ్రాలు బిగుసుకుపోయి, అవస్థపడేవారికి వెంటనే తుమ్ములు వచ్చేసి ముక్కురంధ్రాలు ఫ్రీ అవుతాయి. ఈ యాలకుల నశ్యం పీలిస్తే తలనొప్పి కూడా నెమ్మదిస్తుంది. - నీరసాన్ని, నిస్సత్తువకు, స్ట్రెస్‌ను తగ్గించి మనిషిలో మంచి శక్తినివ్వడానికి వెల్లుల్లి బాగా పనిచేస్తుంది. ఇమ్యూనిటీని పెంచి, ఏజింగ్‌ ప్రాసెస్‌ను నిదానింపజేసే గుణం వెల్లులికి ఉంది. - భోజనం చెయ్యగానే అరచెంచాడు సోంపు గింజలను నోట్లో వేసుకుని బాగా నమిలి తిని వెంటనే మంచినీరు తాగితే కడుపునొప్పి తగ్గుతుంది. క్రమంగా ఇది మూడురోజులు తీసుకుంటే నొప్పి మాయం. - సోంపు గసగసాలు రెండూ 50గ్రా తీసుకుని విడివిడిగా దోరగా వేయించి, దంచి పొడిచేసుకోవాలి. నీటిలో కలిపి మెత్తగా నూరి, ఆవునెయ్యి 50గ్రా కలిపి తలకు మర్దనా చేసుకుని గంటసేపు ఆగి తలస్నానం చేస్తుంటే శిరోరోగాలు హరిస్తాయి. - మెంతిపొడి రెండు స్పూన్లు పాలల్లో వేసుకుని తాగాలి. ఇన్‌ఫెక్షన్‌ రాకుండా కాపాడుతుంది. - వాముపొడిచేసి, ఓ రుమాలులో ఓ మూల మూటకట్టి వాసన చూస్తుంటే ఆస్తమా పేషంట్లకు మంచిది. ఊపిరితిత్తులకు మంచిది. - కరక్కాయ, సైంధవలవణం కలిపి సేవిస్తే బుతువుల వల్ల వచ్చే వ్యాధులు రాకుండా నిరోధించవచ్చును. - గొంతు సమస్యతో బాధపడుతున్నప్పుడు దాల్చిన చెక్క, యాలకులు, బిరియానీ ఆకు మూడింటినీ సమంగా తీసుకుని, చూర్ణం చేసి, డబ్బాలో ఉంచుకుని ఐదుగ్రాముల చూర్ణానికి ఒక గ్లాసు నీళ్లు కలిపి మరిగించి, సగం అయ్యాక వడగట్టి తాగితే గొంతు బాధ తగ్గుతుంది. - ఒక కప్పు శొంఠి కషాయంలో ఒక చెంచా ఆముదం కలిపి వాడితే ఉదరశూల సంహారం అవుతుంది. - బుతుస్రావం అధికంగా ఉన్నప్పుడు ధనియాలు బాగా వాడితే, బాగా ఉపశమనంగా ఉంటుంది. - తెల్లబట్ట సమస్యతో బాధపడే స్త్రీలు శుభ్రపరిచిన జీలకర్రను కొద్దిగా నోటిలో పోసుకుని ఓ చెంచాడు చప్పరిస్తూ ఆ రసం మ్రింగుతుండాలి. ఇలా ఏడురోజులు చేస్తే గర్భాశయం, అండా శయం, యోని శుభ్రంగా, ఆరోగ్యంగా ఉంటాయి. నెలసరి సజావుగా సాగడానికి ఇంగువ తోడ్పడుతుంది. - మీ వంటలోనూ, శరీరగాయాలకు చర్మసౌందర్య రక్షణకు పసుపు పెట్టిందిపేరు. తప్పక వాడండి. ఆరోగ్యాన్ని పొందండి.