ఆనపగింజల మిక్చర్‌

కావలసిన పదార్థాలు
ఆనపగింజలు - 1 కప్పు, కారం - అర టీ స్పూను
వేరుశనగపప్పు - పావు కప్పు
ఉప్పు - తగినంత, నూనె - తగినంత


తయారీ విధానం
ఆనపగింజలను నీళ్లలో రెండు గంటలు నానబెట్టాలి. తర్వాత నీళ్లు ఒంపేసి గింజలను నలిపి పై పొట్టు తీయాలి. తడి ఆరకుండానే కాగిన నూనెలో వేయించాలి. వీటిని బాండీలో నేరుగా వేయకుండా చిల్లుల గరిటెలో ఉంచే వేయించాలి. మొత్తం వేగాక బాండీలో నూనంతా తీసి అడుగున కొద్దిగా ఉంచాలి. అందులో వేరుశనగపప్పు వేయించాలి. వాటికి ముందుగా వేయించి పెట్టుకున్న ఆనపగింజలు కలిపి వేడి తగ్గకుండానే ఉప్పు, కారం కలపాలి. చల్లారిన తర్వాత సీసాలో నిల్వ చేస్తే 15 రోజులు వరకు నిల్వ ఉంటాయి. వీటిని పిల్లలు ఎంతో ఇష్టంగా తింటారు.