చుర్మా లడ్డు

3. చుర్మా లడ్డు
కావాల్సిన పదార్థాలు:
గోధుమపిండి: 1/2kg
నెయ్యి: ఫ్రై చేసేందుకు సరిపడా
చక్కెర పొడి: 1/2kg
యాలకుల పొడి: 1tsp
జీడి పప్పు: 10
కిస్ మిస్ లు: 10

తయారు చేసే విధానం:
1 . గోధుమపిండిలో కొద్దిగా నెయ్యి కలిపి,తరువాత కొద్దిగా నీళ్లు జల్లుతూ పిండిని పొడి పొడి గా కలియబెట్టండి. ఈ పిండిని పది నిమిషాల పాటు తడి బట్టతో కప్పి వుంచండి.
2. తరువాత ఆ పిండిని గట్టిగా కలిపి పిడికిలికి సరిపడా పరిణామంలో చుట్టండి.వీటిని బాణలిలో సన్నటి మంట మీద మరుగుతున్న నెయ్యిలో ఎర్రగా ఫ్రై చేసి తీసి చల్లారబెట్టి పొడిగా దంచి,నూకల జల్లెడలో జల్లెడ పట్టి పక్కన వుంచండి.
3. ఇప్పుడు ఇలా చేసిన గోధుమ చుర్మాలో చక్కెర పొడి,యాలకుల పొడి,జీడిపప్పు,కిస్ మిస్ లను కలిపి ,కొంచెం తడి చేతితో కావాల్సిన పరిణామంలో లడ్డూలుగా చుట్టి గట్టిపడ్డాక ఆరగించండి.