మోతిచూర్ లడ్డూ

పండుగలు వచ్చాయంటే చాలు ఏమేమి పిండి వంటలు వండాలి. దేవుడికి ఏవేవి నైవేద్యం పెట్టాలి. ఇంటికొచ్చే అథితులకు ఏమి ఆతిథ్యం ఇవ్వాలని చాలా మంది కన్ఫూజ్ అవుతుంటారు. ఏవైనా వెరైటీగా చేస్తే బాగుండు అనుకుంటారు. మరి ఈ గణేష చతుర్థికి గణేషునికి ఇష్టమైన లడ్డూలను కొంచెం వెరైటీగా చేద్దామా...

1. మోతిచూర్ లడ్డూ
కావలసిన పదార్థాలు:
పాలు: 1cup
పిస్తాపప్పు: 1tbsp
ఆరెంజ్ ఫుడ్ కలర్: చిటికెడు
నెయ్యి : వేయించడానికి తగినంత
కిస్‌మిస్: 2tbsp
బేకింగ్‌పౌడర్: చిటికెడు
పంచదార : 1/2kg
శనగపండి: 1/2kg


తయారు చేయు విధానం:
1. ముందుగా శనగపిండిలో బేకింగ్ పౌడర్ కలపాలి. అందులో రెండు టేబుల్ స్పూన్ల నెయ్యి, పాలు, నీళ్లు పోసి దోసె పిండిలా కలపాలి.
2. తర్వాత పాన్ లో నెయ్యి పోసి, కాగిన తర్వాత సన్నని రంధ్రాలు ఉన్న జల్లి మీద పిండి వేసి, లడ్డూ కోసం బూందీ తయారుచేసుకోవాలి.
3. ఇప్పుడు బూందీ బాగా వేగి, గట్టిగా కాకుండా వెంటనే ప్లేట్‌లోకి తీసుకోవాలి.
4. అంతలోపు ఒక పాత్రలో పంచదార పాకం పట్టి, అందులో పిస్తాపప్పు, ఫుడ్‌కలర్, కిస్‌మిస్, బూందీ పోసి కలపాలి. చల్లారిన తర్వాత కొద్ది కొద్దిగా బూందీ మిశ్రమాన్ని తీసుకొని, లడ్డూలు క ట్టుకోవాలి.