వృద్ధాప్యాన్ని తరిమికొట్టు.. ఎప్పుడూ యవ్వనంగా ఉండు....

యవ్వనం, జీవితంలో ఒక మధురమైన దశ. మనిషి యవ్వనంగా కనిపించాలని ఎప్పుడూ కోరుకుంటాడు. అలా కోరుకోవడంలో తప్పు లేదు. కానీ, దాని కోసం మనుషులు చేసే ప్రయత్నాలే నవ్వు తెప్పిస్తుంటాయి. మానవుడు తన జీవితకాలంలో వృద్ధాప్యాన్ని చూడటం సహజం. ఆ వృద్ధాప్యాన్ని సహజంగా ఎవరూ కోరుకోరు. ఎందుకంటే ప్రతి ఒక్కరు నిత్యం యవ్వనస్తులుగానే ఉండాలని కోరుకుంటారు. అయితే నడి వయస్సు నుంచి వృద్ధాప్యంలోకి అడుగు పెట్టే కాలంలో ఆ వేగాన్ని మనం తీసుకునే ఆహారపానీయాల ద్వారా తగ్గించవచ్చని నిపుణులు చెబుతున్నారు.

ఎప్పుడు యవ్వనంగా కనిపించాలంటే...!

 

  

 

అలాగే ఈ వయస్సులో తరచూ వచ్చే వ్యాధులను కూడా నియంత్రించగలిగితే శారీరకంగానూ, మానసికంగానూ వృద్ధాప్యాన్ని కొంతకాలం వరకు పొడిగించడానికి వీలవుతుంది. ప్రకృతిపరంగా లభించే ధాన్యాలు, పండ్లు తీసుకోవడం ద్వారా వృద్ధాప్య వేగాన్ని తగ్గించగలిగితే అంతకంటే ఆనందం ఏంవుంటుంది. పండ్లు ఎక్కువసార్లు తీసుకుంటే బరువెక్కిపోతారన్న అపోహవుంది. సహజంగా అతి తక్కువసార్లు తినేవారే ఎక్కువ క్యాలరీలు తీసుకుంటారు. ముడి ధాన్యాలు, చెర్రీపండ్లు, అవకాడో పండ్లు, ఆప్రికాట్లు, ఆపిల్ పండ్లువంటివి ప్రకృతి సిద్ధంగా లభించేవి. సహజసిద్ధమైన ధాన్యాలు పండ్లు వృద్ధాప్యంలో ఎదురయ్యే అతి ప్రధాన సమస్యల నుంచి కాపాడతాయి.
ఆరోగ్యం వ్యక్తిత్వాన్నే కాదు వృద్ధాప్యాన్ని కూడా నిర్దేశిస్తుంది. రోజవారి జీవితంలో ఎదుర్యే సమస్యలు, మానసిక ఒత్తిడులు మన చర్మంపై కూడా ప్రభావం చూపిస్తాయి. అందుకే వయసుతో సంబంధం లేకుండా చర్మం ముడుతలు పడి, నిర్జీవంగా తయారవుతుంది. చర్మ సంరక్షణకు ఎంత విలువైన కాస్మొటిక్స్ వాడినా, మన శరీరంలో చర్మానికి కావలసిన హార్మోన్ ల ఉత్పత్తి సమపాళ్ళలో లేకపోతే ప్రయోజనం ఉండదు. అందుకే చర్మ సంరక్షణకు మనం తినే ఆహారంలో కొన్ని జాగ్రత్తలు తీసుకుంటే చర్మానికి కావలసిన హార్మోన్ ల ఉత్పత్తి మెరుగుపడి చర్మం యవ్వనంగా ఉండటమే కాక కాంతిలీనుతూ ఉంటుంది. చర్మం కాంతివంతంగా ముడుతలు లేకుండా యవ్వనంగా నిగనిగలాడుతూ ఉండాలంటే కొన్ని ఆహారాలు తరచూ తప్పని సరిగా తీసుకొంటుండాలి. మరి అవేంటో చూద్దాం...

 

 నట్స్: తాజా పండ్లకంటే ఎండిన పండ్లలో పోషకాలు అత్యధికంగా ఉంటాయి. డ్రై ఫ్రూట్స్ తో పాటు నట్స్ ను కూడా తరచూ తినడం వల్ల వింటర్ సీజన్ లో ఎదురయ్యే అనారోగ్య సమస్యలను ఎదుర్కోవడానికి ఇవి బాగా సహాయం చేస్తాయి. కాబట్టి స్నాక్స్ టైమ్ లో వీటికి ప్రాధాన్యత ఇవ్వడం మంచిది.

బెర్రీస్: ముఖంలో వృద్దాప్య ఛాయలు కనబడనీయకుండా, రానియ్యకుండా చేసే వాటిలో బ్లూ బెర్రీస్ చాలా అద్భుతమైనటు వంటి ఆహారం. బ్లూ బెర్రీస్‌లో వుండే యాంటీ 'ఆక్సిడేటివ్‌ ఫైటో కెమికల్స్‌', జ్ఞాపక శక్తి పెరుగుదలకి కారణం'' అని, జర్నల్‌ ఆఫ్‌ అగ్రికల్చరల్‌ అండ్‌ ఫుడ్‌ కెమిస్ట్రీ'లో ప్రచురితమైన ఒక వ్యాసంలో, శాస్త్రజ్ఞులు వివరించారు.బ్లూ బెర్రీస్ - వీటిలో బీటా కెరోటిన్, లూటీన్ అనే కెరోటినాయిడ్లు, అంథోసియానిన్ అనే ఫ్లావనాయిడ్లు, ఎలాజిక్ అనే పోలీఫినైల్, విటమిన్ సి, ఫోలేట్, కాల్షియం, మెగ్నీషియం,పొటాషియం మరియు పీచు పదార్థము ఉన్నాయి . కాబట్టి ఇవన్నీ వయస్సు సంబంధించిన విటమిన్లు, ప్రోటీన్లే కాబట్టి వీటిని తీసుకోవడం వల్ల చర్మం ఆరోగ్యంగా, కాంతివంతంగా ఉండేదుకు సహాయపడుతుంది.

 

గ్రీన్ లీఫీ వెజిటేబుల్స్: ఆకుకూరల్లో విటమిన్ సి, పుష్కలంగా ఉంటుంది, అది చర్మం కాంతివంతంగా ప్రకాశించడంలో దోహదపడుతుంది. అంతేకాదు ఆకుకూరల్లో ఉండే క్యారోటినాయిడ్స్ చర్మం ముడతలను తొలగించి, ఆరోగ్యంగా ఉంచుతుంది.




చేపలు: తీరప్రాంతాల్లో నివసించే మహిళలు చాలా అందంగా ఉంటారు. వారి అందానికి ఓ సీక్రెట్ ఉంది? అదేంటంటే తీర ప్రాంతాల్లో నివసించే వారు తరచూ చేపలు, చేపనూనెను ఆహారంగా తీసుకోవడం వల్ల వారి చర్మం దృడంగా, మెరుసేట్లు చేస్తుంది. కోల్డ్ వాటర్ ఫిష్ అంటే సాల్మన్ మరియు తున అనే చేపలు ఓమేగా 3 ఫ్యాటీ యాసిడ్స్ ను అధికంగా కలిగి ఉండటం వల్ల అవి చర్మాన్నికి బాగా ఉపయోగపడుతాయి. చర్మంలో ముడుతలు రాకుండా, కాంతివంతంగా ఉండేందుకు బాగా సహాయపడుతుంది.


తృణధాన్యాలు: తృణధాన్యాలల్లో విటమిన్లు పుష్కలంగా ఉంటాయి. బి కాంప్లెక్స్ అధికం. కాలేయ పనితీరు సామార్థాన్ని ప్రోత్సహించేందుకు బాగా సహాయపడుతుంది. బ్రౌన్ రైస్ మల్టీ గ్రెన్ పిండి మరియు సోయా పిండి ఆరోగ్యానికి చాలా మంచిది అందువలన వాటిని వాడటం వల్ల కాలేయ సమస్యలను దూరంగా ఉంచవచ్చు.


గ్రీన్ టీ: మరో యాంటిఆక్సిండెంట్ గ్రీన్ టీ. ఇది కావల్సిన శక్తిని ఇస్తుంది. మైండ్ ను రిఫ్రెష్ చేస్తుంది. చెడు కొలెస్ట్రాల్ ను కరిగిస్తుంది. ఇది కూడా వయస్సు పైబడనీయకుండా ఉంచే వాటిలో ఒక అద్భుతమైనటువంటిదే.



నీళ్ళు: వయస్సును తగ్గించడంలో ప్రతి రోజూ మనం తీసుకొనే డైయట్ లో నీరు కూడా ఒక భాగమే. నీరు ఇంటర్నల్ గాను, ఎక్సటర్నల్ గాను మంచి ప్రయోజనకారి. ప్రతి రోజూ ఎనిమిది నుండి పది గ్లాసుల నీరు తాగడం వల్ల శరీరానకి కావల్సిన తేమ అంది ఎప్పటికీ ఆరోగ్యంగా ఉంచుతుంది.


చాక్లెట్స్: మీకు చాక్లెట్స్ తినే అలవాటుంటే మరీ మంచిది. చాక్లెట్స్ లో అంత అద్భుతమైన గుణాలున్నాయి. వయస్సును తెలియనియ్యకుండా చేసే లక్షణం చాక్లెట్స్ లో అధికంగా ఉన్నాయి. అనేక అధ్యయనాల ప్రకారం, చాక్లెట్స్ లో ఉపయోగించి కోకో, చాక్లెట్ మిల్క్ చర్మ కణజాలాలు సురక్షింతంగా ఉంచుతాయి. మరియు కణాలకు రక్త ప్రవాహాన్ని పెంచుతుంది. దాంతో చర్మంలో గరుకుదనం పోయి, చర్మం సున్నితంగా తయారువుతుంది. కాబట్టి ఈ చిన్న చిన్న ఆహారనియమాలను పాటించి వయస్సు మీద పడకుండా.. యవ్వనంగా కనబడేందుకు ప్రయత్నం చేయండి..!