కొంగు ముడులు

కావలసిన పదార్థాలు
మైదా పిండి - పావుకిలో
బెల్లం - పావుకిలో
ఉప్పు - చిటికెడు
నూనె - వేయించడానికి సరిపడా
తయారీ విధానం
మైదా పిండిలో రెండు స్పూన్ల వేడి నూనె, ఉప్పు, కొద్దిగా నీళ్లతో గులాబ్‌జామూన్‌ పిండిలా కలిపి అరగంట నానబెట్టాలి. తర్వాత చిన్న ఉండలు చేసి పూరీల్లా వత్తుకోవాలి. వీటిని అరంగుళం వెడల్పుతో రిబ్బన్‌లా పొడవుగా కోసుకోవాలి. రెండు రిబ్బన్ల చొప్పున కలిపి మధ్యలో ముడి వేయాలి. ఇలా చేసుకున్న వాటిని కాగిన నూనెలో వేయించుకోవాలి. బెల్లం పొడిలో కొద్దిగా నీళ్లు పోసి ముదురు పాకం పట్టాలి. నూనెలో వేయించిన ముడులను పాకంలో కలపాలి. వీటిని వెంటనే విడివిడిగా తీస్తే ఒకదానికొకటి అంటుకోకుండా వుంటాయి.