అప్పుడే విరిసిన పూలతో ఫ్లవర్‌వాజ్‌ను అలంకరించి హాలులోని టేబుల్‌పై పెడితే ఇంటికి అందంగా ఉండడమే కాదు మనసుకు కూడా ఎంతో ఆహ్లాదంగా ఉంటుంది. మరి అటువంటి అలంకరణలో ఏ పువ్వులు వాడాలి, ఎలా అలంకరించాలన్నది తెలుసుకుందామా!
- ఫ్లవర్‌వాజ్‌లో పువ్వులు అలంకరించాలంటే సూర్యోదయానికి ముందే పువ్వులు కోసి పెట్టుకోవాలి. వీటిని కోసేటప్పుడు పదునైన చాకును ఉపయోగించాలి. నీటితో కడిగి ఫ్లవర్‌వాజ్‌లో పువ్వులు అలంకరించాలి.
- పువ్వులతో పాటు మధ్యమధ్యలో ఆకులు కూడా పెట్టాలి. ఆకులు నీళ్లలో మునగకూడదు. అదే పూల ఆకులు కాకుండా వేరు ఆకులతో అలంకరిస్తే ఫ్లవర్‌వాజ్‌ అందంగా ఉంటుంది.
- బాగా వికసించిన ముదురురంగు పువ్వులు మధ్యలో ఉంచి, అరవిరిసిన పువ్వులు చుట్టూరా పెట్టాలి. ఇలా చేస్తే అవి కూడా విచ్చుకుంటాయి.
- ఎరుపు, నేరేడు రంగు, ముదురు రంగు పువ్వులు ఒకేచోట కాకుండా మ్యాచింగ్‌ ఉండేలా చూడాలి.
- పువ్వుల రంగు గది కర్టెన్‌ రంగుతో మ్యాచ్‌ అయితే ఆనందానుభూతి ఎక్కువ.
- ఫ్లవర్‌వాజ్‌ లోపల, బయట శుభ్రంగా కడిగి అందులో నీరు నింపాలి. నీళ్లల్లో కాస్తంత ఉప్పు కలిపితే పువ్వులు ఎక్కువ కాలం ఉంటాయి.
- ఫ్లవర్‌వాజ్‌ ఎక్కువ ఉష్ణోగ్రత ఉన్నచోట పెట్టకుండా తాజా గాలి వచ్చే చోట పెట్టాలి.
- ఇంట్లో ఇండోర్‌ ప్లాంట్స్‌, మనీప్లాంట్స్‌ కొన్ని రకాల క్రోటన్‌ మొక్కలు కుండీలో వేసి గదుల్లో డ్రాయింగ్‌రూంలో అలంకరించుకోవచ్చు.
- మొక్కలు మనకు ఆక్సిజన్‌ ప్రసాదించి, మనం వదిలిన కార్బన్‌ డై ఆక్సైడ్‌ తీసుకుని ఎంతో మేలు చేస్తాయి.
- వేప యూకలిప్టస్‌ మొదలైనవి క్రిమిసంహారిణిగా ఉపయోగపడతాయి. కనుక స్థలం ఉన్న వారు బద్ధకించకుండా మొక్కలు పెంచడం వల్ల ఆదాకి ఆదా, ఆరోగ్యానికి ఆరోగ్యం. మొక్కలకి నీరు పోయడం వల్ల శరీరానికి వ్యాయామం కూడా.
No comments:
Post a Comment