గుంత పునుగులు

కావలసిన పదార్థాలు
బియ్యం - 2 కప్పులు
మినప్పప్పు - 1 కప్పు
నానబెట్టిన సెనగపప్పు - 2 స్పూన్లు
క్యారెట్‌ తురుము - 2 స్పూన్లు
పుదీన, కొత్తిమీర - కొద్దిగా
కరివేపాకు - 4 రెబ్బలు
అల్లం ముక్క - చిన్నది
పచ్చిమిర్చి - 2
జీలకర్ర - 1 స్పూన్‌
ఉప్పు - తగినంత
ఉల్లిపాయ ముక్కలు - 2 కప్పులు
నూనె - సరిపడా
తయారీ విధానం
బియ్యం, మినప్పప్పు నాలుగు గంటలు నానబెట్టి రుబ్బుకోవాలి. మర్నాడు ఈ పిండిలో సెనగపప్పు, క్యారెట్‌ తురుము, పుదీన, కొత్తిమీర, కరివేపాకు, అల్లం, పచ్చిమిర్చి, జీలకర్ర, ఉల్లిపాయ ముక్కలు, ఉప్పు వేసి బాగా కలియదిప్పాలి. పొంగనాల కళాయి స్టౌ మీద పెట్టి బాగా వేడయ్యాక గుంతల్లో కొద్ది కొద్దిగా నూనె వేయాలి. తర్వాత గరిటలో పిండి వేసి మూత పెట్టాలి. కొద్ది సేపటి తర్వాత వాటిని రెండో వైపు తిప్పాలి. రెండు వైపులా ఉడికితే పొంగనాలు రెడీ. వీటికి కాంబినేషన్‌గా పల్లీచట్నీ, కారం పొడి, టమాట పచ్చిమిర్చి రోటి పచ్చడి... ఇలా ఏదైనా బావుంటుంది.